ಹೊಸದಿಗಂತ ಡಿಜಿಟಲ್ ಡೆಸ್ಕ್:
ರಾಜಸ್ಥಾನದ ಜೈಪುರದಲ್ಲಿ ಇಬ್ಬರು ಜಪಾನಿ ಪ್ರವಾಸಿಗರು ನಾಪತ್ತೆಯಾಗಿದ್ದಾರೆ.
ಜಪಾನಿ ಪ್ರವಾಸಿಗರು ಬಾಡಿಗೆಗೆ ಪಡೆದಿದ್ದ ಟ್ಯಾಕ್ಸಿಯ ಚಾಲಕ ನಾಪತ್ತೆ ದೂರು ದಾಖಲಿಸಿದ್ದಾರೆ ಎಂದು ಅಶೋಕ್ ನಗರ ಸ್ಟೇಷನ್ ಹೌಸ್ ಮಾಹಿತಿ ನೀಡಿದೆ.
ಫೆಬ್ರವರಿ 7 ರಂದು ಜಪಾನಿನ ಇಬ್ಬರು ಪುರುಷರು ನವದೆಹಲಿಯಿಂದ ಜೈಪುರಕ್ಕೆ ಬಂದು ಹೋಟೆಲ್ನಲ್ಲಿ ತಂಗಿದ್ದರು. ಟ್ಯಾಕ್ಸಿ ಚಾಲಕ ಫೆಬ್ರವರಿ 7 ರ ರಾತ್ರಿ ಈ ಇಬ್ಬರನ್ನೂ ಅಶೋಕ್ ನಗರ ಪ್ರದೇಶದ ರೆಸ್ಟೋರೆಂಟ್ಗೆ ಕರೆದೊಯ್ದರು. ಆದರೆ ಅವರು ವಾಪಸ್ ಬರಲಿಲ್ಲ ಎನ್ನಲಾಗಿದೆ.
ಚಾಲಕ ಫೆಬ್ರವರಿ 8 ರ ಬೆಳಗ್ಗೆತನಕ ಅವರಿಗಾಗಿ ಕಾಯುತ್ತಿದ್ದನು. ಆದರೆ ಅವರು ಚಾಲಕನನ್ನು ಸಂಪರ್ಕಿಸಲಿಲ್ಲ ಮತ್ತು ಅವರು ತಾವು ತಂಗಿದ್ದ ಹೋಟೆಲ್ ಅನ್ನು ಸಹ ತಲುಪಿಲ್ಲ. ಹೀಗಾಗಿ ಚಾಲಕ ಸೋಮವಾರ ಪೊಲೀಸರನ್ನು ಸಂಪರ್ಕಿಸಿ ನಾಪತ್ತೆ ದೂರು ದಾಖಲಿಸಿದ್ದಾರೆ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.
