ಎಂಟು ವರ್ಷದ ನಂತರ ಲೋಗೋ ಬದಲಿಸಿದ ಗೂಗಲ್ ಕ್ರೋಂ !‌ ಏನಿದರ ವಿಶೇಷತೆ?

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌

ಟೆಕ್‌ ದೈತ್ಯ ಗೂಗಲ್‌ 8 ವರ್ಷಗಳ ಬಳಿಕ ತನ್ನ ಕ್ರೋಮ್‌ ನ ಲೋಗೋ ವನ್ನು ಬದಲಿಸಿದೆ.
ಹೊಸ ಲೋಗೋದಲ್ಲಿ ಹೆಚ್ಚಿನ ಬದಲಾವಣೆ ಕಾಣದಿದ್ದರೂ ಅದರಲ್ಲಿನ ಪ್ರತಿ ಬಣ್ಣದ ನಡುವಿನ ಅಂಚಿನಲ್ಲಿರುವ ನೆರಳನ್ನು ಬದಲಾಯಿಸಿದೆ.
ಈ ಮೂಲಕ ಗೂಗಲ್‌ ಕ್ರೋಂ ಲೋಗೋದ ಮೂರು ಬಣ್ಣಗಳು ಈಗ ಸಮತಟ್ಟಾಗಿ ಹಾಗೂ ಮತ್ತಷ್ಟು ಬ್ರೈಟ್‌ ಆಗಿ ಕಾಣುತ್ತಿದ್ದು, ಮಧ್ಯದಲ್ಲಿನ ನೀಲಿ ಬಣ್ಣದ ವೃತ್ತಾಕಾರವು ದೊಡ್ಡದಾಗಿದೆ.

2008ರಿಂದ ಗೂಗಲ್‌ ಕ್ರೋಂ ನ ಐಕಾನ್‌ ಒಂದೇ ರೀತಿ ಇದ್ದು, ಕಾಲ ಕ್ರಮೇಣ ಸಣ್ಣ ಬದಲಾವಣೆಗಳನ್ನು ತಂದಿವೆ. ಆರಂಭದಲ್ಲಿ 3ಡಿಯಂತೆ ಗೋಚರಿಸುತ್ತಿದ್ದ ಲೋಗೋ ಈಗ 2ಡಿ ಆಗಿದೆ.
ಈ ಲೋಗೋ ಎಲ್ಲಾ ಸಿಸ್ಟಮ್‌ ಗಳಲ್ಲೂ ಒಂದೇ ರೀತಿ ಕಾಣಿಸುವುದಿಲ್ಲ. ಸಿಸ್ಟಮ್‌ ಗೆ ಪೂರಕವಾಗಿ ಹೆಚ್ಚು ಆಕರ್ಷಕವಾಗಿ ಕಾಣುತ್ತದೆ.
ಮುಂದಿನ ದಿನಗಳಲ್ಲಿ ಈ ಹೊಸ ಲೋಗೋ ಎಲ್ಲಾ ಸಿಸ್ಟಮ್‌ ಗಳಲ್ಲೂ ಅಪ್ ಡೇಟ್‌ ಆಗಲಿದೆ.

Some of you might have noticed a new icon in Chrome’s Canary update today. Yes! we’re refreshing Chrome’s brand icons for the first time in 8 years. The new icons will start to appear across your devices soon. pic.twitter.com/aaaRRzFLI1

— Elvin 🌈 (@elvin_not_11) February 4, 2022