ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಚೀನಾದಲ್ಲಿ ಜನವರಿ8 ರಿಂದ ಅಂತಾರಾಷ್ಟ್ರೀಯ ಪ್ರಯಾಣಿಕರಿಗಿದ್ದ ಕೋವಿಡ್ ನಿರ್ಬಂಧಗಳನ್ನು ತೆಗೆದುಹಾಕಲಾಗಿದೆ.
ದೇಶದಲ್ಲಿ ಕೋವಿಡ್ ನಿರ್ವಹಣಾ ಮಾರ್ಗಸೂಚಿಯನ್ನು ಮುಂದಿನ ತಿಂಗಳಿಂದ ಕ್ಲಾಸ್ ಎಯಿಂದ ಕ್ಲಾಸ್ ಬಿಗೆ ಇಳಿಸಲಾಗಿದೆ. ಜ.8ರಿಂದ ಈ ನಿಯಮ ಜಾರಿಗೆ ಬರುತ್ತಿದ್ದು, ಅಂತಾರಾಷ್ಟ್ರೀಯ ಪ್ರಯಾಣಿಕರಿಗೆ ಕ್ವಾರೆಂಟೀನ್ ರದ್ದುಮಾಡಲಾಗಿದೆ.
ಈ ಹಿಂದೆ ಅಂತಾರಾಷ್ಟ್ರೀಯ ಪ್ರಯಾಣಿಕರಿಗೆ 15 ದಿನ ಕ್ವಾರೆಂಟೀನ್, 3 ದಿನಗಳ ನಿಗಾ ಹಾಗೂ ಐದು ದಿನ ಪ್ರತ್ಯೇಕ ವಾಸ ಇರುತ್ತಿತ್ತು. ಕೊರೋನಾ ಪ್ರಕರಣಗಳು ತೀವ್ರವಾಗಿ ಹೆಚ್ಚುತ್ತಿರುವ ಬೆನ್ನಲ್ಲೇ ಚೀನಾ ಅಂತಾರಾಷ್ಟ್ರೀಯ ಪ್ರಯಾಣಿಕರ ಕ್ವಾರೆಂಟೀನ್ ನಿಯಮ ತೆರವಿಗೆ ಮುಂದಾಗಿದೆ.
