ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಮಹಿಳಾ ಪ್ರೀಮಿಯರ್ ಲೀಗ್ ಫೈನಲ್ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಭರ್ಜರಿ ಚೇಸಿಂಗ್ ಮೂಲಕ ಮತ್ತೊಂದು ಟ್ರೋಫಿ ತಮ್ಮದಾಗಿಸಿಕೊಂಡಿತು. ಡೆಲ್ಲಿ ಕ್ಯಾಪಿಟಲ್ಸ್ ನೀಡಿದ 204 ರನ್ಗಳ ಗುರಿಯನ್ನು ಬೆನ್ನಟ್ಟಿದ ಆರ್ಸಿಬಿ 19.4 ಓವರ್ಗಳಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ ಗುರಿ ತಲುಪಿ ಪ್ರಶಸ್ತಿ ಜಯಿಸಿತು.
ನಾಯಕಿ ಸ್ಮೃತಿ ಮಂಧಾನ ಹಾಗೂ ಜಾರ್ಜಿಯಾ ವೋಲ್ ಅವರ ಅದ್ಭುತ ಜೊತೆಯಾಟ ತಂಡಕ್ಕೆ ಬಲವಾದ ಆಧಾರ ಒದಗಿಸಿತು.
ಮಂಧಾನ 87 ರನ್ಗಳ ವೇಗದ ಇನ್ನಿಂಗ್ಸ್ ಆಡಿದರೆ, ಜಾರ್ಜಿಯಾ ವೋಲ್ 79 ರನ್ಗಳ ಪ್ರಮುಖ ಕೊಡುಗೆ ನೀಡಿ ಪಂದ್ಯವನ್ನು ಹಿಡಿತದಲ್ಲಿಟ್ಟರು. ಇವರಿಬ್ಬರ ನಡುವೆ ನಿರ್ಮಾಣವಾದ ದೊಡ್ಡ ಜೊತೆಯಾಟವೇ ತಂಡದ ಗೆಲುವಿಗೆ ದಾರಿಯಾಯಿತು.
ಇದನ್ನೂ ಓದಿ:
ಪಂದ್ಯದ ಬಳಿಕ ಮಾತನಾಡಿದ ಜಾರ್ಜಿಯಾ ವೋಲ್, “ನಮ್ಮ ಗಮನ ಪಂದ್ಯವನ್ನು ಸಾಧ್ಯವಾದಷ್ಟು ಕೊನೆಯವರೆಗೂ ಕೊಂಡೊಯ್ಯುವುದರ ಮೇಲೆ ಇತ್ತು. ವಿಕೆಟ್ ಬ್ಯಾಟಿಂಗ್ಗೆ ಅನುಕೂಲಕರವಾಗಿತ್ತು ಮತ್ತು ತಂಡದಲ್ಲಿ ಉತ್ತಮ ಫಿನಿಶರ್ಗಳು ಇದ್ದ ಕಾರಣ ಶಾಂತವಾಗಿ ಆಟ ಮುಂದುವರಿಸಿದ್ದೇವೆ. ಅಂತಿಮವಾಗಿ ನಾವು ಅದನ್ನು ಚೆನ್ನಾಗಿ ಮುಗಿಸಬಹುದು ಎಂಬ ವಿಶ್ವಾಸ ಇತ್ತು” ಎಂದು ಹೇಳಿದರು.
ಈ ಗೆಲುವು ಸಂಪೂರ್ಣ ತಂಡದ ಪರಿಶ್ರಮದ ಫಲ ಎಂದು ಹೇಳಿದ ಅವರು, ಫೈನಲ್ನಲ್ಲಿ ತಂಡಕ್ಕೆ ಸಹಾಯ ಮಾಡಲು ಸಾಧ್ಯವಾದುದು ತುಂಬಾ ಸಂತೋಷ ತಂದಿದೆ ಎಂದು ತಿಳಿಸಿದರು. ಇಡೀ ಸೀಸನ್ನಲ್ಲಿ ಸತತವಾಗಿ ಶ್ರಮಿಸಿದ ತಂಡಕ್ಕೆ ಈ ಜಯ ಸ್ಮರಣೀಯ ಕ್ಷಣವಾಗಿದೆ ಎಂದೂ ಅವರು ಸಂತೋಷ ವ್ಯಕ್ತಪಡಿಸಿದರು.
