ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ನಟ ಅಕ್ಷಯ್ ಕುಮಾರ್ ತಮ್ಮ ಟೈಮ್‌ಸೆನ್ಸ್‌ಗೆ ಹೆಸರು ಮಾಡಿದಂತವರು. ಬೆಳಗ್ಗೆ ಎಷ್ಟು ಸಮಯಕ್ಕೆ ಶೂಟಿಂಗ್ ಇದೆಯೋ ಅದಕ್ಕಿಂತ ಮುಂಚೆ ಬಂದು ಕಾಯುವ ಅಭ್ಯಾಸ ಅಕ್ಷಯ್‌ರದ್ದು. ಆದರೆ ಸಲ್ಮಾನ್ ಖಾನ್ ನಡೆಸಿ ಕೊಡುವ ಬಿಗ್‌ಬಾಸ್‌ ಫಿನಾಲೆಗೆ ಶೂಟ್‌ಗಾಗಿ ಬಂದ ಅಕ್ಷಯ್ ಶೂಟ್‌ ಮಾಡದೇ ಹಾಗೇ ಹೋಗಿದ್ದಾರೆ.
ಇದಕ್ಕೆ ಕಾರಣ ಸಲ್ಮಾನ್ ಖಾನ್, ಹೌದು, ಸಲ್ಮಾನ್ ಶೆಡ್ಯೂಲ್ಡ್‌ ಸಮಯಕ್ಕೆ ಆಗಮಿಸದೇ ಇದ್ದ ಕಾರಣ ಅಕ್ಷಯ್ ಕುಮಾರ್ ಕೆಲ ಸಮಯ ಕಾದು ಶೂಟ್‌ ಮಾಡದೆಯೇ ಹೋಗಿದ್ದಾರೆ ಎನ್ನಲಾಗಿದೆ.
ಅಕ್ಷಯ್ ಕುಮಾರ್ ತಮ್ಮ ಮುಂಬರುವ ಚಿತ್ರ ‘ಸ್ಕೈ ಫೋರ್ಸ್’ ಪ್ರಚಾರಕ್ಕಾಗಿ ಬಿಗ್ ಬಾಸ್‌ನ ಸೆಟ್‌ಗಳನ್ನು ತಲುಪಿದ್ದರು. ಭಾನುವಾರ ಮಧ್ಯಾಹ್ನವೇ ಗ್ರ್ಯಾಂಡ್ ಫಿನಾಲೆಯ ಚಿತ್ರೀಕರಣ ಆರಂಭವಾಗಿದೆ. 2:30ರ ಸುಮಾರಿಗೆ ಅಕ್ಷಯ್ ಕುಮಾರ್ ಸೆಟ್ಗೆ ಬಂದರು. ಇವರೊಂದಿಗೆ ‘ಸ್ಕೈ ಫೋರ್ಸ್’ ಚಿತ್ರದ ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದ ನಟ ವೀರ್ ಪಹಾಡಿಯಾ ಕೂಡ ಫಿನಾಲೆಗೆ ವಿಶೇಷ ಅತಿಥಿಯಾಗಿ ಆಗಮಿಸಿದ್ದರು. ಆದರೆ ಫಿನಾಲೆ ಚಿತ್ರೀಕರಣ ಮಾಡದೆ ಅಕ್ಷಯ್ ತೆರಳಿದ್ದಾರೆ ಎಂಬ ಮಾಹಿತಿ ಹೊರಬೀಳುತ್ತಿದೆ.
ವರದಿ ಪ್ರಕಾರ ‘ಬಿಗ್ ಬಾಸ್ 18′ ನಿರ್ದೇಶಕ ಸಲ್ಮಾನ್ ಖಾನ್ ಸೆಟ್ಗೆ ತಡವಾಗಿ ತಲುಪಿದ ಕಾರಣ ಅಕ್ಷಯ್ ಕುಮಾರ್ ಶೂಟಿಂಗ್ ಇಲ್ಲದೆ ತೆರಳಿದರು. ಅಕ್ಷಯ್ ತಮ್ಮ ವೇಳಾಪಟ್ಟಿಯ ಬಗ್ಗೆ ತುಂಬಾ ಜಾಗರೂಕರಾಗಿರುತ್ತಾರೆ ಎಂಬುದು ಎಲ್ಲರಿಗೂ ತಿಳಿದಿದೆ. ಅವರು ಸೆಟ್‌ಗಳಲ್ಲಿ ಸಮಯಪ್ರಜ್ಞೆಯನ್ನು ಒತ್ತಾಯಿಸುತ್ತಾರೆ. ಇದರ ಪ್ರಕಾರ ಶೂಟಿಂಗ್ಗಾಗಿ ಮಧ್ಯಾಹ್ನ 2.15ಕ್ಕೆ ಬಿಗ್ ಬಾಸ್ ಸೆಟ್ಗೆ ಬಂದರು. ಆದರೆ ಆಗ ಸಲ್ಮಾನ್ ಸೆಟ್ನಲ್ಲಿ ಇರಲಿಲ್ಲ. ಸುಮಾರು ಒಂದು ಗಂಟೆ ಕಾಲ ಅಕ್ಷಯ್ ಸಲ್ಮಾನ್ಗಾಗಿ ಕಾಯುತ್ತಿದ್ದರು. ಆದರೆ ಇನ್ನೂ ಸಲ್ಮಾನ್ ಸೆಟ್ಗೆ ಬರದ ಕಾರಣ ಅಲ್ಲಿಂದ ಹೊರಟರು.
