ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ಹಬ್ಬಗಳ ಸೀಸನ್‌ ಆಗಮಿಸಿದೆ, ಮಂಗಳವಾರ ಹಿಂದೂಗಳ ಹೊಸವರುಷ ಯುಗಾದಿ ಹಬ್ಬ ಆಚರಣೆಗೆ ಎಲ್ಲ ತಯಾರಿಗಳು ನಡೆಯುತ್ತಿದ್ದು, ಮಾರುಕಟ್ಟೆಯಲ್ಲಿ ಹೂವು-ಹಣ್ಣುಗಳ ದರ ದುಬಾರಿಯಾಗಿದೆ.
ಈಗಾಗಲೇ ಬೆಳ್ಳಂಬೆಳಗ್ಗೆಯೇ ಜನ ಮಾರುಕಟ್ಟೆಗಳಲ್ಲಿ ಹಣ್ಣು, ತರಕಾರಿ, ಹೂವುಗಳ ಖರೀದಿಯಲ್ಲಿ ತೊಡಗಿದ್ದಾರೆ. ನೀರಿಲ್ಲದ ಕಾರಣ ಹೂವು ಹಣ್ಣು ಹಾಗೂ ತರಕಾರಿಗಳನ್ನು ಬೆಳೆಯುತ್ತಿರುವುದು ಕಡಿಮೆಯಾಗಿದೆ.
ಈ ಕಾರಣದಿಂದ ಎಲ್ಲದರ ಬೆಲೆ ಗಗನಕ್ಕೇರಿದ್ದು, ಮಧ್ಯವರ್ಗದ ಜನರಿಗೆ ಹೊಡೆತ ಬಿದ್ದಿದೆ. ಮಲ್ಲಿಗೆ ಹೂವು ಕೆಜಿಗೆ 600 ರೂಪಾಯಿ ದರ ಇದೆ. ಉನ್ನು ಸೇಬು ಇನ್ನಿತರ ಹಣ್ಣುಗಳು 100-250 ರೂಪಾಯಿವರೆಗೂ ಇದೆ. ತರಕಾರಿಗಳ ಬೆಲೆ 40 ರೂಪಾಯಿವರೆಗೂ ಏರಿಕೆ ಆಗಿದೆ.
