ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ಪಾಕ್‌ಗೆ ಊಹೆಗೂ ನಿಲುಕದಂತೆ ಮರ್ಮಾಘಾತ ನೀಡಿದ ಭಾರತದ ‘ಆಪರೇಷನ್ ಸಿಂಧೂರ’ದಲ್ಲಿ ಏನಾಯಿತು?
ಇಲ್ಲಿದೆ ಒಂದಿಷ್ಟು ಡಿಟೇಲ್ಸ್:
ದಾಳಿಯಲ್ಲಿ ಒಟ್ಟು ಉಗ್ರರ ಒಂಭತ್ತು ನೆಲೆಗಳನ್ನು ಟಾರ್ಗೆಟ್ ಮಾಡಲಾಗಿತ್ತು. ಪಾಕಿಸ್ತಾನ ಮತ್ತು ಪಾಕ್ ಆಕ್ರಮಿತ ಕಾಶ್ಮೀರದ ಒಳಗಡೆ ನುಗ್ಗಿ ಈ ಏರ್‌ಸ್ಟ್ರೈಕ್ ನಡೆದಿತ್ತು. ಆಪರೇಷನ್‌ನಲ್ಲಿ ಪಾಕಿಸ್ತಾನದ ಯಾವುದೇ ಮಿಲಿಟರಿ ನೆಲೆಗಳನ್ನು ಗುರಿಯಾಗಿಸಲಾಗಿಲ್ಲ. ಕೇವಲ ಉಗ್ರರ ನೆಲೆ ಮಾತ್ರ ಟಾರ್ಗೆಟ್ ಅನ್ನುವುದು ಗಮನಿಸಬೇಕಾದ ಅಂಶ.
ಇನ್ನು ದಾಳಿಗೊಳಗಾದ ಈ ಎಲ್ಲಾ ಉಗ್ರರ ಶಿಬಿರಗಳು ಈ ಹಿಂದೆ ಭಾರತದ ವಿರುದ್ಧದ ನಡೆದ ಅನೇಕ ದಾಳಿಗಳಿಗೆ ನೇರವಾಗಿ ಸಂಬಂಧ ಹೊಂದಿತ್ತು.
ಎಲ್ಲೆಲ್ಲಿ ನಡೆಯಿತು ದಾಳಿ?
ಬಹವಾಲ್ಪುರ್:
ಇದು ಅಂತರರಾಷ್ಟ್ರೀಯ ಗಡಿಯಿಂದ 100 ಕಿ.ಮೀ ದೂರದಲ್ಲಿದೆ. ಜೈಷ್ ಉಗ್ರ ಸಂಘಟನೆಯ ಪ್ರಧಾನ ಕಚೇರಿ ಇದು.
ಮುರಿಡ್ಕೆ:
ಸಾಂಬಾ ಎದುರಿನ ಗಡಿಯಿಂದ 30 ಕಿ.ಮೀ ದೂರದಲ್ಲಿದೆ. ಲಷ್ಕರ್-ಎ-ತೈಬಾ ಸಂಘಟನೆ ಇಲ್ಲಿ ಉಗ್ರರ ಶಿಬಿರ ನಡೆಸುತ್ತಿತ್ತು. ಮುಂಬೈ ದಾಳಿಗೈದ ಉಗ್ರರಿಗೆ ಇಲ್ಲಿಯೇ ತರಬೇತಿ ಸಿಕ್ಕಿತ್ತು.
ಕೋಟ್ಲಿ:
ಗಡಿ ನಿಯಂತ್ರಣ ರೇಖೆಯಿಂದ 15 ಕಿ.ಮೀ ದೂರದಲ್ಲಿದೆ. ಲಷ್ಕರ್ ಉಗ್ರರ ಕ್ಯಾಂಪ್ ಇದಾಗಿದ್ದು 50 ಉಗ್ರರಿಗೆ ತರಬೇತಿ ನೀಡುವ ಸಾಮರ್ಥ್ಯ ಹೊಂದಿತ್ತು.
ಗುಲ್ಪುರ್ :
ಇದು ಗಡಿ ನಿಯಂತ್ರಣ ರೇಖೆ ಪೂಂಚ್-ರಾಜೌರಿಯಿಂದ 35 ಕಿ.ಮೀ ದೂರದಲ್ಲಿದೆ. ಏಪ್ರಿಲ್ 20, 2023ರ ಪೂಂಚ್‌ದಾಳಿ, ಜೂನ್ 24 ರಂದು ಬಸ್ ಪ್ರಯಾಣಿಕರ ಮೇಲಿನ ದಾಳಿಗೆ ಇಲ್ಲಿ ತರಬೇತಿ ನೀಡಲಾಗಿತ್ತು.
ಮಹಮೂನಾ:
ಸಿಯಾಲ್ ಕೋಟ್ ಬಳಿಯ ಅಂತಾರಾಷ್ಟ್ರೀಯ ಗಡಿಯಿಂದ 15 ಕಿಲೋಮೀಟರ್ ದೂರದಲ್ಲಿದೆ. ಇದು ಹಿಜ್ಬುಲ್ಲಾ ಟ್ರೈನಿಂಗ್ ಸೆಂಟರ್.
ಸವಾಯಿ:
ಇದು ಲಷ್ಕರ್ ಉಗ್ರರ ಕ್ಯಾಂಪ್. ಗಡಿ ನಿಯಂತ್ರಣ ರೇಖೆಯಿಂದ 30 ಕಿ.ಮೀ ದೂರದಲ್ಲಿರುವ ಇಲ್ಲಿ 2024ರ ಅಕ್ಟೋಬರ್ 20, 24 ರಂದು ಸೋನ್‌ಮಾರ್ಗ್, ಅಕ್ಟೋಬರ್ 24ರಂದು ಗುಲ್ಮಾರ್ಗ್ ಮತ್ತು ಏಪ್ರಿಲ್ 22 ರಂದು ಪಹಲ್ಗಾಮ್ ಮೇಲೆ ದಾಳಿ ನಡೆಸಿದ ಉಗ್ರರಿಗೆ ತರಬೇತಿ ನೀಡಲಾಗಿತ್ತು.
ಬರ್ನಾಲಾ:
ಭಾರತ ಗಡಿಯಿಂದ 10 ಕಿ.ಮೀ ದೂರದಲ್ಲಿರುವ ಸ್ಥಳ. ಇಲ್ಲಿ ಲಷ್ಕರ್ ಉಗ್ರರಿಗೆ ತರಬೇತಿ ನೀಡಲಾಗುತ್ತಿತ್ತು.
ಬಿಲಾಲ್:
ಇದು ಉಗ್ರ ಸಂಘಟನೆ ಜೈಷ್‌ಎ ಮೊಹಮದ್‌ನ ಲಾಂಚ್ ಪ್ಯಾಡ್. ಭಾರತಕ್ಕೆ ನುಗ್ಗುವ ಉಗ್ರರಿಗೆ ಅಂತಿಮ ಹಂತದ ತರಬೇತಿ ಇಲ್ಲಿಯೇ ನಡೆಯುತ್ತಿತ್ತು.
ಸರ್ಜಲ್:
ಸಾಂಬಾ ಕಟುವಾ ಬಳಿ ಅಂತಾರಾಷ್ಟ್ರೀಯ ಗಡಿಯಿಂದ 8 ಕಿಲೋಮೀಟರ್ ದೂರದಲ್ಲಿದೆ. ಇದು ಕೂಡಾ ಜೈಶ್ ಎ ಮೊಹಮದ್ ಕ್ಯಾಂಪ್ ಆಗಿತ್ತು.
