ಇತ್ತೀಚೆಗೆ ಶರೀರದ ಆಕೃತಿಯನ್ನು ಸೊಗಸಾಗಿ ತೋರಿಸಿಕೊಳ್ಳಲು ಯುವತಿಯರು ಮಾತ್ರವಲ್ಲದೇ ಎಲ್ಲಾ ವಯಸ್ಸಿನ ಮಹಿಳೆಯರೂ ಶೇಪ್ವೇರ್ ಬಳಸುತ್ತಾರೆ. ಇದರಿಂದ ನಮ್ಮ ದೇಹ ಫಿಟ್ ಆಗಿ ಕಾಣುತ್ತದೆ, ಸ್ಲಿಮ್ ಲುಕ್ ಬರುತ್ತದೆ ಅನ್ನೋ ಕಾರಣದಿಂದ ಇದು ಸಾಮಾನ್ಯ ಆಯ್ಕೆ ಆಗಿದೆ. ಆದರೆ ಶೇಪ್ವೇರ್ ಜಾಸ್ತಿ ಟೈಟ್ ಇದ್ದರೆ ದೈಹಿಕ ಸಮಸ್ಯೆಗಳಿಗೆ ಆಹ್ವಾನವಾಗಬಹುದು ಅನ್ನೋದು ನಿಮಗೆ ಗೊತ್ತ?
ಉಸಿರಾಟದ ತೊಂದರೆ
ಬಹಳ ಟೈಟ್ ಶೇಪ್ವೇರ್ ಸೊಂಟ ಅಥವಾ ಎದೆಯ ಮೇಲೆ ಒತ್ತಡ ತರುತ್ತದೆ. ಇದರಿಂದ ಶ್ವಾಸಕೋಶಕ್ಕೆ ಸರಿಯಾಗಿ ಗಾಳಿ ಹೋಗದೆ ಉಸಿರಾಟ ಅಸಹಜವಾಗಬಹುದು. ಈ ಸಮಸ್ಯೆ ಇದ್ದವರು ಬಹಳ ಎಚ್ಚರಿಕೆಯಿಂದ ಇರಬೇಕು.
ಆಂತರಿಕ ಅಂಗಗಳಿಗೆ ಒತ್ತಡ
ಅತಿಯಾಗಿ ಟೈಟ್ ಶೇಪ್ವೇರ್ ಹೊರೆ ಹಾಕಿದಾಗ ಹೊಟ್ಟೆಯ ಅಂಗಗಳು – ಯಕೃತ್, ಶ್ವಾಸಕೋಶ, ಗರ್ಭಾಶಯ ಇತ್ಯಾದಿಗಳ ಮೇಲೆ ಒತ್ತಡ ಬರುತ್ತದೆ. ಇದರಿಂದ ಆಹಾರ ಜೀರ್ಣಕ್ರಿಯೆ ತಡವಾಗುತ್ತದೆ ಮತ್ತು ಕೆಲವೊಮ್ಮೆ ಅಜೀರ್ಣ, ಹೊಟ್ಟೆ ನೋವು ಮುಂತಾದ ಹೊಟ್ಟೆ ಸಂಬಂಧಿ ಸಮಸ್ಯೆಗಳು ಕಾಣಿಸಬಹುದು.
ಚರ್ಮಕ್ಕೆ ತೊಂದರೆ
ನಿತ್ಯವೂ ಟೈಟ್ ಶೇಪ್ವೇರ್ ಧರಿಸುವುದರಿಂದ ಚರ್ಮಕ್ಕೆ ಗಾಳಿಯ ಪ್ರವೇಶ ಕಡಿಮೆಯಾಗುತ್ತದೆ. ಇದರಿಂದ ಚರ್ಮದ ಅಲರ್ಜಿ, ರಾಷಸ್, ದುರ್ಗಂಧದ ಸಮಸ್ಯೆಗಳು ಉಂಟಾಗಬಹುದು.
ನರವ್ಯೂಹದ ತೊಂದರೆ
ತುಂಬಾ ಸಮಯ ಟೈಟ್ ಶೇಪ್ವೇರ್ ಹಾಕಿದರೆ ನರಗಳ ಮೇಲೆ ಒತ್ತಡ ಬಿದ್ದು “ಮೆರಾಲ್ಜಿಯಾ ಪ್ಯಾರೇಸ್ಥೆಟಿಕಾ” ಎಂಬ ಸ್ಥಿತಿ ಉಂಟಾಗಬಹುದು. ಇದರಲ್ಲಿ ಕಾಲುಗಳಲ್ಲಿ ಉರಿಯುವ, ಸುಡುತ್ತಾ ಇರುವ ಅನುಭವ ಬರುತ್ತದೆ.
ಯೂರಿನರಿ ಇನ್‌ಫೆಕ್ಷನ್ (UTI)
ದಿನವಿಡಿ ಶೇಪ್ವೇರ್ ಹಾಕಿದರೆ ಚರ್ಮದ ಪ್ರದೇಶ ಗಾಳಿ ಪೂರಕವಿಲ್ಲದೇ ಇದ್ದರೆ ಬ್ಯಾಕ್ಟೀರಿಯಾ ಬೆಳೆಯಲು ಅನುಕೂಲವಾಗುತ್ತದೆ. ಇದರಿಂದ ಮೂತ್ರನಾಳದ ಸೋಂಕು ಸಂಭವಿಸಬಹುದು.
ಶೇಪ್ವೇರ್ ಬಳಸೋದು ತಪ್ಪು ಅಲ್ಲ, ಆದರೆ ಅದು ಸೂಕ್ತ ಗಾತ್ರದಲ್ಲಿರಬೇಕು. ದೀರ್ಘಕಾಲ ಹಾಕದೆ, ಮಧ್ಯೆ ಮಧ್ಯೆ ವಿಶ್ರಾಂತಿ ನೀಡುವುದು ಉತ್ತಮ.(Disclaimer: ಈ ಲೇಖನವು ಸಾರ್ವಜನಿಕ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ.)
