ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಜೆಪ್ಪುವಿನ ಬಳಿ ನಿರ್ಮಾಣ ಹಂತದ ರೈಲ್ವೇ ಅಂಡರ್ ಬ್ರಿಡ್ಜ್ ಕುಸಿದು ಮೂವರಿಗೆ ಗಾಯಗಳಾದ ಘಟನೆ ಸೋಮವಾರ ಸಂಜೆ ನಡೆದಿದೆ.
ರೈಲ್ವೆಅಂಡರ್ ಬ್ರಿಡ್ಜ್ ಗಾಗಿ ಸ್ಲ್ಯಾಬ್ ನಿರ್ಮಾಣ ಕಾರ್ಯ ನಡೆಯುತ್ತಿದ್ದು, ಕಾಮಗಾರಿಯ ವೇಳೆ ಕುಸಿದು ಸೇತುವೆ ಕುಸಿದು ಬಿದ್ದಿದೆ. ಸಂಜೆ 5.30 ರ ವೇಳೆ ಈ ಘಟನೆ ನಡೆದಿದ್ದು, ಸುಮಾರು 12 ಮಂದಿ ಕೆಲಸದಲ್ಲಿ ತೊಡಗಿದ್ದ ವೇಳೆ ಬ್ರಿಡ್ಜ್ ಕುಸಿದು ಬಿದ್ದಿದೆ. ಕಾರ್ಮಿಕರು ಪವಾಡ ಸದೃಶ್ಯ ಪಾರಾಗಿದ್ದಾರೆ. ಈ ವೇಳೆ ಮೂವರು ಕಾರ್ಮಿಕರಿಗೆ ಗಾಯಗಳಾಗಿವೆ.
ಸ್ಲ್ಯಾಬ್ ನಿರ್ಮಾಣಕ್ಕಾಗಿ 10 ಲೋಡ್ ಕಾಂಕ್ರೀಟ್ ಹಾಕಿ 11 ನೇ ಲೋಡ್ ಕಾಂಕ್ರಿಟ್ ನ್ನು ಸ್ಲ್ಯಾಬ್‌ಗೆ ಹಾಕಿದಾಗ ಬ್ರಿಡ್ಜ್ ಕುಸಿದಿದೆ. ಸೇತುವೆ ಕಾಮಗಾರಿ ಕಳೆದ ಆರು ತಿಂಗಳಿಂದ ನಡೆಯುತ್ತಿದೆ.
ಮುಂಬೈ ಮೂಲದ ಸಂಸ್ಥೆ ವಿಜಯ್ ಇನ್ಫ್ರಾ ಪ್ರಾಜೆಕ್ಟ್ ಖಾಸಗಿ ಲಿಮಿಟೆಡ್ ಸೇತುವೆ ಕಾಮಗಾರಿ ಗುತ್ತಿಗೆ ವಹಿಸಿಕೊಂಡಿದ್ದು, 50 ಕೋಟಿ ಮೌಲ್ಯದ ಯೋಜನೆ ಕೈಗೆತ್ತಿಕೊಂಡಿದೆ.
