ವಾಸ್ತು ಶಾಸ್ತ್ರವು ಭಾರತೀಯ ಸಂಸ್ಕೃತಿಯ ಅತ್ಯಂತ ಪುರಾತನ ಮತ್ತು ಪ್ರಮುಖ ಅಂಗ ಎಂದು ಪರಿಗಣಿಸಲಾಗಿದೆ. ಈ ಶಾಸ್ತ್ರದ ಪ್ರಕಾರ, ಮನೆಯಲ್ಲಿರುವ ಕೆಲವು ದೋಷಗಳು ನೇರವಾಗಿ ಕುಟುಂಬದ ಆರೋಗ್ಯ, ಆರ್ಥಿಕ ಸ್ಥಿತಿ, ಸಂಬಂಧಗಳು ಮತ್ತು ವೃತ್ತಿ ಬದುಕಿನ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತವೆ.
ವಾಸ್ತು ದೋಷದ ಮೂಲ ಕಾರಣಗಳಲ್ಲಿ ಒಂದು ಮನೆಯ ಕೆಲವು ಭಾಗಗಳಿಗೆ ಸೂರ್ಯನ ಬೆಳಕು ತಲುಪದಿರುವುದು. ದಿನವಿಡೀ ಕತ್ತಲೆಯಲ್ಲಿರುವ ಈ ಭಾಗಗಳು ನಕಾರಾತ್ಮಕ ಶಕ್ತಿಯ ಕೇಂದ್ರವಾಗುತ್ತವೆ. ಜೊತೆಗೆ, ಅಡುಗೆಮನೆ ಮತ್ತು ಪೂಜಾ ಕೋಣೆಯಲ್ಲಿ ಕಸ ಸಂಗ್ರಹವಾಗುವುದು, ಮನೆಯ ಮುಖ್ಯ ಬಾಗಿಲಿನಲ್ಲಿ ಚಪ್ಪಲಿ, ಬೂಟು ಇಡುವುದು ಕೂಡ ದೋಷ ಉಂಟುಮಾಡುತ್ತವೆ.
ವಾಸ್ತು ದೋಷದ ಪ್ರಮುಖ ಲಕ್ಷಣಗಳಲ್ಲಿ, ಮನೆಯ ಸದಸ್ಯರು ನಿರಂತರವಾಗಿ ಅನಾರೋಗ್ಯಕ್ಕೆ ಒಳಗಾಗುವುದು, ಆರ್ಥಿಕ ತೊಂದರೆಗಳು ಎದುರಾಗುವುದು ಮತ್ತು ಮನೆಯಲ್ಲಿ ಶಾಂತಿಯ ಕೊರತೆ ಕಾಣಿಸಿಕೊಳ್ಳುವುದು ಸೇರಿವೆ. ಕೆಲವೊಮ್ಮೆ, ನಿರಂತರ ಸಾಲ, ವ್ಯವಹಾರದಲ್ಲಿ ನಷ್ಟ, ಉದ್ಯೋಗದಲ್ಲಿ ಪ್ರಗತಿ ಇಲ್ಲದಿರುವುದೂ ವಾಸ್ತು ದೋಷದ ಸೂಚನೆಯಾಗಿರಬಹುದು. ಇದಲ್ಲದೆ, ಕುಟುಂಬದ ನಡುವೆ ವಿವಾದಗಳು ಹೆಚ್ಚಾಗುವುದು, ಅತಿಯಾದ ಮಾನಸಿಕ ಒತ್ತಡ ಕೂಡ ಅದರ ಪರಿಣಾಮವೆನಿಸುತ್ತದೆ.
ವಾಸ್ತು ಶಾಸ್ತ್ರದ ಪ್ರಕಾರ ಉತ್ತರ ದಿಕ್ಕಿಗೆ ತಲೆ ಇಟ್ಟು ಮಲಗುವುದು ಮೈಗ್ರೇನ್, ತಲೆನೋವು, ಸೈನಸ್ ಮುಂತಾದ ಸಮಸ್ಯೆಗಳನ್ನು ಉಂಟುಮಾಡಬಹುದು. ಹಾಸಿಗೆಯ ಎದುರಿನಲ್ಲಿ ಕನ್ನಡಿ ಇರೋದ್ರಿಂದ ನಿದ್ರೆಗಂತು ಭಂಗವಾಗುತ್ತದೆ ಜೊತೆಗೆ ದೀರ್ಘಕಾಲದಲ್ಲಿ ಶರೀರದ ಮೇಲೆ ದುಷ್ಪರಿಣಾಮ ಬೀರುತ್ತದೆ.
ಮನೆಯ ಮಹಿಳೆಯರು ಅಡುಗೆ ಮಾಡುವಾಗ ದಕ್ಷಿಣದಿಕ್ಕಿಗೆ ಮುಖ ಮಾಡಿದರೆ ಬೆನ್ನು ನೋವು, ಕೀಲು ನೋವು, ಗರ್ಭಕಂಠ ಸಮಸ್ಯೆಗಳನ್ನು ಅನುಭವಿಸಬಹುದು ಎಂದು ವಾಸ್ತು ಶಾಸ್ತ್ರ ತಿಳಿಸುತ್ತದೆ. ಈ ಕಾರಣಗಳಿಂದಾಗಿ, ಮನೆಯ ದಿಕ್ಕುಗಳು, ಬೆಳಕು, ವಸ್ತುಗಳ ಸ್ಥಾನದ ಕುರಿತು ಎಚ್ಚರಿಕೆ ಇರಬೇಕು.
ತಜ್ಞರ ಸಲಹೆ ಪ್ರಕಾರ, ಮನೆ ಕಟ್ಟುವಾಗ ಅಥವಾ renovation ಮಾಡುವಾಗ ವಾಸ್ತು ನಿಯಮಗಳನ್ನು ಪಾಲಿಸುವುದರಿಂದ ಸಮಸ್ಯೆಗಳನ್ನು ತಡೆಯಬಹುದು. (Disclaimer: ಈ ಲೇಖನವು ಸಾರ್ವಜನಿಕ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ.)
