ಆರೋಗ್ಯವಂತ ಜೀವನಶೈಲಿ ಕಾಪಾಡಿಕೊಳ್ಳಲು ನಿತ್ಯ ವ್ಯಾಯಾಮ ಮಾಡುವುದು ಅತ್ಯವಶ್ಯಕ. ಆದರೆ ಬಹುಮಂದಿಗೆ “ನಡಿಗೆ ಉತ್ತಮವೇ ಅಥವಾ ಓಟವೇ ಉತ್ತಮವೇ ?” ಎಂಬ ಗೊಂದಲವಿದೆ. ಇತ್ತೀಚೆಗೆ ಹೊರಬಂದಿರುವ ಆರೋಗ್ಯ ಅಧ್ಯಯನಗಳ ಪ್ರಕಾರ, ಎರಡೂ ವ್ಯಾಯಾಮಗಳು ತಮ್ಮದೇ ಆದ ಲಾಭಗಳನ್ನು ಹೊಂದಿವೆ. ಆದರೆ, ಉದ್ದೇಶ ಮತ್ತು ಶರೀರದ ಸ್ಥಿತಿಗೆ ಅನುಗುಣವಾಗಿ ಆಯ್ಕೆಮಾಡುವುದು ಮುಖ್ಯ ಎನ್ನುವುದು ತಜ್ಞರ ಅಭಿಪ್ರಾಯ.
ತೂಕ ಕಡಿಮೆಮಾಡುವ ಇಚ್ಛೆಯುಳ್ಳವರಿಗೆ ಓಟ ಹೆಚ್ಚಿನ ಕಾಲೊರಿ ಖರ್ಚು ಮಾಡುವುದರಿಂದ ಸಹಾಯಕವಾಗಬಹುದು. ಹೃದಯ ಆರೋಗ್ಯ ಕಾಪಾಡಿಕೊಳ್ಳಲು ಸಹ ಓಟ ಬಹಳ ಪರಿಣಾಮಕಾರಿ ಎಂದು ವೈದ್ಯಕೀಯ ಸಮೀಕ್ಷೆಗಳು ದೃಢಪಡಿಸುತ್ತವೆ. ಆದರೆ ನಡಿಗೆಯೂ ಕೂಡ ತುಂಬಾ ಉತ್ತಮವೇ. ಹೃದಯ ಸಂಬಂಧಿತ ಸಮಸ್ಯೆ ಇದ್ದರೆ ಅಥವಾ ಹೆಚ್ಚು ಒತ್ತಡ ಇರುವ ಜನರಿಗೆ ನಡಿಗೆ ಸುರಕ್ಷಿತ ಹಾಗೂ ನಿಶ್ಚಿತ ಪರಿಣಾಮ ನೀಡುವ ವ್ಯಾಯಾಮವಾಗಿದೆ.
ಬದಲಾಗುತ್ತಿರುವ ಜೀವನಶೈಲಿಯಲ್ಲಿ ಓಟ ಶಕ್ತಿ ಹೆಚ್ಚಿಸಲು, ಸ್ಟ್ಯಾಮಿನಾ ವೃದ್ಧಿಸಲು ಹಾಗೂ ಮಾನಸಿಕ ಒತ್ತಡ ಕಡಿಮೆಮಾಡಲು ಸಹಕಾರಿ. ಇತ್ತ, ದಿನಕ್ಕೆ ಕನಿಷ್ಠ 30 ನಿಮಿಷಗಳು ವೇಗದ ನಡಿಗೆ ಮಾಡಿದರೆ ದೇಹದ ಮೆಟಾಬಾಲಿಸಂ ಸುಧಾರಣೆಯಾಗಿ, ಶರೀರ ಶ್ರೇಷ್ಠ ಸ್ಥಿತಿಗೆ ಬರುವ ಸಾಧ್ಯತೆ ಇದೆ.
ಬೋಸ್ಟ್‌ನ್ ಯೂನಿವರ್ಸಿಟಿ ಮೆಡಿಕಲ್ ಸೆಂಟರ್‌ನಲ್ಲಿ ನಡೆಸಿದ ಒಂದು ಅಧ್ಯಯನದಲ್ಲಿ, ಓಡುವವರಲ್ಲಿ ಶುಗರ್ ಹಾಗೂ ಕೋಲೆಸ್ಟ್ರಾಲ್ ಮಟ್ಟ ಕಡಿಮೆಯಾಗಿ, ನಡಿಗೆಯವರಿಗಿಂತ ಹೆಚ್ಚು ಉತ್ತಮ ಹೃದಯ ಆರೋಗ್ಯ ಕಂಡುಬಂದಿದೆ. ಆದರೆ, ಈ ಪ್ರಯೋಜನಗಳನ್ನು ಪಡೆಯಲು ನಿಯಮಿತ ವ್ಯಾಯಾಮ ಹಾಗೂ ಸರಿಯಾದ ಆಹಾರ ಅವಶ್ಯಕ.
ನಡಿಗೆ ಅಥವಾ ಓಟ ಎರಡೂ ಉತ್ತಮ. ಆದರೆ ದೇಹದ ಸ್ಥಿತಿ, ವಯಸ್ಸು, ಆರೋಗ್ಯಪೂರಕ ಗುರಿಗಳ ಪ್ರಕಾರ ಆಯ್ಕೆಮಾಡುವುದು ಸೂಕ್ತ. ಆರೋಗ್ಯ ತಜ್ಞರ ಸಲಹೆಯೊಂದಿಗೆ ಯಾವ ರೀತಿಯ ವ್ಯಾಯಾಮವನ್ನು ಮಾಡಬೇಕು ಎಂಬುದು ನಿರ್ಧರಿಸಿಕೊಳ್ಳುವುದು ಒಳಿತು.(Disclaimer: ಈ ಲೇಖನವು ಸಾರ್ವಜನಿಕ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಸಮಸ್ಯೆಗಾಗಿ ತಜ್ಞರನ್ನು ಸಂಪರ್ಕಿಸಿ.)
