ಸನಾತನ ಧರ್ಮದ ಇತಿಹಾಸ ಮತ್ತು ಪುರಾಣಗಳನ್ನು ಗಮನಿಸಿದರೆ, ಮಹಿಳೆಯರು ಕೇವಲ ಕುಟುಂಬದ ಪಾತ್ರದಲ್ಲೇ ಸೀಮಿತವಾಗಿರಲಿಲ್ಲ. ಜ್ಞಾನ, ಧೈರ್ಯ, ತ್ಯಾಗ ಮತ್ತು ಧರ್ಮನಿಷ್ಠೆಯ ಮೂಲಕ ಅವರು ಸಮಾಜದ ದಿಕ್ಕನ್ನು ರೂಪಿಸಿದವರು. ಅನೇಕ ಸಂದರ್ಭಗಳಲ್ಲಿ ಮಹಿಳೆಯರ ದೃಢತೆ ಮತ್ತು ಚಿಂತನೆ ಸಮಾಜಕ್ಕೆ ಮಾರ್ಗದರ್ಶನ ನೀಡಿದ ಉದಾಹರಣೆಗಳು ಕಾಣಿಸುತ್ತವೆ. ಈ ಕಾರಣದಿಂದ ಸನಾತನ ಧರ್ಮದಲ್ಲಿ ಮಹಿಳೆಗೆ “ಶಕ್ತಿ” ಎಂಬ ಗೌರವದ ಸ್ಥಾನ ನೀಡಲಾಗಿದೆ.
ಈ ಮಹಾನ್ ಮಹಿಳೆಯರ ಕಥೆಗಳು ಇಂದಿನ ಕಾಲಕ್ಕೂ ಮಹತ್ವದ್ದಾಗಿವೆ. ಅವರು ಎದುರಿಸಿದ ಸಂಕಷ್ಟಗಳು, ತೋರಿದ ಸಹನೆ ಮತ್ತು ತಾಳ್ಮೆ ಜೀವನದ ಅನೇಕ ಪಾಠಗಳನ್ನು ನಮಗೆ ಕಲಿಸುತ್ತವೆ.
- ಸೀತಾ ದೇವಿ – ರಾಮಾಯಣದಲ್ಲಿ ಸೀತಾ ದೇವಿ ಸಹನೆ, ನಿಷ್ಠೆ ಮತ್ತು ಧೈರ್ಯ ಹಾಗೂ ಆದರ್ಶ ಮಹಿಳೆಯ ಪ್ರತೀಕ. ಅನೇಕ ಸಂಕಷ್ಟಗಳನ್ನು ಎದುರಿಸಿದರೂ ತನ್ನ ಧರ್ಮವನ್ನು ಕಾಪಾಡಿಕೊಂಡರು.
- ದ್ರೌಪದಿ – ಮಹಾಭಾರತದಲ್ಲಿ ದ್ರೌಪದಿ ಅನ್ಯಾಯದ ವಿರುದ್ಧ ಧೈರ್ಯವಾಗಿ ನಿಂತ ಮಹಿಳೆ. ಅವಮಾನ ಎದುರಿಸಿದಾಗಲೂ ನ್ಯಾಯಕ್ಕಾಗಿ ಧ್ವನಿ ಎತ್ತಿದಾಕೆ.
- ಗಾರ್ಗಿ – ವೇದಕಾಲದ ಮಹಾನ್ ತತ್ವಜ್ಞಾನಿ. ರಾಜಸಭೆಯಲ್ಲಿ ಪಂಡಿತರೊಂದಿಗೆ ತತ್ತ್ವ ಚರ್ಚೆ ನಡೆಸಿದ ಧೈರ್ಯಶಾಲಿ ಮಹಿಳೆ.
- ಮೈತ್ರೇಯಿ – ಆತ್ಮಜ್ಞಾನ ಮತ್ತು ಅಧ್ಯಾತ್ಮದ ಬಗ್ಗೆ ಆಳವಾದ ಚಿಂತನೆ ಹೊಂದಿದ್ದವರು. ಜ್ಞಾನವೇ ಜೀವನದ ನಿಜವಾದ ಸಂಪತ್ತು ಎಂದು ಸಾರಿದವರು.
- ಸಾವಿತ್ರಿ – ತನ್ನ ಪತಿ ಸತ್ಯವಾನ್ನ ಪ್ರಾಣವನ್ನು ಯಮನಿಂದ ಮರಳಿ ಪಡೆದ ಧೈರ್ಯ ಮತ್ತು ಬುದ್ಧಿವಂತಿಕೆಯ ಪ್ರತೀಕ ಈಕೆ.
- ಅನಸೂಯಾ – ಅತ್ರಿ ಋಷಿಯ ಪತ್ನಿ ಅನಸೂಯಾಳನ್ನು ಗಂಡನಿಗೆ ತಕ್ಕ ಪತ್ನಿಯ ಪರಮ ಉದಾಹರಣೆ ಎಂದು ಪರಿಗಣಿಸಲಾಗುತ್ತದೆ.
- ಶಬರಿ – ರಾಮಾಯಣದಲ್ಲಿ, ಶಬರಿಯ ಭಕ್ತಿಯನ್ನು ಅತ್ಯಂತ ಪವಿತ್ರವೆಂದು ಪರಿಗಣಿಸಲಾಗಿದೆ. ಇಂದಿಗೂ ಸಹ, ಅವಳ ತಾಳ್ಮೆ, ಭಕ್ತಿಯನ್ನು ನಿಜವಾದ ಸಮರ್ಪಣೆಯ ಸಂಕೇತವೆಂದು ಪರಿಗಣಿಸಲಾಗಿದೆ.
ಇದನ್ನೂ ಓದಿ:
ಇವರಿಂದ ನಾವು ಏನು ಕಲಿಬೇಕು ಅಂದ್ರೆ
- ಸಂಕಷ್ಟ ಎದುರಾದಾಗ ಧೈರ್ಯ ಕಳೆದುಕೊಳ್ಳಬಾರದು
- ಜ್ಞಾನ ಮತ್ತು ಚಿಂತನೆ ಜೀವನವನ್ನು ಉನ್ನತಿಗೇರಿಸುತ್ತದೆ
- ಅನ್ಯಾಯದ ವಿರುದ್ಧ ಧೈರ್ಯವಾಗಿ ನಿಲ್ಲಬೇಕು
- ಕುಟುಂಬ ಮೌಲ್ಯಗಳನ್ನು ಕಾಪಾಡುವುದು ಮುಖ್ಯ
- ಆತ್ಮವಿಶ್ವಾಸ ಮತ್ತು ಧರ್ಮನಿಷ್ಠೆ ಜೀವನದ ದಾರಿಯನ್ನು ತೋರಿಸುತ್ತದೆ
ಸನಾತನ ಧರ್ಮದ ಈ ಮಹಿಳೆಯರು ಕೇವಲ ಪುರಾಣಗಳ ಪಾತ್ರಗಳಲ್ಲ. ಅವರ ಜೀವನದ ಮೌಲ್ಯಗಳು, ಧೈರ್ಯ ಮತ್ತು ಜ್ಞಾನ ಇಂದಿನ ಸಮಾಜಕ್ಕೂ ಪ್ರೇರಣೆ ನೀಡುವಂತಹವು. ಅವರ ಕಥೆಗಳು ಮಹಿಳಾ ಶಕ್ತಿಯ ಮಹತ್ವವನ್ನು ನೆನಪಿಸುತ್ತವೆ.
