ಕೆಲವು ನಗರಗಳು ನಮ್ಮ ಕಣ್ಣಲ್ಲಿ ಮಾತ್ರವಲ್ಲ, ಹೃದಯದಲ್ಲೂ ಶಾಶ್ವತವಾಗಿ ಉಳಿದುಬಿಡುತ್ತವೆ. ಫೋಟೋಗಳಲ್ಲಿ ನೋಡಿದಾಗಲೇ ಮನಸಿಗೆ ಹಬ್ಬದಂತೆ ಕಾಣುವ ಈ ನಗರಗಳು, ಒಮ್ಮೆ ನಿಜವಾಗಿಯೂ ನೋಡಿದರೆ ಜೀವನಪೂರ್ತಿ ಮರೆಯದ ಅನುಭವ ನೀಡುತ್ತವೆ. ಪ್ರಕೃತಿ ಸೌಂದರ್ಯ, ಐತಿಹಾಸಿಕ ವೈಭವ, ಆಧುನಿಕ ಸೌಕರ್ಯ ಮತ್ತು ಸಂಸ್ಕೃತಿಯ ಸಮ್ಮಿಶ್ರಣ ಹೊಂದಿರುವ ಕೆಲವು ನಗರಗಳು ಪ್ರವಾಸ ಪ್ರಿಯರ ಕನಸಿನ ಲೋಕ. ಒಂದ್ಸಲ ಇಲ್ಲಿಗೆ ಟ್ರಿಪ್ ಹಾಕ್ಲೇಬೇಕು ಎಂದು ಪ್ರತಿಯೊಬ್ಬರ ಮನಸ್ಸಿನಲ್ಲಿ ಹುಟ್ಟಿಸುವ ಪ್ರಪಂಚದ 5 ಅತ್ಯಂತ ಸುಂದರ ನಗರಗಳು ಇಲ್ಲಿವೆ.
ಪ್ಯಾರಿಸ್: ಪ್ರೇಮದ ನಗರವೆಂದೇ ಪ್ರಸಿದ್ಧಿಯಾದ ಪ್ಯಾರಿಸ್‌ನ ಐಫೆಲ್ ಟವರ್, ಸೆನ್ ನದಿ ತಟ, ಪ್ರಸಿದ್ಧ ಕಲಾ ಸಂಗ್ರಹಾಲಯವಾದ ಲೂವ್ರ್ ಮತ್ತು ಹಳೆಯ ಬೀದಿಗಳು ಪ್ರವಾಸಿಗರ ಮನಸ್ಸನ್ನು ಆಕರ್ಷಿಸುತ್ತವೆ. ಫ್ಯಾಷನ್, ಆಹಾರ ಸಂಸ್ಕೃತಿ ಹಾಗೂ ರಾತ್ರಿ ಸಮಯದ ಲೈಟಿಂಗ್ಸ್ ಈ ನಗರಕ್ಕೆ ಇನ್ನಷ್ಟು ಮೆರುಗು ನೀಡುತ್ತದೆ.
ವೆನಿಸ್: ನೀರಿನ ಮೇಲೆಯೇ ನಿರ್ಮಿತವಾದ ಈ ವಿಶಿಷ್ಟ ನಗರದಲ್ಲಿ ಗೊಂಡೋಲಾ ಬೋಟಿನಲ್ಲಿ ಸಂಚರಿಸುವ ಅನುಭವವೇ ಒಂದು ಕನಸಿನ ಲೋಕ. ಹಳೆಯ ಸೇತುವೆಗಳು, ಬಣ್ಣದ ಮನೆಗಳು ಮತ್ತು ಶಾಂತವಾದ ಕಾಲುವೆಗಳು ವೆನಿಸ್‌ಗೆ ರಮಣೀಯತೆಗೆ ಮೆರುಗು ನೀಡುತ್ತವೆ.
ಕೇಪ್ ಟೌನ್: ಟೇಬಲ್ ಪರ್ವತ, ವಿಶಾಲ ಸಮುದ್ರ ತೀರಗಳು ಮತ್ತು ಆಧುನಿಕ ನಗರ ಜೀವನ ಒಂದೇ ಕಡೆ ಸಿಗುವ ಅಪರೂಪದ ನಗರ ಇದು. ಸಾಹಸ ಕ್ರೀಡೆಗಳು, ವೈನ್ ಗಾರ್ಡನ್‌ಗಳು ಮತ್ತು ಪ್ರಕೃತಿ ಸೌಂದರ್ಯ ಪ್ರವಾಸಿಗರನ್ನು ಸೆಳೆಯುತ್ತದೆ.
ಕ್ಯೋಟೊ: ಜಪಾನ್‌ನ ಪಾರಂಪರಿಕ ಸಂಸ್ಕೃತಿಯನ್ನು ಜೀವಂತವಾಗಿ ಉಳಿಸಿಕೊಂಡಿರುವ ನಗರ ಕ್ಯೋಟೊ. ಪುರಾತನ ದೇವಾಲಯಗಳು, ಚೆರಿ ಬ್ಲಾಸಂ ಹೂವಿನ ಹಬ್ಬ, ಶಾಂತ ಉದ್ಯಾನಗಳು ಮತ್ತು ಸಾಂಪ್ರದಾಯಿಕ ಮನೆಗಳು ಮನಸ್ಸಿಗೆ ಶಾಂತಿ ನೀಡುತ್ತವೆ. ಇತಿಹಾಸ ಮತ್ತು ಪ್ರಕೃತಿ ಒಟ್ಟಿಗೆ ಅನುಭವಿಸಲು ಇಂತಹ ನಗರ ಅಪರೂಪ.
ಸಿಡ್ನಿ: ವಿಶಾಲ ಸಮುದ್ರ ತೀರಗಳು, ವಿಶ್ವಪ್ರಸಿದ್ಧ ಸಿಡ್ನಿ ಓಪೆರಾ ಹೌಸ್ ಮತ್ತು ನಗರ ಜೀವನ ಸಿಡ್ನಿಯ ಪ್ರಮುಖ ಆಕರ್ಷಣೆ. ಬಾಂಡಿ ಬೀಚ್, ಹಾರ್ಬರ್ ಬ್ರಿಡ್ಜ್ ಮತ್ತು ನೈಟ್ ಲೈಫ್ ಪ್ರವಾಸಿಗರಿಗೆ ವಿಭಿನ್ನ ಅನುಭವ ನೀಡುತ್ತವೆ.
