ಮೂತ್ರನಾಳದಲ್ಲಿ ಸೋಂಕು (Urinary Tract Infection – UTI) ಮಹಿಳೆಯರಲ್ಲಿ ಸಾಮಾನ್ಯವಾಗಿರುವ ಆರೋಗ್ಯ ಸಮಸ್ಯೆ. ಸೂಕ್ತ ಸಮಯದಲ್ಲಿ ಇದನ್ನು ಗುರುತಿಸದೆ ಇದ್ದರೆ ಗಂಭೀರ ಆರೋಗ್ಯದ ಪರಿಣಾಮಗಳಿಗೆ ಕಾರಣವಾಗಬಹುದು. ಅದರಂತೆಯೇ, ಕೆಲವೊಂದು ವಿಶೇಷ ಲಕ್ಷಣಗಳು ಮತ್ತು ದೈನಂದಿನ ದೈಹಿಕ ಬದಲಾವಣೆಗಳ ಮೂಲಕ ಈ ಸೋಂಕು ಇದ್ಯಾ ಎಂಬುದನ್ನು ತಿಳಿದುಕೊಳ್ಳಬಹುದು.
ಪದೇ ಪದೇ ಶೌಚಕ್ಕೆ ಹೋಗಬೇಕೆನಿಸುವುದು
UTI ಹೊಂದಿರುವ ಮಹಿಳೆಗೆ ಸತತವಾಗಿ ಶೌಚಕ್ಕೆ ಹೋಗಬೇಕೆನಿಸುತ್ತದೆ. ಕೆಲವೊಮ್ಮೆ ಈ ತೀವ್ರ ಮನಸ್ಥಿತಿಯಿಂದಾಗಿ ಒಂದೇ ಗಂಟೆಗೆ ಹಲವಾರು ಬಾರಿ ಶೌಚಕ್ಕೆ ಹೋಗುವ ಪರಿಸ್ಥಿತಿ ಕಂಡುಬರುತ್ತದೆ. ಆದರೆ, ಶೌಚಕ್ಕೆ ಹೋದರೂ ತುಂಬಾ ಕಡಿಮೆ ಮೂತ್ರ ವಿಸರ್ಜನೆ ಆಗುವುದು ಇದೆಲ್ಲ UTI ಲಕ್ಷಣ.
ಮೂತ್ರದಲ್ಲಿನ ಉರಿಯೂತ ಮತ್ತು ಉರಿ
ಮೂತ್ರವಿಸರ್ಜನೆಯಾಗುವಾಗ ಉರಿ ಹಾಗೂ ಉರಿಯೂತ ಅನುಭವವಾಗುವುದು UTIಯ ಪ್ರಮುಖ ಲಕ್ಷಣವಾಗಿದೆ. ಇದರೊಂದಿಗೆ ಕೆಲವೊಮ್ಮೆ ಜ್ವರ, ತಲೆನೋವು ಅಥವಾ ದೇಹದ ನೆತ್ತಿ ಭಾಗದಲ್ಲಿ ನೋವಿನ ಅನುಭವವೂ ಆಗಬಹುದು.
ಮೂತ್ರದ ಬಣ್ಣದಲ್ಲಿ ಬದಲಾವಣೆ
UTI ಇದ್ದಾಗ ಮೂತ್ರದ ಬಣ್ಣ ಸಾಧಾರಣಕ್ಕಿಂತ ಗಾಢವಾಗಿರಬಹುದು. ಕೆಲವೊಮ್ಮೆ ಮೂತ್ರದಲ್ಲಿ ರಕ್ತವು ಕಾಣಿಸಬಹುದು. ಕೆಟ್ಟ ವಾಸನೆ ಕೂಡ ಮೂತ್ರದಲ್ಲಿ ಉಂಟಾಗುವುದು ಈ ಸೋಂಕಿನ ತೊಂದರೆಯ ಇನ್ನೊಂದು ಸೂಚನೆ.
ದೇಹದಲ್ಲಿ ಬದಲಾವಣೆ
ಈ ಸೋಂಕಿನಿಂದಾಗಿ ದೇಹದಲ್ಲಿ ಕ್ಷೀಣತೆ, ಶಕ್ತಿ ಕುಂದುವುದು, ಉತ್ಸಾಹ ಕಳೆದುಕೊಳ್ಳುವುದು ಸಾಮಾನ್ಯ. ಇಂತಹ ಬದಲಾವಣೆಗಳನ್ನು ದೈನಂದಿನ ಜೀವನದಲ್ಲಿ ಗಮನಿಸಿದರೆ ತಕ್ಷಣವೇ ವೈದ್ಯರನ್ನು ಸಂಪರ್ಕಿಸಬೇಕು.
ಇವುಗಳ ಜೊತೆಗೆ ಮಹಿಳೆಯರಿಗೆ ಯೋನಿಯಲ್ಲಿ ಅತಿಯಾದ ತುರಿಕೆ ಕಾಣಿಸಿಕೊಳ್ಳಬಹುದು, ಲೈಂಗಿಕ ಕ್ರಿಯೆ ಸಮಯದಲ್ಲಿ ನೋವು ಉಂಟಾಗಬಹುದು, ಕೆಲವೊಮ್ಮೆ ಕಿಬ್ಬೊಟ್ಟೆಯ ಭಾಗದಲ್ಲಿ ಅತಿಯಾದ ನೋವು ಕೂಡ ಕಾಣಿಸಿಕೊಳ್ಳುವ ಸಾಧ್ಯತೆ ದಟ್ಟವಾಗಿರುವ ಕಾರಣ, ಮಹಿಳೆಯರು ಆದಷ್ಟು ಈ ವಿಚಾರದಲ್ಲಿ ಎಚ್ಚರಿಕೆ ವಹಿಸಬೇಕಾಗುತ್ತದೆ.
ಮೂತ್ರನಾಳದ ಸೋಂಕು ಸುಲಭವಾಗಿ ಚಿಕಿತ್ಸೆ ಪಡೆಯಬಹುದಾದ ಆರೋಗ್ಯ ಸಮಸ್ಯೆ. ಆದರೆ ಶೀಘ್ರ ಚಿಕಿತ್ಸೆ ಇಲ್ಲದಿದ್ದರೆ ಕಿಡ್ನಿಗೆ ಹಾನಿಯಂತಹ ಗಂಭೀರ ಸಮಸ್ಯೆಗಳಿಗೂ ಕಾರಣವಾಗಬಹುದು. (Disclaimer: ಈ ಲೇಖನವು ಸಾರ್ವಜನಿಕ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಸಮಸ್ಯೆಗಾಗಿ ತಜ್ಞರನ್ನು ಸಂಪರ್ಕಿಸಿ.)
