ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಮುಂಬೈ ಸಮುದ್ರದಲ್ಲಿ ಎರಡು ಬೋಟ್‌ಗಳ ನಡುವೆ ಅಪಘಾತವಾಗಿದ್ದು, ಇದರಲ್ಲಿ ‘ನೀಲಕಮಲ್’ ಎಂಬ ಹೆಸರಿನ ದೋಣಿ ಅಪಘಾತಕ್ಕೀಡಾಗಿದೆ.
ಬುಧವಾರ (ಡಿಸೆಂಬರ್ 18) ಮುಂಬೈನ ಗೇಟ್ ವೇ ಆಫ್ ಇಂಡಿಯಾದಿಂದ ಎಲಿಫೆಂಟಾಗೆ 80 ಜನರನ್ನು ಹೊತ್ತುಕೊಂಡು ಈ ಬೋಟ್ ಪ್ರಯಾಣ ಬೆಳೆಸಿತ್ತು. ಈ ವೇಳೆ ವಿರುದ್ಧ ದಿಕ್ಕಿನಲ್ಲಿ ಬರುತ್ತಿದ್ದ ಸಣ್ಣ ಬೋಟ್‌ಯೊಂದು ನೀಲಕಮಲ್ ಬೋಟ್ಗೆ ಡಿಕ್ಕಿ ಹೊಡೆದಿದೆ. ಈ ಅಪಘಾತದ ವೇಳೆ ನೀಲಕಮಲ್ ಬೋಟ್ ನೀರಿನಲ್ಲಿ ಮುಳುಗಡೆಯಾಗಿದ್ದು, ಇದರಲ್ಲಿ ಸದ್ಯ 75 ಮಂದಿಯನ್ನು ರಕ್ಷಿಸಲಾಗಿದ್ದು, ಓರ್ವ ಸಾವನ್ನಪ್ಪಿದ್ದಾನೆ ಎಂದು ಹೇಳಲಾಗುತ್ತಿದೆ. ಇನ್ನುಳಿದವರಿಗಾಗಿ ಪೊಲೀಸರು, ನೌಕಾಪಡೆ, ಕೋಸ್ಟ್‌ಗಾರ್ಡ್‌ಗಳು ಶೋಧ ನಡೆಸುತ್ತಿದ್ದಾರೆ.
ಈ ನೀಲಕಮಲ್ ಬೋಟ್ ಮುಂಬೈನ ಗೇಟ್ ವೇ ಆಫ್ ಇಂಡಿಯಾದಿಂದ ಎಲಿಫೆಂಟಾಗೆ ಹೋಗುತ್ತಿದ್ದ ವೇಳೆ ಚಿಕ್ಕ ಬೋಟ್ ವ್ಯಕ್ತಿಯೊಬ್ಬ ಅತಿವೇಗದಲ್ಲಿ ತೆಗೆದುಕೊಂಡು ಹೋಗಿ ಈ ಬೋಟ್ಗೆ ಡಿಕ್ಕಿ ಹೊಡೆದಿದ್ದಾನೆ . ಈ ಡಿಕ್ಕಿಯ ಪರಿಣಾಮ ದೊಡ್ಡ ಬೋಟ್ ಮಗುಚಿ ಬಿದ್ದು, ಈ ದುರಂತ ಸಂಭವಿಸಿದೆ.
ಬೋಟ್ ಮಗುಚಿ ಬೀಳುತ್ತಿದ್ದಂತೆ ಅಲ್ಲಿದ್ದ ನೌಕಾಪಡೆ, ಕೋಸ್ಟ್‌ಗಾರ್ಡ್‌ ಸಿಬ್ಬಂದಿ ತಕ್ಷಣ ಬಂದು ಈ ದುರಂತದಿಂದ ಹಲವರನ್ನು ಬಚಾವ್ ಮಾಡಿದ್ದಾರೆ. ಇನ್ನು ಮೀನುಗಾರರ ಹಡಗೊಂಡು ಈ ಬೋಟ್ಗೆ ಡಿಕ್ಕಿ ಹೊಡೆದ ರಭಸಕ್ಕೆ ಮಗುಚಿ ಬಿದ್ದಿದೆ ಎಂದು ವರದಿಯಾಗಿದೆ.
