ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಒಡಿಶಾದಲ್ಲಿ ನಡೆದ ಮೂರು ರೈಲುಗಳು ದುರಂತ ಘಟನೆ ಇಡೀ ದೇಶವನ್ನೇ ಬೆಚ್ಚಿ ಬೀಳಿಸಿತ್ತು. ಆ ಘಟನೆ ಮಾಸುವ ಮುನ್ನವೇ ಮಧ್ಯಪ್ರದೇಶ, ತಮಿಳುನಾಡು ಮತ್ತು ಎಪಿಯಲ್ಲಿ ಇನ್ನೂ ಕೆಲವು ರೈಲು ಅಪಘಾತ ಘಟನೆಗಳು ನಡೆದಿವೆ.
ಇದೀಗ ಮಹಬೂಬಾಬಾದ್ ಜಿಲ್ಲೆಯ ಕೇಸಮುದ್ರಂ ಬಳಿ ಗೂಡ್ಸ್ ರೈಲು ಭಾರಿ ಅಪಘಾತವಾಗಿದೆ. ವಿಜಯವಾಡದಿಂದ ಕಾಜಿಪೇಟೆಗೆ ಬರುತ್ತಿದ್ದ ಗೂಡ್ಸ್ ರೈಲು ಕೆಸಮುದ್ರ-ಇಂಟಿಕನ್ನೆ ರೈಲು ನಿಲ್ದಾಣಗಳ ನಡುವೆ ಸಂಪರ್ಕ ಕಡಿತಗೊಂಡಿದ್ದರಿಂದ ಇಂಜಿನ್, ಗೂಡ್ಸ್ ಗಾರ್ಡ್ ಬೋಗಿ ಹಾಗೂ ಇನ್ನೊಂದು ಬೋಗಿಯನ್ನು ಬಿಟ್ಟು ಹೋಗಿತ್ತು. ಸಿಬ್ಬಂದಿ ಎಚ್ಚೆತ್ತು ಕೂಡಲೇ ಲೋಕೋ ಪೈಲಟ್‌ಗೆ ಮಾಹಿತಿ ನೀಡಿದ್ದಾರೆ.
ಒಂದು ಕಿಲೋಮೀಟರ್ ಹೋದ ನಂತರ, ಲೊಕೊ ಪೈಲಟ್ ರೈಲನ್ನು ನಿಲ್ಲಿಸಿ ಹಿಂತಿರುಗಿ ಬಂದು ಬೇರ್ಪಟ್ಟ ಬೋಗಿಗಳ ಲಿಂಕ್‌ ಮಾಡಿ ಸ್ಥಳದಿಂದ ಚಲಿಸಿದೆ. ಬೋಗಿಗಳು ಹಳಿ ತಪ್ಪದ ಕಾರಣ ರೈಲ್ವೆ ಅಧಿಕಾರಿಗಳು ಮತ್ತು ಸಿಬ್ಬಂದಿ ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ. ಸಿಬ್ಬಂದಿ ಎಚ್ಚೆತ್ತಿದ್ದರಿಂದ ಯಾವುದೇ ಅವಘಡ ಸಂಭವಿಸಿಲ್ಲ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ. ಘಟನೆಯ ಕುರಿತು ಅಧಿಕಾರಿಗಳು ತನಿಖೆಗೆ ಆದೇಶಿಸಿದ್ದಾರೆ.
