ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌
ಸಂಕಷ್ಟದ ಪರಿಸ್ಥಿತಿಯಲ್ಲಿರುವ ಆಫ್ಘಾನಿಸ್ತಾನಕ್ಕೆ ಭಾರತ ಸರಕಾರ 2,000 ಮೆಟ್ರಿಕ್ ಟನ್ ಗೋಧಿಯ ರವಾನೆಯನ್ನು ಮಂಗಳವಾರ ಅಟ್ಟಾರಿ-ವಾಘಾ ಗಡಿಯ ಮೂಲಕ ರವಾನಿಸಲಾಗುತ್ತಿದೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ (MEA) ತಿಳಿಸಿದೆ.
ಟ್ವಿಟರ್‌ನಲ್ಲಿ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ (MEA) ವಕ್ತಾರ ಅರಿಂದಮ್ ಬಾಗ್ಚಿ ಮಾಹಿತಿ ನೀಡಿದ್ದು,, ಅಫ್ಘಾನಿಸ್ತಾನಕ್ಕೆ ಈವರೆಗೆ ಒಟ್ಟು 8,000 MT ಗಳನ್ನು ಕಳುಹಿಸಲಾಗಿದೆ. ಈ ಮೂಲಕ ನಾಲ್ಕು ಬಾರಿ ರವಣೆಮಾಡಲಾಗಿದೆ ಎಂದು ಹೇಳಿದ್ದಾರೆ .
ಭಾರತದಿಂದ 2,500 ಟನ್ ಗೋಧಿಯ ನೆರವನ್ನು ಮೊದಲ ಬಾರಿಗೆ ಫೆಬ್ರವರಿ 26ರಂದು ಪಾಕಿಸ್ತಾನದ ಮೂಲಕ ಆಫ್ಘಾನಿಸ್ತಾನದ ಜಲಾಲಾಬಾದ್‌ಗೆ ತಲುಪಿಸಲಾಗಿತ್ತು.
2ನೇ ಬಾರಿಗೆ ಮಾರ್ಚ್ 3ರಂದು 2000 ಮೆಟ್ರಿಕ್ ಟನ್ ಗೋಧಿಯನ್ನು ಅಮೃತಸರದ ಅಟ್ಟಾರಿಯಿಂದ ಆಫ್ಘಾನಿಸ್ತಾನದ ಜಲಾಲಾಬಾದ್‌ಗೆ ಕಳುಹಿಸಲಾಗಿತ್ತು. ಮೂರನೇ ಬಾರಿಗೆ ಮಾರ್ಚ್ 8ರಂದು ಅಟ್ಟಾರಿ-ವಾಘಾ ಗಡಿಯ ಮೂಲಕ 40 ಟ್ರಕ್‌ಗಳಲ್ಲಿ 2,000 ಮೆಟ್ರಿಕ್ ಟನ್ ಗೋಧಿಯನ್ನು ಆಫ್ಘಾನಿಸ್ತಾನಕ್ಕೆ ಕಳುಹಿಸಲಾಗಿತ್ತು.
ಈ ತಿಂಗಳ ಆರಂಭದಲ್ಲಿ ಭಾರತವು ಪಾಕಿಸ್ತಾನದ ಮೂಲಕ ಅಫ್ಘಾನಿಸ್ತಾನಕ್ಕೆ 50,000 ಮೆಟ್ರಿಕ್ ಟನ್ (MT) ಗೋಧಿಯನ್ನು ಕಳುಹಿಸುವುದಾಗಿ ಘೋಷಿಸಿತ್ತು.
Our partnership continues. Despatched fourth convoy of humanitarian assistance consisting of 2000 MTs of wheat to Afghanistan today. Total of 8000 MTs sent as on date. @WFP_Afghanistan is partnering with us for the internal distribution of wheat within Afghanistan. pic.twitter.com/rBd1nojRJW
— Arindam Bagchi (@MEAIndia) March 15, 2022
