ಈಗಿನ ವೇಗದ ಜಗತ್ತಿನಲ್ಲಿ ಎಲ್ಲವೂ ಅವಸರಮಯ. ಹೆಚ್ಚು ಸಂಪಾದನೆ, ಹೆಚ್ಚು ವಸ್ತುಗಳು, ಹೆಚ್ಚು ಸೌಕರ್ಯಗಳ ಹಿಂದೆ ಓಡುತ್ತಾರೆ. ಆದರೆ ಮನಸ್ಸಿಗೆ ಶಾಂತಿ, ಸಂತೋಷ ಮತ್ತು ಸುಲಭವಾದ ಜೀವನ ಬರಬೇಕಾದರೆ “ಸೀದಾ ಸಾದಾ ಜೀವನ” (Simple Life) ನಡೆಸೋದು ಅತ್ಯಂತ ಮುಖ್ಯ. ಸರಳ ಜೀವನ ಎಂದರೆ ಎಲ್ಲವನ್ನು ಬಿಟ್ಟುಬಿಡೋದು ಅಲ್ಲ, ಬದಲಿಗೆ ಅಗತ್ಯವಿಲ್ಲದ ಒತ್ತಡಗಳನ್ನು ಕಡಿಮೆ ಮಾಡಿಕೊಳ್ಳುವುದು. ನಿಜವಾಗಿಯೂ ಮುಖ್ಯವಾದ ವಿಷಯಗಳ ಮೇಲೆ ಗಮನ ಹರಿಸುವುದು ಅಷ್ಟೇ.
- ಮನೆಯಲ್ಲಿ, ಜೀವನದಲ್ಲಿ ಬೇಕಿಲ್ಲದ ವಸ್ತುಗಳು, ಬಾಂಧವ್ಯಗಳು ಹೆಚ್ಚಾದರೆ ಮನಸ್ಸು ಗೊಂದಲಗೊಳ್ಳುತ್ತದೆ. ಬಳಸದ ವಸ್ತುಗಳನ್ನು ತೆಗೆದುಹಾಕಿದರೆ ಮನಸ್ಸು ಹಗುರವಾಗುತ್ತದೆ.
- ಸರಳವಾದ ದಿನಚರಿಯನ್ನು ಹೊಂದಿಸಿಕೊಂಡರೆ ಸಮಯ, ಶಕ್ತಿ, ಮನಸ್ಸಿನ ಒತ್ತಡ ಎಲ್ಲವೂ ನಿಯಂತ್ರಣದಲ್ಲಿ ಇರುತ್ತದೆ. ಜಾಸ್ತಿ ಪ್ಲ್ಯಾನ್‌ಗಳು ಬೇಡ.
- ಅಗತ್ಯವಿರುವಷ್ಟನ್ನು ಖರ್ಚು ಮಾಡಿ, ಉಳಿವನ್ನು ಹೆಚ್ಚಿಸಿದರೆ ಆರ್ಥಿಕ ಶಾಂತಿ ಬರುತ್ತದೆ. ಅಗತ್ಯವಿಲ್ಲದ ಖರೀದಿಯನ್ನು ತಪ್ಪಿಸಿ.
- ಜನರ ಜೊತೆಯಲ್ಲಿರುವ ನಿಜವಾದ ಸಂಪರ್ಕ, ಪ್ರೀತಿ ಮತ್ತು ಗೌರವ – ಇವೇ ಜೀವನದ ಅರ್ಥ. ಅನಗತ್ಯ ಸ್ಪರ್ಧೆ, ಹೋಲಿಕೆ ಮಾಡೋದನ್ನು ಬಿಡಿ.
- ಧ್ಯಾನ, ವಾಕ್, ಪುಸ್ತಕ ಓದು ಅಥವಾ ನಿಸರ್ಗದ ನಡುವೆ ಸಮಯ ಕಳೆಯೋದು ಮನಸ್ಸಿಗೆ ಶಾಂತಿ ಮತ್ತು ಸ್ಪಷ್ಟತೆ ಕೊಡುತ್ತದೆ.
