ಸಾಮಾನ್ಯವಾಗಿ ನಮ್ಮ ಭಾರತೀಯ ಸಂಸ್ಕೃತಿಯಲ್ಲಿ ದಿನಕ್ಕೆ ಒಂದು ಅಥವಾ ಎರಡು ಬಾರಿ ಸ್ನಾನ ಮಾಡುವುದು ಶುದ್ಧತೆಯ ಸಂಕೇತ. ಆದರೆ, ಇತ್ತೀಚಿನ ವೈದ್ಯಕೀಯ ಸಂಶೋಧನೆಗಳ ಪ್ರಕಾರ, ಪ್ರತಿದಿನ ಸ್ನಾನ ಮಾಡುವುದು ಎಲ್ಲರಿಗೂ ಅನಿವಾರ್ಯವಲ್ಲ.
ಯಾರಿಗೆ ದಿನಾ ಸ್ನಾನ ಬೇಕು?
ಅತಿಯಾಗಿ ಬೆವರುವವರು ಮತ್ತು ದೈಹಿಕ ಶ್ರಮದ ಕೆಲಸ ಮಾಡುವವರು.
ಧೂಳು ಮತ್ತು ಕಲುಷಿತ ವಾತಾವರಣದಲ್ಲಿ ಕೆಲಸ ಮಾಡುವವರು.
ಜಿಮ್ ಅಥವಾ ಕ್ರೀಡೆಗಳಲ್ಲಿ ತೊಡಗಿಕೊಳ್ಳುವವರು.
ದಿನಾ ಸ್ನಾನ ಮಾಡುವುದರಿಂದ ಆಗುವ ಅನಾನುಕೂಲಗಳೇನು?
ಅತಿಯಾದ ಸ್ನಾನ ಚರ್ಮದ ಮೇಲಿರುವ ನೈಸರ್ಗಿಕ ತೈಲವನ್ನು ನಾಶಪಡಿಸುತ್ತದೆ, ಇದರಿಂದ ಚರ್ಮ ಒರಟಾಗಿ ತುರಿಕೆ ಕಾಣಿಸಿಕೊಳ್ಳಬಹುದು.
ಚರ್ಮದ ಮೇಲಿರುವ ‘ಒಳ್ಳೆಯ ಬ್ಯಾಕ್ಟೀರಿಯಾ’ಗಳು ನಾಶವಾಗುವುದರಿಂದ ರೋಗನಿರೋಧಕ ಶಕ್ತಿ ಕುಂದಬಹುದು.
ರಾಸಾಯನಿಕಯುಕ್ತ ಸೋಪುಗಳು ಚರ್ಮದ PH ಮಟ್ಟವನ್ನು ಏರುಪೇರು ಮಾಡುತ್ತವೆ.
ಒಂದು ವೇಳೆ ನೀವು ಮನೆಯಲ್ಲೇ ಇರುತ್ತೀರಿ ಅಥವಾ ಹೆಚ್ಚು ಬೆವರುತ್ತಿಲ್ಲ ಎಂದಾದರೆ, ಎರಡು ದಿನಕ್ಕೊಮ್ಮೆ ಸ್ನಾನ ಮಾಡಿದರೂ ಸಾಕು. ಸ್ನಾನ ಮಾಡುವಾಗ ಅತಿಯಾದ ಬಿಸಿ ನೀರಿಗಿಂತ ಉಗುರು ಬೆಚ್ಚಗಿನ ನೀರು ಬಳಸುವುದು ಉತ್ತಮ.
