ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತೀಯ ರಿಸರ್ವ್ ಬ್ಯಾಂಕ್ನ ನೀತಿ ಸಭೆಯ ಫಲಿತಾಂಶಕ್ಕೆ ಮುಂಚಿತವಾಗಿ ಶುಕ್ರವಾರದ ಆರಂಭಿಕ ವಹಿವಾಟಿನಲ್ಲಿ ರುಪಾಯಿ ತುಸು ಏರಿಕೆ ಕಂಡಿದ್ದು ಯುಎಸ್ ಡಾಲರ್ ವಿರುದ್ಧ ರೂಪಾಯಿ 46 ಪೈಸೆ ಏರಿಕೆಯಾಗಿ 78.94 ಕ್ಕೆ ತಲುಪಿದೆ. ಇಂಟರ್ಬ್ಯಾಂಕ್ ವಿದೇಶಿ ವಿನಿಮಯದಲ್ಲಿ ರೂಪಾಯಿಯು 79.15 ನಲ್ಲಿ ಪ್ರಾರಂಭವಾಗಿ ನಂತರ 78.94 ಅನ್ನು ಮುಟ್ಟಿತು, ಕೊನೆಯ ಮುಕ್ತಾಯದಲ್ಲಿ 46 ಪೈಸೆಯ ಲಾಭವನ್ನು ದಾಖಲಿಸಿತು.
ಗುರುವಾರ ಡಾಲರ್ ಎದುರು ರೂಪಾಯಿ ಮೌಲ್ಯ 25 ಪೈಸೆ ಕುಸಿದು 79.40ಕ್ಕೆ ತಲುಪಿತ್ತು. ಆರಂಭಿಕ ವ್ಯವಹಾರಗಳಲ್ಲಿ, ಸ್ಥಳೀಯ ಘಟಕವು ಅಮೆರಿಕನ್ ಕರೆನ್ಸಿಯ ವಿರುದ್ಧ ಆರಂಭಿಕ ಗರಿಷ್ಠ 78.94 ಮತ್ತು ಕನಿಷ್ಠ 79.17 ಅನ್ನು ದಾಖಲಿಸಿತ್ತು.
ಬಂಡವಾಳ ಮಾರುಕಟ್ಟೆಗಳಿಗೆ ನಿರಂತರ ವಿದೇಶಿ ನಿಧಿಯ ಒಳಹರಿವು ಮತ್ತು ಕಚ್ಚಾ ತೈಲ ಬೆಲೆಗಳಲ್ಲಿನ ಸಡಿಲಿಕೆಯು ರುಪಾಯಿ ಮೌಲ್ಯ ತುಸು ಏರಿಕೆ ಕಾಣುವಲ್ಲಿ ಕಾರಣವಾಗಿದೆ. ಇವುಗಳ ನಡುವೆ ಆರು ಕರೆನ್ಸಿಗಳ ವಿರುದ್ಧ ಗ್ರೀನ್ಬ್ಯಾಕ್ನ ಬಲವನ್ನು ಅಳೆಯುವ ಡಾಲರ್ ಸೂಚ್ಯಂಕವು 105.84 ಕ್ಕೆ ತಲುಪಿದೆ.
ಜಾಗತಿಕ ತೈಲ ಮಾನದಂಡ ಬ್ರೆಂಟ್ ಕಚ್ಚಾ ತೈಲವು ಪ್ರತಿ ಬ್ಯಾರೆಲ್ಗೆ 0.22 ರಷ್ಟು ಏರಿಕೆಯಾಗಿ USD 94.33 ಕ್ಕೆ ತಲುಪಿದೆ.