ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ನಟಿ ತುನಿಶಾ ಶರ್ಮಾ ಆತ್ಮಹತ್ಯೆ ಪ್ರಕರಣದಲ್ಲಿ ಬಂಧಿತನಾದ ಆಕೆಯ ಸಹನಟ ಹಾಗೂ ಮಾಜಿ ಗೆಳೆಯ ಶೀಜಾನ್ ಖಾನ್ನ ಪೊಲೀಸ್ ಕಸ್ಟಡಿಯ ಅವಧಿಯನ್ನು ಡಿಸೆಂಬರ್ 30ರವರೆಗೆ ವಿಸ್ತರಿಸಲಾಗಿದೆ. ಇದರ ನಡುವೆ ತುನಿಶಾರ ಕುಟುಂಬಸ್ಥರು ಹೊಸ ಸಂಗತಿಗಳನ್ನು ಬಹಿರಂಗ ಪಡಿಸಿದ್ದು, ನಟಿ ಹಿಜಾಬ್ ಸಹ ಧರಿಸುವುದಕ್ಕೂ ಆರಂಭಿಸಿದ್ದರು ಎಂದು ಹತ್ತಿರದ ಸಂಬಂಧಿಯೊಬ್ಬರು ತಿಳಿಸಿದ್ದಾರೆ.
ಡಿ.24ರಂದು ತುನಿಶಾ ಶರ್ಮಾ (20) ಇದೇ ಆತ್ಮಹತ್ಯೆ ಮಾಡಿಕೊಂಡಿದ್ದು, ಅಲಿಬಾಬಾ – ದಸ್ತಾನ್ – ಎ – ಕಾಬೂಲ್‌ ಎಂಬ ಟಿವಿ ಶೋನ ಸೆಟ್‌ನಲ್ಲಿ ತುನಿಶಾ ಶವವಾಗಿ ಪತ್ತೆಯಾಗಿದ್ದರು. ಸಹನಟನಾದ ಶೀಜಾನ್ ಖಾನ್ನೊಂದಿಗೆ ಸ್ನೇಹ ಮತ್ತು ಪ್ರೀತಿ ಹೊಂದಿದ್ದ ತುನಿಶಾ ಆತ್ಮಹತ್ಯೆಗೆ 15 ದಿನಗಳ ಮುನ್ನವಷ್ಟೇ ದೂರವಾಗಿದ್ದರು. ಆತ್ಮಹತ್ಯೆಯ ಮರು ದಿನವೇ ಶೀಜಾನ್ ಖಾನ್ನನ್ನು ಆತ್ಮಹತ್ಯೆಗೆ ಪ್ರಚೋದನೆ ಆರೋಪದ ಮೇಲೆ ಪೊಲೀಸರು ಬಂಧಿಸಿದ್ದರು.
