ಜೀವನದಲ್ಲಿ ಒತ್ತಡ, ಭಯ ಅಥವಾ ಟೆನ್ಶನ್ ಎಲ್ಲರಿಗೂ ಬರುತ್ತದೆ. ಆದರೆ ಕೆಲವರಿಗೆ ಟೆನ್ಶನ್ ಆಗುತ್ತಿದ್ದಂತೆಯೇ ಕೈ ಮತ್ತು ಕಾಲುಗಳು ಹಠಾತ್ ಥಂಡಿಯಾಗೋಕೆ ಶುರುವಾಗುತ್ತೆ. ಕೆಲವರು ಇದನ್ನ “ನರ್ವಸ್ ಫೀಲಿಂಗ್” ಅಥವಾ “ಬ್ಲಡ್ ಪ್ರೆಶರ್ ಡ್ರಾಪ್” ಅಂತ ಭಾವಿಸುತ್ತಾರೆ. ಆದರೆ ಇದರ ಹಿಂದಿದೆ ಶರೀರದ ಒಂದು ನೈಸರ್ಗಿಕ ವೈಜ್ಞಾನಿಕ ಪ್ರತಿಕ್ರಿಯೆ. ಒತ್ತಡದ ಕ್ಷಣದಲ್ಲಿ ನಿಮ್ಮ ದೇಹ ಹೇಗೆ ಪ್ರತಿಕ್ರಿಯಿಸುತ್ತದೆ ಎಂಬುದನ್ನು ತಿಳಿದುಕೊಳ್ಳೋಣ.
- ‘ಫೈಟ್ or ಫ್ಲೈಟ್’ ಪ್ರತಿಕ್ರಿಯೆ: ಟೆನ್ಶನ್ ಅಥವಾ ಭಯದ ಸಮಯದಲ್ಲಿ ದೇಹವು ಸ್ವಯಂಚಾಲಿತವಾಗಿ ‘ಫೈಟ್ or ಫ್ಲೈಟ್’ ಸ್ಥಿತಿಗೆ ಹೋಗುತ್ತದೆ. ಈ ಸಮಯದಲ್ಲಿ ಮೆದುಳು “ಆಪತ್ತು ಬಂದಿದೆ” ಎಂದು ಸೂಚನೆ ನೀಡುತ್ತದೆ. ದೇಹವು ಆ ಕ್ಷಣದಲ್ಲಿ ಶಕ್ತಿ ಮುಖ್ಯವಾದ ಅಂಗಗಳಾದ ಹೃದಯ ಮತ್ತು ಸ್ನಾಯುಗಳಿಗೆ ಕಳುಹಿಸುತ್ತದೆ. ಇದರ ಪರಿಣಾಮವಾಗಿ ಕೈ ಮತ್ತು ಕಾಲುಗಳಿಗೆ ಹೋಗುವ ರಕ್ತ ಪ್ರಮಾಣ ತಾತ್ಕಾಲಿಕವಾಗಿ ಕಡಿಮೆಯಾಗುತ್ತದೆ, ಇದರಿಂದ ಅವು ಕೋಲ್ಡ್ ಆಗುತ್ತವೆ.
- ರಕ್ತನಾಳಗಳ ಸಂಕುಚನೆ: ಒತ್ತಡದ ಸಮಯದಲ್ಲಿ ದೇಹದಲ್ಲಿ adrenaline ಹಾರ್ಮೋನ್ ಹೆಚ್ಚಾಗುತ್ತದೆ. ಇದು ರಕ್ತನಾಳಗಳನ್ನು ಸಂಕುಚಿತಗೊಳಿಸುತ್ತದೆ. ಹೀಗಾಗಿ ಬಾಹ್ಯ ಭಾಗಗಳಲ್ಲಿ (ಕೈ, ಕಾಲು) ರಕ್ತ ಸಂಚಾರ ಕಡಿಮೆಯಾಗುತ್ತದೆ ಮತ್ತು ಚಳಿ ಅನುಭವವಾಗುತ್ತದೆ.
- ದೇಹದ ಉಷ್ಣ ನಿಯಂತ್ರಣ: ಟೆನ್ಶನ್ ಸಮಯದಲ್ಲಿ ದೇಹದ ತಾಪಮಾನ ನಿಯಂತ್ರಣ ವ್ಯವಸ್ಥೆ ತಾತ್ಕಾಲಿಕವಾಗಿ ಬದಲಾಗುತ್ತದೆ. ಮೆದುಳು ದೇಹದ ಒಳಗಿನ ಉಷ್ಣತೆ ಕಾಯ್ದುಕೊಳ್ಳಲು ಪ್ರಯತ್ನಿಸುತ್ತಿರುವುದರಿಂದ ಹೊರಗಿನ ಭಾಗಗಳಲ್ಲಿ ತಾಪಮಾನ ಕಡಿಮೆಯಾಗುತ್ತದೆ.
- ಆತಂಕ ಮತ್ತು ಉಸಿರಾಟದ ಬದಲಾವಣೆ: ಟೆನ್ಶನ್ ವೇಳೆ ಉಸಿರಾಟ ವೇಗವಾಗುತ್ತದೆ. ವೇಗವಾದ ಉಸಿರಾಟದಿಂದ ರಕ್ತದಲ್ಲಿ ಆಮ್ಲಜನಕದ ಪ್ರಮಾಣ ಬದಲಾಗುತ್ತದೆ. ಇದರ ಪರಿಣಾಮವಾಗಿ ಚರ್ಮದ ತುದಿಗಳಲ್ಲಿ (fingertips, toes) ರಕ್ತ ಸಂಚಲನ ನಿಧಾನಗೊಳ್ಳುತ್ತದೆ, ಇದರಿಂದ ಚಳಿ ಅನುಭವ ಆಗುತ್ತದೆ.
ಟೆನ್ಶನ್ ಸಮಯದಲ್ಲಿ ಆಳವಾದ ಉಸಿರಾಟ, ಧ್ಯಾನ, ಯೋಗ ಅಥವಾ ಮನಸ್ಸನ್ನು ಶಾಂತಗೊಳಿಸುವ ಚಟುವಟಿಕೆಗಳನ್ನು ಅನುಸರಿಸುವುದು ಸಹಾಯಕ. ಕೈ-ಕಾಲು ಚಳಿಯಾಗುವುದು ತಾತ್ಕಾಲಿಕ ಪ್ರತಿಕ್ರಿಯೆ — ಆದರೆ ಅದು ಹತೋಟಿಯಲ್ಲಿರಬೇಕು. ಆಗ ದೇಹ ಮತ್ತು ಮನಸ್ಸು ಎರಡೂ ಸಮತೋಲನದಲ್ಲಿರುತ್ತವೆ.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸಿ.)
