ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬಾಲಿವುಡ್ ನಟ ಸಲ್ಮಾನ್ ಖಾನ್ (Salman Khan) ಅಂದರೆ ಎಷ್ಟು ಅಚ್ಚುಮೆಚ್ಚು ಅಷ್ಟೇ ಅವರನ್ನು ವಿರೋಧಿಸುವವರು ಇದ್ದಾರೆ.
ಇದೀಗ ಬಾಲಿವುಡ್ನ ಮಾಜಿ ನಾಯಕ ನಟ ಸಲ್ಮಾನ್ ಖಾನ್ ಒಬ್ಬ ಸುಳ್ಳುಗಾರ ಎಂದು ಕರೆದಿದ್ದಾರೆ. ‘ಕುಚ್ ಕುಚ್ ಹೋತಾ ಹೈ’ ಸಿನಿಮಾದ ಬಗ್ಗೆ ಮಾತನಾಡುತ್ತಾ ಸಲ್ಮಾನ್ ಖಾನ್ ಹೇಳಿದ ಮಾತುಗಳ ಬಗ್ಗೆ ಆ ಹಿರಿಯ ನಟ ಆಕ್ಷೇಪ ಎತ್ತಿದ್ದಾರೆ.
‘ಕುಚ್ ಕುಚ್ ಹೋತಾ ಹೈ’ ಸಿನಿಮಾ ಬಿಡುಗಡೆ ಆಗಿ 25 ವರ್ಷಗಳಾಗಿವೆ. ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಸಹ ನಟಿಸಿದ್ದು, ಸಿನಿಮಾ ಬಗ್ಗೆ ಸಲ್ಮಾನ್ ಖಾನ್ ಈ ಹಿಂದೆ ಕಾಫಿ ವಿತ್ ಕರಣ್ ಶೋನಲ್ಲಿ ಆಡಿದ್ದ ಮಾತುಗಳು ಇದೀಗ ಮತ್ತೆ ವೈರಲ್ ಆಗಿವೆ. ಅಂದು ಸಲ್ಮಾನ್ ಖಾನ್ ಆಡಿದ್ದ ಮಾತುಗಳ ಬಗ್ಗೆ ಬಾಲಿವುಡ್ನ ಮಾಜಿ ನಾಯಕ ನಟ ಚಂದ್ರಚೂರ್ ಸಿಂಗ್ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
ಕಾಫಿ ವಿತ್ ಕರಣ್ನಲ್ಲಿ ಈ ಹಿಂದೆ ಮಾತನಾಡಿದ್ದ ಸಲ್ಮಾನ್ ಖಾನ್, ”ಕುಚ್ ಕುಚ್ ಹೋತಾ ಹೈ ಸಿನಿಮಾದ ಅಮನ್ ಪಾತ್ರವನ್ನು ಯಾರೂ ಮಾಡಲು ತಯಾರಿರಲಿಲ್ಲ, ಕೆಲವರನ್ನು ಕೇಳಿ ಇಲ್ಲ ಅನಿಸಿಕೊಂಡ ಬಳಿಕ ನನ್ನ ಬಳಿ ನೀನು (ಕರಣ್ ಜೋಹರ್) ಬಂದೆ. ಸೈಫ್ ಅನ್ನು ಕೇಳಿದ್ದೆ, ಚಂದ್ರಚೂಡ್ ಸಿಂಗ್ ಅನ್ನು ಕೇಳಿದ್ದೆ. ಅವರಿಬ್ಬರೂ ಆ ಸಮಯದಲ್ಲಿ ಯಾವ ಸಿನಿಮಾ ಮಾಡದಿದ್ದರೂ ಸಹ ನಿನ್ನ (ಕರಣ್) ಸಿನಿಮಾದಲ್ಲಿ ನಟಿಸಲು ಒಪ್ಪಿರಲಿಲ್ಲ. ಆದರೆ ಕರಣ್ ಪ್ರತಿಭೆಯ ಬಗ್ಗೆ ನನಗೆ ನಂಬಿಕೆ ಇತ್ತು ಹಾಗಾಗಿ ಅಮನ್ ಪಾತ್ರದಲ್ಲಿ ನಟಿಸಲು ಒಪ್ಪಿಕೊಂಡೆ ಎಂದಿದ್ದಾರೆ.
ಸಲ್ಮಾನ್ ಖಾನ್ರ ಈ ಮಾತುಗಳನ್ನು ಖಂಡಿಸಿರುವ ಚಂದ್ರಚೂಡ್ ಸಿಂಗ್ ಆತ ಒಬ್ಬ ಸುಳ್ಳುಗಾರ ಎಂದಿದ್ದಾರೆ. ರೆಡಿಟ್ ಸಾಮಾಜಿಕ ಜಾಲತಾಣದಲ್ಲಿ ‘ಸಲ್ಮಾನ್ ಖಾನ್ ಒಬ್ಬ ಸುಳ್ಳುಗಾರ’ ಎಂದು ಚಂದ್ರಚೂಡ್ ಸಿಂಗ್ ಬರೆದಿದ್ದಾರೆ.
