ಕರ್ನಾಟಕದ ಜನತೆಗೆ ಹವಾಮಾನ ಇಲಾಖೆಯು ಇತ್ತೀಚಿನ ಅಪ್ಡೇಟ್ ನೀಡಿದ್ದು, ರಾಜ್ಯದಾದ್ಯಂತ ಚಳಿಯ ಪ್ರಭಾವ ಕೊಂಚ ಕುಸಿದು ಬಿಸಿಲಿನ ತಾಪ ಹೆಚ್ಚಾಗುವ ಮುನ್ಸೂಚನೆ ನೀಡಿದೆ. ಮುಂದಿನ ಐದು ದಿನಗಳ ಕಾಲ ಹವಾಮಾನದಲ್ಲಿ ಯಾವುದೇ ದೊಡ್ಡ ಬದಲಾವಣೆಗಳಿಲ್ಲದಿದ್ದರೂ, ಮಧ್ಯಾಹ್ನದ ವೇಳೆ ಸೂರ್ಯನ ತಾಪ ನೆತ್ತಿಸುಡಲಿದೆ.
ರಾಜ್ಯದ ಬಹುತೇಕ ಜಿಲ್ಲೆಗಳಲ್ಲಿ ಒಣಹವೆ ಮುಂದುವರಿಯಲಿದ್ದು, ಮಳೆಯ ಮುನ್ಸೂಚನೆ ಇಲ್ಲ. ಮುಂಜಾನೆ ಮತ್ತು ಸಂಜೆ ಹೊತ್ತಿನಲ್ಲಿ ಹಿತವಾದ ಚಳಿ ಇರಲಿದ್ದರೆ, ಮಧ್ಯಾಹ್ನ ಗರಿಷ್ಠ ತಾಪಮಾನದಲ್ಲಿ ಏರಿಕೆಯಾಗಲಿದೆ. ಸಿಲಿಕಾನ್ ಸಿಟಿಯಲ್ಲಿ ಗರಿಷ್ಠ 29°C ಮತ್ತು ಕನಿಷ್ಠ 17°C ತಾಪಮಾನ ಇರಲಿದೆ. ಕಾರವಾರದಲ್ಲಿ ಬಿಸಿಲಿನ ತೀವ್ರತೆ ಹೆಚ್ಚಿರಲಿದ್ದು, ಗರಿಷ್ಠ ತಾಪಮಾನ 34°C ವರೆಗೆ ತಲುಪುವ ಸಾಧ್ಯತೆಯಿದೆ.
ಒಟ್ಟಾರೆಯಾಗಿ, ಚಳಿಗಾಲವು ಹೋಗಿ ಬೇಸಿಗೆಯ ಆರಂಭದ ಸೂಚನೆ ನೀಡುವಂತೆ ಹವಾಮಾನವು ಬದಲಾಗುತ್ತಿದೆ. ಮಧ್ಯಾಹ್ನ ಹೊರಗೆ ಹೋಗುವವರು ಸನ್ ಗ್ಲಾಸ್ ಅಥವಾ ಕೊಡೆ ಹಿಡಿದು ಹೋಗುವುದು ಉತ್ತಮ.
