ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ದೆಹಲಿಯ ತೀಸ್ ಹಜಾರಿ ಕೋರ್ಟ್‌ನಲ್ಲಿ ಆಪ್‌ ಸಂಸದೆ ಸ್ವಾತಿ ಮಲಿವಾಲ್ ಮೇಲೆ ಹಲ್ಲೆ ನಡೆಸಿದ ಆರೋಪದಲ್ಲಿ ಅರವಿಂದ್ ಕೇಜ್ರಿವಾಲ್ ಪಿಎ ಬಿಭವ್ ಕುಮಾರ್ ಅವರ ಜಾಮೀನು ಅರ್ಜಿಯ ವಿಚಾರಣೆ ನಡೆಯಿತು. ವಿಚಾರಣೆಯ ವೇಳೆ ಸ್ವಾತಿ ಕೋರ್ಟ್‌ನಲ್ಲಿ ಹಾಜರಿದ್ದರು.
ಬಿಭವ್ ಕುಮಾರ್ ಅವರ ಪರ ಹಿರಿಯ ವಕೀಲ ಎನ್. ಹರಿಹರನ್ ವಾದ ಮಂಡಿಸಿದರು. ವಿಭವ್ ಕುಮಾರ್ ಜಾಮೀನು ಕುರಿತ ತೀರ್ಪನ್ನು ನ್ಯಾಯಾಲಯ ಕಾಯ್ದಿರಿಸಿದೆ. ಸ್ವಾತಿ ಮಲಿವಾಲ್ ಅವರ ವಕೀಲರೊಂದಿಗೆ ದೆಹಲಿ ಪೊಲೀಸರು ಕೂಡ ಬಿಭವ್ ಅವರ ಜಾಮೀನನ್ನು ವಿರೋಧಿಸಿ ನಿಲುವನ್ನು ಮಂಡಿಸಿದರು.
ಈ ಆರೋಪಕ್ಕಾಗಿ ದೆಹಲಿ ಮುಖ್ಯಮಂತ್ರಿಯವರ ನಿವಾಸದಲ್ಲಿ ಸಿಸಿಟಿವಿ ಇಲ್ಲದ ಜಾಗವನ್ನೇ ಆಯ್ಕೆ ಮಾಡಿಕೊಂಡರು. ಅಲ್ಲಿ ಸಿಸಿಟಿವಿ ಇರುತ್ತಿದ್ದರೆ ಘಟನೆ ದಾಖಲಾಗುತ್ತಿತ್ತು ಎಂದು ಬಿಭವ್ ಕುಮಾರ್ ಅವರ ವಕೀಲರು ವಾದಿಸಿದಾಗ ಸ್ವಾತಿ ನ್ಯಾಯಾಲಯದಲ್ಲಿ ಕಣ್ಣೀರು ಹಾಕಿದ್ದಾರೆ. ಬಿಭವ್ ಕುಮಾರ್‌ಗೆ ಜಾಮೀನು ನೀಡಿದರೆ, ನನ್ನ ಜೀವಕ್ಕೆ ಮತ್ತು ನನ್ನ ಕುಟುಂಬಕ್ಕೆ ಅಪಾಯವಿದೆ ಎಂದು ಹೇಳಿದ್ದಾರೆ.
ತಮ್ಮ ಕಕ್ಷಿದಾರರ ಪರವಾಗಿ ಮಾತನಾಡಿದ ಬಿಭವ್ ಕುಮಾರ್ ಅವರ ವಕೀಲರು, ಇದೆಲ್ಲ ಪೂರ್ವಯೋಜಿತವಾಗಿತ್ತು. ಆಕೆ ಮುಖ್ಯಮಂತ್ರಿಯನ್ನು ಭೇಟಿಯಾಗದಿರುವುದಕ್ಕೆ ನಾನೇ ಹೊಣೆ ಎಂದು ಭಾವಿಸಿದ್ದಕ್ಕಾಗಿ ಆಕೆ ಯಾವುದೇ ಕಾರಣಕ್ಕಾಗಿ ನನ್ನ ವಿರುದ್ಧ ಸುಳ್ಳು ಆರೋಪಗಳನ್ನು ಮಾಡಿದ್ದಾರೆ ಎಂದು ಹೇಳಿದರು.
ಡ್ರಾಯಿಂಗ್ ರೂಮ್ (ಕೇಜ್ರಿವಾಲ್ ಅವರ ನಿವಾಸದಲ್ಲಿ) ಘಟನೆ ನಡೆದಿತ್ತು ಎಂದು ಹೇಳಿದ್ದಾರೆ, ಅಲ್ಲಿ ಯಾವುದೇ ಸಿಸಿಟಿವಿ ಇಲ್ಲ. ಅದಕ್ಕಾಗಿಯೇ ಆಕೆ ಆ ಸ್ಥಳವನ್ನು ಆರಿಸಿಕೊಂಡಳು. ಸಿಸಿಟಿವಿ ಇಲ್ಲ ಎಂದು ಆಕೆಗೆ ಗೊತ್ತು. ಹಾಗಾಗಿ ಅಲ್ಲಿ ಘಟನೆ ನಡೆದಿದೆ ಎಂದು ಹೇಳುವುದು ಸುಲಭ ಮತ್ತು ಈ ರೀತಿ ಆರೋಪಗಳನ್ನು ಮಾಡಬಹುದು ಎಂದು ವಕೀಲರು ಹೇಳಿದ್ದಾರೆ.
ಯಾರಾದರೂ ಏಕಾಏಕಿ ಹೀಗೆ ಪ್ರವೇಶಿಸಬಹುದೇ? ಅದು ಮುಖ್ಯಮಂತ್ರಿಗಳ ನಿವಾಸ. ಸಂಸದರಾಗಿರುವುದರಿಂದ ನಿಮಗೆ ತೋಚಿದ್ದನ್ನು ಮಾಡಲು ಪರವಾನಗಿ ನೀಡುವುದಿಲ್ಲ. ಅವರ ಕಡೆಯಿಂದ ಪ್ರಚೋದನೆ ಇತ್ತು. ಆಕೆ ತೊಂದರೆ ಉಂಟುಮಾಡುವ ಪೂರ್ವಭಾವಿ ಉದ್ದೇಶದಿಂದ ಬಂದಿದ್ದರು. ಅವರು ಆಗಾಗ್ಗೆ ಭೇಟಿ ನೀಡುತ್ತಿದ್ದರು. ಆದರೆ ಅದು ಆಕೆಗೆ ಅತಿಕ್ರಮಣ ಮಾಡುವ ಹಕ್ಕನ್ನು ನೀಡುವುದಿಲ್ಲ ಎಂದಿದ್ದಾರೆ.
ನ್ಯಾಯಾಲಯವನ್ನುದ್ದೇಶಿಸಿ ಮಾತನಾಡಿದ ಮಲಿವಾಲ್, ಹಲ್ಲೆಯ ಬಗ್ಗೆ ವರದಿ ಮಾಡಿದಾಗಿನಿಂದ ಆಕೆಯನ್ನು ಬಿಜೆಪಿ ಏಜೆಂಟ್ ಎಂದು ಪದೇ ಪದೇ ಕರೆಯಲಾಗುತ್ತಿದೆ ಎಂದು ಹೇಳಿದ್ದಾರೆ.
ಅವರು (ಎಎಪಿ) ಟ್ರೋಲ್‌ ಆರ್ಮಿ ಹೊಂದಿದ್ದಾರೆ. ಇಡೀ ಪಕ್ಷವನ್ನು ಇದಕ್ಕಾಗಿ ನಿಯೋಜಿಸಲಾಗಿದೆ. ನನ್ನ ವಿರುದ್ಧ ನಿರಂತರ ಪತ್ರಿಕಾಗೋಷ್ಠಿಗಳು ನಡೆದವು. ಈ ವ್ಯಕ್ತಿ (ಬಿಭವ್ ಕುಮಾರ್) ಸಾಮಾನ್ಯನಲ್ಲ ಎಂದು ಸ್ವಾತಿ ಮಲಿವಾಲ್ ಹೇಳಿದ್ದಾರೆ.
ಯೂಟ್ಯೂಬರ್ ಧ್ರುವ್ ರಾಠಿ ಅವರ ಅವರ ಹೆಸರನ್ನು ಉಲ್ಲೇಖಿಸದೆ ಆರೋಪ ಮಾಡಿದ ಮಲಿವಾಲ್ ಅವರು , ಈ ಹಿಂದೆ ಸ್ವಯಂಸೇವಕರಾಗಿದ್ದ ಯೂಟ್ಯೂಬರ್ ಏಕಪಕ್ಷೀಯ ವಿಡಿಯೊವನ್ನು ಮಾಡಿದ್ದಾರೆ. ವಿಡಿಯೊದ ನಂತರ, ನನಗೆ ನಿರಂತರವಾಗಿ ಕೊಲೆ ಮತ್ತು ಅತ್ಯಾಚಾರ ಬೆದರಿಕೆಗಳು ಬರಲಾರಂಭಿಸಿದವು ಎಂದು ನ್ಯಾಯಾಲಯಕ್ಕೆ ತಿಳಿಸಿದರು.
ಮಲಿವಾಲ್ ಅವರ ವಕೀಲರು ತಮ್ಮ ವಾದವನ್ನು ಮಂಡಿಸುವಾಗ, ಬಿಭವ್ ಕುಮಾರ್ ತನಿಖೆಯಲ್ಲಿ ಸಹಕರಿಸುತ್ತಿಲ್ಲ ಮತ್ತು ಪೊಲೀಸರು ಕೇಳಿದ ಪ್ರಶ್ನೆಗಳಿಂದ ತಪ್ಪಿಸಿಕೊಳ್ಳುತ್ತಿದ್ದಾರೆ ಎಂದು ಹೇಳಿದರು.
ಬಿಭವ್ ಕುಮಾರ್ ಅವರ ವಕೀಲರ ಪ್ರಕಾರ ಸ್ವಾತಿ ಮಲಿವಾಲ್ ಅವರು ಅತಿಕ್ರಮ ಪ್ರವೇಶ ಮಾಡಿದ್ದರೆ, ಈ ಬಗ್ಗೆ ಏಕೆ ದೂರು ನೀಡಿಲ್ಲ? ಮೂರು-ನಾಲ್ಕು ದಿನಗಳ ನಂತರ ಅವರ ವೈದ್ಯಕೀಯ ಪರೀಕ್ಷೆಯನ್ನು ಮಾಡಲಾಯಿತು, ಆದರೆ ಅದರಲ್ಲಿ ಯಾವುದೇ ಅರ್ಥವಿಲ್ಲ ಹೇಳಲಾಗುವುದಿಲ್ಲ ಎಂದಿದ್ದಾರೆ.
ಏತನ್ಮಧ್ಯೆ, ದೆಹಲಿ ಪೊಲೀಸ್ ವಕೀಲರು, ಸ್ವಾತಿ ಮಲಿವಾಲ್ ಅವರಲ್ಲಿ ಅಲ್ಲಿ (ಮುಖ್ಯಮಂತ್ರಿ ನಿವಾಸ) ಕಾಯುವಂತೆ ಕೇಳಿದಾಗ ಅದು ಹೇಗೆ ಅತಿಕ್ರಮಣವಾಗುತ್ತದೆ? ಅವಳು ಅತಿಕ್ರಮಣ ಮಾಡಿಲ್ಲ, ಬಿಭವ್ ಅತಿಕ್ರಮಣ ಮಾಡಿದ್ದು ಎಂದು ಹೇಳಿದ್ದಾರೆ.
ಬಿಭವ್ ಸಾಮಾನ್ಯ ವ್ಯಕ್ತಿಯಲ್ಲ, ಅವರು ಮಂತ್ರಿಗಳಿಗೆ ನೀಡುವ ಸೌಲಭ್ಯಗಳನ್ನು ಬಳಸುತ್ತಾರೆ ಎಂದು ಸ್ವಾತಿ ನ್ಯಾಯಾಲಯಕ್ಕೆ ತಿಳಿಸಿದರು. ಈ ಬಿಭವ್ ಜಾಮೀನು ಪ್ರಕರಣದ ವಿಚಾರಣೆಯನ್ನು ಕೋರ್ಟ್ ಕಾಯ್ದಿರಿಸಿದೆ.
