ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಚಳಿಗಾಲದ ಅಧಿವೇಶನ ನಡೆಯುತ್ತಿರುವ ಸಂದರ್ಭದಲ್ಲಿ, ಬುಧವಾರ ವ್ಯಕ್ತಿಯೊಬ್ಬ ಲೋಕಸಭೆಯ ಪ್ರೇಕ್ಷಕರ ಗ್ಯಾಲರಿಯಿಂದ ಸಂಸದರು ಕಲಾಪ ನಡೆಸುತ್ತಿದ್ದ ಜಾಗಕ್ಕೆ ಜಿಗಿದು ಭಾರಿ ಆತಂಕ ಸೃಷ್ಟಿಸಿರುವ ಘಟನೆ ನಡೆದಿದೆ.
#WATCH | An unidentified man jumps from the visitor’s gallery of Lok Sabha after which there was a slight commotion and the House was adjourned. pic.twitter.com/Fas1LQyaO4
— ANI (@ANI) December 13, 2023
ಈ ಘಟನೆ ನಡೆಯುತ್ತಲೇ ಕಲಾಪವನ್ನು ಅನಿರ್ದಿಷ್ಟಾವಧಿಗೆ ಮುಂದೂಡಲಾಯಿತು. ಸಂಸತ್ತಿನ ಹೊರಗಡೆ ಈ ಬಗ್ಗೆ ಅನೇಕ ಸಂಸದರು ಮಾತನಾಡಿ ಆತಂಕ ಹೊರಹಾಕಿದ್ದಾರೆ. ಕಾಂಗ್ರೆಸ್ಸಿನ ಕಾರ್ತಿ ಚಿದಂಬರಂ ಅವರ ಪ್ರಕಾರ, ಆ ವ್ಯಕ್ತಿಯ ಕೈಯಲ್ಲಿ ತಗಡಿನ ಡಬ್ಬವೊಂದಿದ್ದು ಅದರಿಂದ ಹೊಗೆ ಹೊಮ್ಮಿಸುವ ಪ್ರಯತ್ನ ಮಾಡಿದ್ದಾನೆ. ಅದು ವಿಷಾನಿಲವೂ ಆಗಬಹುದಾಗಿದ್ದ ಸಾಧ್ಯತೆ ಇದ್ದು, ಇದೊಂದು ಗಂಭೀರ ಭದ್ರತಾ ಲೋಪವಾಗಿದೆ ಎಂದವರು ಹೇಳಿದ್ದಾರೆ.
ಸಂಸತ್ತಿನ ಒಳಗೆ ಪ್ರವೇಶಿಸುವ ಸಾರ್ವಜನಿಕರು ಭದ್ರತಾ ತಪಾಸಣೆಗೆ ಒಳಗಾಗುತ್ತಾರೆ. ನಾಣ್ಯಗಳು, ಪೆನ್ ಸೇರಿದಂತೆ ಯಾವುದೇ ರೀತಿಯ ವಸ್ತುಗಳನ್ನು ಒಳಗೆ ಕೊಂಡೊಯ್ಯುವಂತಿಲ್ಲ. ಹೀಗಿರುವಾಗ ವ್ಯಕ್ತಿ ಸೃಷ್ಟಿಸಿರುವ ವಿಧ್ವಂಸವು ಸಂಸತ್ತಿನ ಭದ್ರತೆ ಕುರಿತು ಪ್ರಶ್ನೆಗಳೇಳುವಂತೆ ಮಾಡಿದೆ ಎಂದು ಪ್ರತಿಪಕ್ಷ ಸದಸ್ಯರು ಧ್ವನಿ ಎತ್ತಿದ್ದಾರೆ.
#WATCH | Security breach in Lok Sabha | Congress MP Karti Chidambaram says “Suddenly two young men around 20 years old jumped into the House from the visitor’s gallery and had canisters in their hand. These canisters were emitting yellow smoke. One of them was attempting to run… pic.twitter.com/RhZlecrzxo
— ANI (@ANI) December 13, 2023
