ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ವೇಗವಾಗಿ ಬಂದ ಟ್ರಕ್ಕೊಂದು ಕಾರನ್ನು ತಪ್ಪಿಸಲು ಹೋಗಿ ಎದುರಿನಿಂದ ಬರುತ್ತಿದ್ದ ಬಸ್ಗೆ ಡಿಕ್ಕಿ ಹೊಡೆದ ಘಟನೆ ರಾಜಸ್ಥಾನದ ರಾಜ್ಸಮಂದ್‌ನ ನೆಗಾಡಿಯಾ ಟೋಲ್ ಬಳಿ ಬುಧವಾರ ಸಂಜೆ ನಡೆಯಿತು.
ಬಸ್‌ನಲ್ಲಿ ಮದುವೆಗೆ ತೆರಳಿದ್ದ ಅತಿಥಿಗಳಿದ್ದು, 39 ಜನರು ಗಾಯಗೊಂಡಿದ್ದಾರೆ. ಈ ಪೈಕಿ ಐವರ ಸ್ಥಿತಿ ಗಂಭೀರವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಉದಯಪುರ ನಿವಾಸಿ ಮನೋಜ್ ನಾಯಕ್ ಎಂಬವರ ವಿವಾಹ ಕಾರ್ಯಕ್ರಮ ಮುಗಿಸಿ ಆದರ್ಶ ನಗರ ವಿಶ್ವವಿದ್ಯಾಲಯ ರಸ್ತೆಯಿಂದ ಬಸ್ ತಾರಖೇಡಾಗೆ ಹೊರಟಿತ್ತು.
ಬಸ್ ನೆಗಾಡಿಯಾ ಟೋಲ್ ಬಳಿ ತಲುಪುತ್ತಿದ್ದಂತೆ ಮುಂಭಾಗದಿಂದ ವೇಗವಾಗಿ ಬರುತ್ತಿದ್ದ ಟ್ರಕ್ ನಿಯಂತ್ರಣ ಕಳೆದುಕೊಂಡು ನೇರವಾಗಿ ಬಸ್ಗೆ ಡಿಕ್ಕಿಯಾಗಿದೆ. ಬಸ್ನಲ್ಲಿದ್ದ ಅನೇಕ ಜನರು 10 ರಿಂದ 15 ಅಡಿ ಎತ್ತರಕ್ಕೆ ಹಾರಿ ರಸ್ತೆಗೆ ಬಿದ್ದರು ಎಂದು ದೆಲ್ವಾರಾ ಠಾಣೆಯ ಎಸ್ಪಿ ವಿಜೇಂದ್ರ ಸಿಂಗ್ ತಿಳಿಸಿದ್ದಾರೆ.
