ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಬೌನ್ಸರ್ ಗಳನ್ನು ನೇಮಿಸಿಕೊಳ್ಳುತ್ತಾರೆ. ಭದ್ರತೆಗಾಗಿ ಬೌನ್ಸರ್‌ಗಳು ಅವರ ಸುತ್ತಲೂ ಇದ್ದಾರೆ. ಆದರೆ ಈಗ ತರಕಾರಿಗಳ ರಾಜ ಎನಿಸಿಕೊಂಡಿರುವ ಟೊಮ್ಯಾಟೋಗಳಿಗೂ ಬೌನ್ಸರ್ ಗಳ ಅವಶ್ಯಕತೆ ಇದೆ. ಇತ್ತೀಚಿಗೆ ಟೊಮೇಟೊ ಬೆಲೆಯಲ್ಲಿ ಭಾರೀ ಏರಿಕೆಯಾಗಿರುವುದರಿಂದ ಟೊಮ್ಯಾಟೋ ಕಳ್ಳರ ಕಾಟ ಹೆಚ್ಚಾಗಿದೆ. ಇದರೊಂದಿಗೆ ವ್ಯಾಪಾರಿಯೊಬ್ಬರು ಬೌನ್ಸರ್‌ಗಳನ್ನು ನೇಮಿಸಿದ್ದಾರೆ. ಇದಕ್ಕೆ ಸಂಬಂಧಿಸಿದ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.
ಉತ್ತರ ಪ್ರದೇಶದ ವಾರಣಾಸಿ ಮಾರುಕಟ್ಟೆಯಲ್ಲಿ ತರಕಾರಿ ಮಾರಾಟ ಮಾಡುವ ಅಜಯ್ ಫೌಜಿ, ಟೊಮ್ಯಾಟೋ ಮಾರಲು ಸಾವಿರಾರು ಸಂಬಳ ನೀಡಿ ಇಬ್ಬರು ಬೌನ್ಸರ್‌ಗಳನ್ನು ನೇಮಿಸಿಕೊಂಡಿದ್ದಾರೆ. ಕೊಳ್ಳಲು ಬಂದವರು ಬೆಲೆ ಕೇಳಿ ಜಗಳವಾಡುತ್ತಿದ್ದಾರೆ, ಗುಂಪಿನಲ್ಲಿ ಲೂಟಿ ಮಾಡುತ್ತಿದ್ದಾರೆ ಹಾಗಾಗಿಯೇ ಬೌನ್ಸರ್ ಗಳನ್ನು ನೇಮಿಸಿಕೊಳ್ಳಬೇಕಾಯಿತು ಎನ್ನುತ್ತಾರೆ ಅಜಯ್. ಗಲಾಟೆ ಮಾಡುವವರ ಜೊತೆ ಕಾದಾಡುವುದಕ್ಕಿಂತ ಇದು ಮೇಲು ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದರು.
ಟೊಮ್ಯಾಟೋ ಬೆಲೆಯಲ್ಲಿ ಭಾರಿ ಏರಿಕೆಯಿಂದಾಗಿ, ಕರ್ನಾಟಕದ ಹಾಸನ ಜಿಲ್ಲೆಯ ರೈತರೊಬ್ಬರ 3 ಲಕ್ಷ ಮೌಲ್ಯದ ಬೆಳೆಯನ್ನು ಕಳ್ಳರು ದೋಚಿದ್ದಾರೆ. ಆ ರಾಜ್ಯ ಈ ರಾಜ್ಯದಂತಲ್ಲ, ಟೊಮೆಟೊ ಕಳ್ಳತನ ಆಗಾಗ ನಡೆಯುತ್ತಿದೆ. ಟೊಮೆಟೊ ಬುಟ್ಟಿಗಳು ಕಾಣೆಯಾಗಿವೆ. ಬೆಲೆ ಇಲ್ಲದೇ ಸುಮ್ಮನಿದ್ದ ರೈತರು, ವ್ಯಾಪಾರಿಗಳು.. ಈಗ ಅತಿಯಾಗಿ ಟೊಮೇಟೊ ಆರೈಕೆ ಮಾಡುತ್ತಿದ್ದಾರೆ. ಅತಿವೃಷ್ಟಿ ಹಾಗೂ ಸುರಿದ ಮಳೆಯಿಂದ ಬೆಳೆ ಹಾನಿಯಾಗಿದ್ದು, ತರಕಾರಿ ಬೆಲೆ ಗಗನಕ್ಕೇರಿದೆ.
