ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಟೀಂ ಇಂಡಿಯಾದ ನಾಯಕ ರೋಹಿತ್ ಶರ್ಮಾ, ಬಿಸಿಸಿಐ ಅಧ್ಯಕ್ಷ ಗಂಗೂಲಿ, ಕಾಲಿವುಡ್ ನಟ ಕಾರ್ತಿ, ಹಾಸ್ಯ ನಟ ಕಪಿಲ್ ಶರ್ಮಾ, ನಟಿಯರಾದ ತ್ರಿಷಾ ಕೃಷ್ಣ, ದೀಪಿಕಾ ಪಡುಕೋಣೆ ಮತ್ತು ರಶ್ಮಿಕಾ ಮಂದಣ್ಣ ಒಟ್ಟಾಗಿ ‘ಮೆಗಾ ಬ್ಲಾಕ್‌ ಬಸ್ಟರ್’ ಎಂಬ ಸಿನಿಮಾವೊಂದರಲ್ಲಿ ನಟಿಸುತ್ತಿದ್ದಾರಾ ಎಂಬ ಯಕ್ಷ ಪ್ರಶ್ನೆಯೊಂದು ಕಾಡಲಾರಂಭಿಸಿದೆ.
ಹೌದು, ಈ ಕುರಿತು ಪೋಸ್ಟರ್ ಗಳು ಇದೀಗ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಇಇದೊಂದು ಸಸ್ಪೆನ್ಸ್‌ ವಿಚಾರವಾಗಿದ್ದು, ಸೆಪ್ಟೆಂಬರ್ 4ರಂದು ಬಿಗ್ ಸರ್ಪ್ರೈಸ್ ನೀಡಲಾಗುತ್ತದೆ ಎಂದು ಫೋಟೋಗಳೊಂದಿಗೆ ಈ ರೀತಿ ಕ್ಯಾಪ್ಶನ್ ಬರೆದುಕೊಂಡಿದ್ದಾರೆ.
ಇವರ ಪೋಸ್ಟರ್ ನೋಡಿದ ಕೆಲವು ನೆಟಿಜನ್ಗಳು ಇದೊಂದು ಸಿನಿಮಾ ಇರಬಹುದು ಎಂದರು, ಇನ್ನು ಹಲವರು ಇಲ್ಲ ಇದು ಜಾಹೀರಾತು ಇರಬೇಕೆಂದು ಕಾಮೆಂಟ್ ಮಾಡಿದ್ದಾರೆ. ಇನ್ನು ಕೆಲವರು ರಿಯಾಲಿಟಿ ಶೋ ಇರಬೇಕೆಂದು ತಲೆಗೆ ಹುಳು ಬಿಡುತ್ತಿದ್ದಾರೆ.
ಸದ್ಯಕ್ಕೆ ಈ ಸಸ್ಪೆನ್ಸ್‌ ಹೊರಬೀಳಬೇಕಾದರೆ ಟ್ರೇಲರ್‌ ಬಿಡುಗಡೆಯಾಗುವವರೆಗೆ ಕಾಯಲೇಬೇಕು.
