ಬಾಯಲ್ಲಿ ಹುಣ್ಣಾದಾಗ ಸಾಮಾನ್ಯ ಅಂತ ಅನ್ಸುತ್ತೆ. ಎರಡು–ಮೂರು ದಿನ ತಾನೇ ಹೋಗುತ್ತೆ ಅಂತ ನಿರ್ಲಕ್ಷ್ಯ ಮಾಡ್ತೀವಿ. ಆದರೆ ಅದೇ ಹುಣ್ಣು ಪದೇ ಪದೇ ಬರುತ್ತಿದ್ದರೆ, ಅದು ದೇಹ ಕೊಡುವ ಎಚ್ಚರಿಕೆ ಇರಬಹುದು. ಜೀವನಶೈಲಿ, ಆಹಾರ ಮತ್ತು ಒಟ್ಟಾರೆ ಆರೋಗ್ಯದ ಜೊತೆ ಬಾಯಿಯ ಹುಣ್ಣುಗಳಿಗೆ ನೇರ ಸಂಬಂಧ ಇದೆ. ಏನು ಕಾರಣ ಇರಬಹುದು ನೋಡೋಣ.
ವಿಟಮಿನ್ B12, ಐರನ್ ಅಥವಾ ಫೋಲಿಕ್ ಆಸಿಡ್ ಕಡಿಮೆಯಾದರೆ ಬಾಯಲ್ಲಿ ಸುಲಭವಾಗಿ ಹುಣ್ಣು ಮೂಡುತ್ತದೆ. ದೇಹಕ್ಕೆ ಬೇಕಾದ ಪೋಷಕಾಂಶಗಳು ಸಿಗದಾಗ ಮೊದಲು ಬಾಯಿಯ ಒಳಚರ್ಮವೇ ಪರಿಣಾಮ ತೋರಿಸುತ್ತದೆ.
ಹೆಚ್ಚು ಸ್ಟ್ರೆಸ್, ಸರಿಯಾಗಿ ನಿದ್ರೆ ಆಗದಿರುವುದು ಇಮ್ಯೂನ್ ಸಿಸ್ಟಂ ದುರ್ಬಲಗೊಳಿಸುತ್ತದೆ. ಪರಿಣಾಮವಾಗಿ ಬಾಯಿಯ ಹುಣ್ಣುಗಳು ಕಾಣಿಸಿಕೊಳ್ಳುತ್ತವೆ.
ಅತಿ ಖಾರ, ಆಮ್ಲೀಯ ಆಹಾರವನ್ನು ಹೆಚ್ಚು ಸೇವಿಸಿದರೆ ಬಾಯಿಯ ಒಳಭಾಗಕ್ಕೆ ತೊಂದರೆ ಆಗುತ್ತದೆ. ಇದರಿಂದ ಗಾಯವಾಗಿ ಹುಣ್ಣು ರೂಪುಗೊಳ್ಳಬಹುದು.
ಇದನ್ನೂ ಓದಿ:
ಮಹಿಳೆಯರಲ್ಲಿ ಮಾಸಿಕ ಧರ್ಮದ ಸಮಯದಲ್ಲಿ ಅಥವಾ ಹಾರ್ಮೋನಲ್ ಬದಲಾವಣೆಯ ಹಂತಗಳಲ್ಲಿ ಬಾಯಿಯಲ್ಲಿ ಹುಣ್ಣು ಕಾಣಿಸಿಕೊಳ್ಳುವುದು ಸಾಮಾನ್ಯ.
ಕೆಲವು ಟೂತ್ಪೇಸ್ಟ್, ಮೌತ್ ವಾಷ್ ಅಥವಾ ಆಹಾರ ಪದಾರ್ಥಗಳಿಗೆ ಅಲರ್ಜಿ ಇದ್ದರೆ ಬಾಯಿಯಲ್ಲಿ ಉರಿತನ ಮತ್ತು ಹುಣ್ಣುಗಳು ಬರುತ್ತವೆ.
ಎಚ್ಚರಿಕೆ ಯಾವಾಗ ಬೇಕು?
ಒಂದೇ ಹುಣ್ಣು 10–14 ದಿನಕ್ಕೂ ಹೆಚ್ಚು ಉಳಿದರೆ, ಜ್ವರ, ತೂಕ ಇಳಿಕೆ ಅಥವಾ ತೀವ್ರ ನೋವು ಇದ್ದರೆ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸಿ.)
