November 17, 2026
Tuesday, November 17, 2026
spot_img

ಕ್ವಾಡ್ ವೇದಿಕೆಯಲ್ಲಿ ಮೋದಿಯ ಗುಣಗಾನ: ‘Modi is a very tough man’ ಎಂದ ಟ್ರಂಪ್

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:

ಭಾರತ ಮತ್ತು ಅಮೆರಿಕ ನಡುವಿನ ಸ್ನೇಹ ಸಂಬಂಧವನ್ನು ಮತ್ತೊಮ್ಮೆ ಬಹಿರಂಗಪಡಿಸಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಪ್ರಧಾನಿ ನರೇಂದ್ರ ಮೋದಿ ಅವರನ್ನು ‘ತುಂಬಾ ಕಠಿಣ ವ್ಯಕ್ತಿ’ ಎಂದು ಬಣ್ಣಿಸಿದ್ದಾರೆ.

ಫಿಲಿಪ್ಪೀನ್ಸ್‌ನ ಮನಿಲಾದಲ್ಲಿ ನಡೆದ ಕ್ವಾಡ್ ಶೃಂಗಸಭೆಯ ಸಂದರ್ಭದಲ್ಲಿ ಟ್ರಂಪ್ ನೀಡಿದ ಈ ಹೇಳಿಕೆ ರಾಜತಾಂತ್ರಿಕ ವಲಯದಲ್ಲಿ ಗಮನ ಸೆಳೆದಿದೆ.

ನನ್ನ ಆತ್ಮೀಯ ಸ್ನೇಹಿತ

ಜಪಾನ್ ಮತ್ತು ಆಸ್ಟ್ರೇಲಿಯಾ ನಾಯಕರೊಂದಿಗೆ ಕ್ವಾಡ್ ಸಭೆಯಲ್ಲಿ ಪಾಲ್ಗೊಂಡಿದ್ದ ಟ್ರಂಪ್, ಪ್ರಧಾನಿ ಮೋದಿ ಅವರ ನಾಯಕತ್ವ ಮತ್ತು ಮಾತುಕತೆ ನಡೆಸುವ ಸಾಮರ್ಥ್ಯವನ್ನು ಮುಕ್ತಕಂಠದಿಂದ ಹೊಗಳಿದರು. “ಪ್ರಧಾನಿ ಮೋದಿ ತುಂಬಾ ಕಠಿಣ ವ್ಯಕ್ತಿ. ಅವರು ಅತ್ಯುತ್ತಮ ನಾಯಕ ಮತ್ತು ನನ್ನ ಆತ್ಮೀಯ ಸ್ನೇಹಿತ” ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ಟ್ರಂಪ್ ಹೊಗಳಿಕೆ ಇದೇ ಮೊದಲಲ್ಲ

ಮೋದಿ ಅವರ ಮಾತುಕತೆ ನಡೆಸುವ ಕೌಶಲವನ್ನು ಟ್ರಂಪ್ ಹೊಗಳುತ್ತಿರುವುದು ಇದೇ ಮೊದಲಲ್ಲ. 2025ರ ಫೆಬ್ರವರಿಯಲ್ಲಿ ಶ್ವೇತಭವನದಲ್ಲಿ ನಡೆದ ಭೇಟಿಯ ವೇಳೆ, ವ್ಯಾಪಾರ ಒಪ್ಪಂದದ ಕುರಿತು ಚರ್ಚಿಸುವಾಗ ಮೋದಿ ಅವರು ತನಗಿಂತಲೂ ಕಠಿಣ ಮಾತುಕತೆಗಾರ ಎಂದು ಹೇಳಿದ್ದರು. ಜೂನ್‌ನಲ್ಲಿ ಫ್ರಾನ್ಸ್‌ನಲ್ಲಿ ನಡೆದ ಜಿ7 ಶೃಂಗಸಭೆಯಲ್ಲೂ ಇದೇ ರೀತಿಯ ಮೆಚ್ಚುಗೆ ವ್ಯಕ್ತಪಡಿಸಿದ್ದರು.

ಇದನ್ನೂ ಓದಿ:

ಕೃತಕ ಬುದ್ಧಿಮತ್ತೆ, ರಕ್ಷಣೆಗೆ ಕ್ವಾಡ್ ಒತ್ತು

ಎರಡು ವರ್ಷಗಳ ಬಳಿಕ ನಡೆದ ಮೊದಲ ಕ್ವಾಡ್ ನಾಯಕರ ಸಭೆಯಲ್ಲಿ ಪ್ರಾದೇಶಿಕ ಭದ್ರತೆ, ಆರ್ಥಿಕ ಸಹಕಾರ ಮತ್ತು ತಂತ್ರಜ್ಞಾನ ಕ್ಷೇತ್ರದ ಪಾಲುದಾರಿಕೆ ಕುರಿತು ಚರ್ಚಿಸಲಾಯಿತು. ನಾಲ್ಕೂ ದೇಶಗಳು ಸೇರಿ ಕೃತಕ ಬುದ್ಧಿಮತ್ತೆ (ಎಐ) ವೇಗವರ್ಧಕ ಯೋಜನೆ ಆರಂಭಿಸಲಿದ್ದು, 85 ಮಿಲಿಯನ್ ಡಾಲರ್ ಹೂಡಿಕೆಯನ್ನು ಟ್ರಂಪ್ ಘೋಷಿಸಿದರು. ಅಲ್ಲದೆ, ಸಮುದ್ರ ಭದ್ರತೆ ಕುರಿತ ಮಿಲಿಟರಿ ಕವಾಯತು ನಡೆಸುವ ಯೋಜನೆಯನ್ನೂ ಪ್ರಕಟಿಸಿದರು.

ಅಪರೂಪದ ಖನಿಜಗಳ ಉತ್ಪಾದನೆಯಲ್ಲೂ ಭಾರತ, ಅಮೆರಿಕ ಮತ್ತು ಜಪಾನ್ ಸಹಕಾರ ಹೆಚ್ಚಿಸಿಕೊಳ್ಳುತ್ತಿವೆ ಎಂದು ಅವರು ತಿಳಿಸಿದರು.

ಕ್ವಾಡ್ ಭಾರತದ ಪಾಲಿಗೆ ವಿಶ್ವಾಸದ ವೇದಿಕೆ

ಪ್ರಧಾನಿ ಮೋದಿ ಅವರು ಕ್ವಾಡ್ ಅನ್ನು ರಚನಾತ್ಮಕ ಮತ್ತು ವಿಶ್ವಾಸಾರ್ಹ ಪಾಲುದಾರಿಕೆ ಎಂದು ಬಣ್ಣಿಸಿದರು. ಸಮುದ್ರ ಭದ್ರತೆ, ಪೂರೈಕೆ ಸರಪಳಿ, ಹೊಸ ತಂತ್ರಜ್ಞಾನ ಹಾಗೂ ವಿಪತ್ತು ನಿರ್ವಹಣೆಯಲ್ಲಿ ನಾಲ್ಕೂ ದೇಶಗಳ ಸಹಕಾರ ಮಹತ್ವದ್ದಾಗಿದೆ ಎಂದರು.

Must Read

Skip to toolbar