ಭಾರತದಲ್ಲಿ ಶ್ರೀಮಂತ ರಾಜ್ಯ ಯಾವುದು?: ಇಲ್ಲಿದೆ ನೋಡಿ ಮಾಹಿತಿ!

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌ 

ರಾಜ್ಯ ದೇಶೀಯ ಉತ್ಪನ್ನಗಳ ಆಧಾರದ ಮೇಲೆ 2022-23 ರ ಶ್ರೀಮಂತ ರಾಜ್ಯಗಳ ಪಟ್ಟಿಯನ್ನು ಬಿಡುಗಡೆಗೊಳಿಸಲಾಗಿದೆ.

ಜಿ ಎಸ್ ಡಿ ಪಿ ಅನ್ವಯ ಯಾವ ರಾಜ್ಯ ಯಾವ ಸ್ಥಾನದಲ್ಲಿದೆ ಅಂದರೆ,
ಮಹಾರಾಷ್ಟ್ರ ಅತೀ ಶ್ರೀಮಂತ ರಾಜ್ಯ : 400 ಬಿಲಿಯನ್ ಡಾಲರ್ ಜಿ ಎಸ್ ಡಿ ಪಿ ಹೊಂದಿದ ಮಹಾರಾಷ್ಟ್ರ ಭಾರತದ ಅತೀ ಶ್ರೀಮಂತ ರಾಜ್ಯವಾಗಿ ಅಗ್ರಸ್ಥಾನ ಪಡೆದಿದೆ. ಮಹಾರಾಷ್ಟ್ರದ ರಾಜಧಾನಿ ಮುಂಬೈ ಅನ್ನು ದೇಶದ ಆರ್ಥಿಕ ರಾಜಧಾನಿ ಎನ್ನಲಾಗುತ್ತದೆ. ಪ್ರತಿಶತ 45 ರಷ್ಟು ಜನರು ನಗರಗಳಲ್ಲಿ ವಾಸಿಸುತ್ತಾರೆ.

ತಮಿಳುನಾಡು : ಎರಡನೇ ಸ್ಥಾನ ತಮಿಳುನಾಡಿಗೆ ಸೇರಿದೆ. ಇದರ ಜಿಎಸ್ ಡಿಪಿ 265.49 ಬಿಲಿಯನ್ ಡಾಲರ್ ಆಗಿದೆ. ಈ ರಾಜ್ಯದ ಪ್ರತಿಶತ 50ರಷ್ಟು ಜನಸಂಖ್ಯೆ ನಗರಗಳಲ್ಲಿ ವಾಸವಾಗಿದ್ದಾರೆ. ದೇಶದ ಜನಸಂಖ್ಯೆಯ ಪ್ರತಿಶತ 9.6ರಷ್ಟು ಮಂದಿ ತಮಿಳನಾಡಿನಲ್ಲಿ ನೆಲೆಸಿದ್ದಾರೆ.

ಗುಜರಾತ್ : 259.25 ಬಿಲಿಯನ್ ಡಾಲರ್ ಜಿಎಸ್ ಡಿಪಿ ಯೊಂದಿಗೆ ಗುಜರಾತ್ ಮೂರನೇ ಸ್ಥಾನದಲ್ಲಿದೆ. ತಂಬಾಕು, ಹತ್ತಿ ಬಟ್ಟೆ ಮತ್ತು ಬಾದಾಮಿ ಗುಜರಾತಿನ ಪ್ರಮುಖ ಉತ್ಪಾದಕವಾಗಿದೆ. ಭಾರತದಲ್ಲಿ ತಯಾರಾಗುವ ಒಟ್ಟೂ ಔಷಧಗಳ ಪೈಕಿ ಮೂರನೇ ಒಂದು ಭಾಗ ಗುಜರಾತಿನಲ್ಲಿ ತಯಾರಾಗುತ್ತದೆ.

ಕರ್ನಾಟಕ : ಭಾರತದ ಶ್ರೀಮಂತ ರಾಜ್ಯಗಳ ಪಟ್ಟಿಯಲ್ಲಿ ಕರ್ನಾಟಕಕ್ಕೆ ನಾಲ್ಕನೇ ಸ್ಥಾನ ದೊರಕಿದೆ. ಕರ್ನಾಟಕ 247.38 ಬಿಲಿಯನ್ ಅಮೆರಿಕ ಡಾಲರ್ ಜಿಎಸ್ ಡಿಪಿ ಹೊಂದಿದೆ.

ಉತ್ತರ ಪ್ರದೇಶ : 234.96 ಬಿಲಿಯನ್ ಅಮೆರಿಕ ಡಾಲರ್ ಜಿಎಸ್ ಡಿಪಿ ಯೊಂದಿಗೆ ಉತ್ತರ ಪ್ರದೇಶ ಐದನೇ ಸ್ಥಾನದಲ್ಲಿದೆ. ಉತ್ತರ ಪ್ರದೇಶದ ನೊಯ್ಡಾ, ಗಾಜಿಯಾಬಾದ್ ಮುಂತಾದ ನಗರಗಳು ವೇಗವಾಗಿ ಅಭಿವೃದ್ಧಿ ಹೊಂದಿವೆ.

ಪಶ್ಚಿಮ ಬಂಗಾಳ : ಪಶ್ಚಿಮ ಬಂಗಾಳ 206.64 ಬಿಲಿಯನ್ ಅಮೆರಿಕ ಡಾಲರ್ ಜಿಎಎಸ್ ಡಿಪಿ ಯೊಂದಿಗೆ ಶ್ರೀಮಂತ ರಾಜ್ಯಗಳ ಪಟ್ಟಿಯಲ್ಲಿ ಆರನೇ ಸ್ಥಾನದಲ್ಲಿದೆ.

ರಾಜಸ್ಥಾನ : ರಾಜಸ್ಥಾನದ ಜಿಎಸ್ ಡಿಪಿ 161.37 ಬಿಲಿಯನ್ ಅಮೆರಿಕ ಡಾಲರ್ ಆಗಿದೆ. ಖನಿಜ ಸಮೃದ್ಧ ರಾಜಸ್ಥಾನವು ಭಾರತದ ಏಳನೇ ಶ್ರೀಮಂತ ರಾಜ್ಯವಾಗಿದೆ.

ತೆಲಂಗಾಣ : ತೆಲಂಗಾಣದ ಜಿಎಸ್ ಡಿಪಿ 157.35 ಯ ಮೂಲಕ ಎಂಟನೇ ಅತಿ ದೊಡ್ಡ ರಾಜ್ಯವಾಗಿದೆ. ಕೃಷ್ಣಾ ಮತ್ತು ಗೋದಾವರಿ ನದಿ ಹರಿಯುವ ಕಾರಣ ಇಲ್ಲಿ ನೀರಾವರಿಯ ಸೌಲಭ್ಯ ಉತ್ತಮವಾಗಿದೆ.