ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತ ಮತ್ತು ಇಂಗ್ಲೆಂಡ್ ನಡುವಿನ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ಭರ್ಜರಿ ಪ್ರದರ್ಶನದೊಂದಿಗೆ ಮೂರನೇ ದಿನದಾಟ ಮುಗಿದಾಗ 186 ರನ್‌ಗಳ ಮುನ್ನಡೆ ಸಾಧಿಸಿದೆ. ಜೋ ರೂಟ್ ಶತಕದ ಆರ್ಭಟ, ಓಲಿ ಪೋಪ್ ಹಾಗೂ ನಾಯಕ ಬೆನ್ ಸ್ಟೋಕ್ಸ್ ಅವರ ಅರ್ಧಶತಕದ ನೆರವಿನಿಂದ ಇಂಗ್ಲೆಂಡ್ ಬಲಿಷ್ಠ ಸ್ಥಾನದಲ್ಲಿದೆ.
ಭಾರತದ ಮೊತ್ತ 358 ರನ್‌ಗಳಿಗೆ ಪ್ರತಿಯಾಗಿ ಇಂಗ್ಲೆಂಡ್ ತನ್ನ ಮೊದಲ ಇನಿಂಗ್ಸ್‌ನಲ್ಲಿ 135 ಓವರ್‌ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 544 ರನ್ ಬಾರಿಸಿದೆ. ಮೂರನೇ ದಿನದಲ್ಲಿ ಇಂಗ್ಲೆಂಡ್ ತಂಡ 5 ವಿಕೆಟ್ ಕಳೆದುಕೊಂಡು 319 ರನ್ ಗಳಿಸಿದೆ. ಭಾರತೀಯ ಬೌಲರ್‌ಗಳು ಶ್ರಮಿಸಿದರೂ ಪಿಚ್ ಬ್ಯಾಟಿಂಗ್‌ ಅನೂಕೂಲವಾಗಿದ್ದರಿಂದ ಇಂಗ್ಲೆಂಡ್ ಬ್ಯಾಟ್ಸ್‌ಮನ್‌ರನ್ನು ನಿಯಂತ್ರಿಸುವಲ್ಲಿ ಸವಾಲು ಎದುರಾಗಿದೆ.
ಜೋ ರೂಟ್ 248 ಎಸೆತಗಳಲ್ಲಿ 14 ಬೌಂಡರಿಗಳ ನೆರವಿನಿಂದ 150 ರನ್ ಗಳಿಸಿ ಔಟಾಗಿದ್ದು, ಟೆಸ್ಟ್ ಕ್ರಿಕೆಟ್‌ನಲ್ಲಿ ಎರಡನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎಂಬ ಕೀರ್ತಿಗೆ ಪಾತ್ರರಾದರು. ಓಲಿ ಪೋಪ್ ಕೂಡ 128 ಎಸೆತಗಳಲ್ಲಿ 7 ಬೌಂಡರಿಗಳೊಂದಿಗೆ 71 ರನ್ ಬಾರಿಸಿದರು. ಈ ಜೋಡಿ ಮೂರನೇ ವಿಕೆಟ್‌ಗೆ 144 ರನ್ ಜೊತೆಯಾಟವಾಡಿದರು.
ನಾಯಕ ಬೆನ್ ಸ್ಟೋಕ್ಸ್ 77 ರನ್ ಹಾಗೂ ಲಿಯಾಮ್ ಡಾಸನ್ 21 ರನ್ ಗಳಿಸಿ ಕ್ರೀಸ್‌ನಲ್ಲಿ ಉಳಿದಿದ್ದಾರೆ. ಇಂಗ್ಲೆಂಡ್ ಮೂರನೇ ದಿನದ ಆಟದಲ್ಲಿ ಗಂಭೀರ ಸ್ಥಿರತೆಯನ್ನು ಪ್ರದರ್ಶಿಸಿದ್ದು, ಭಾರತ ಪರ ಬ್ಯಾಲೆನ್ಸ್ ಕಳೆದುಹೋಯಿತೆಂಬ ಭಾವನೆ ಮೂಡಿಸಿದೆ.
ಭಾರತದ ಬೌಲಿಂಗ್ ಪರವಾಗಿ ರವೀಂದ್ರ ಜಡೇಜಾ ಹಾಗೂ ವಾಷಿಂಗ್ಟನ್ ಸುಂದರ್ ತಲಾ ಎರಡು ವಿಕೆಟ್ ಪಡೆದರೆ, ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಸಿರಾಜ್ ಮತ್ತು ಚೇತನ್ ಕಾಂಬೋಜ್ ತಲಾ ಒಂದು ವಿಕೆಟ್ ಪಡೆದರು.
ಇತ್ತೀಚಿನ ಸ್ಥಿತಿಗೆ ಅನುಗುಣವಾಗಿ, ಪಂದ್ಯ ನಾಲ್ಕನೇ ದಿನಕ್ಕೆ ರೋಚಕ ತಿರುವು ಪಡೆದುಕೊಳ್ಳುವ ಸಾಧ್ಯತೆಯಿದೆ. ಭಾರತದ ಬ್ಯಾಟ್ಸ್‌ಮನ್‌ಗಳು ಉತ್ತಮವಾಗಿ ಆಡಿದರೆ ಪಂದ್ಯ ಡ್ರಾ ಆಗಬಹುದಾದರೂ, ಬೇಗನೆ ವಿಕೆಟ್‌ಗಳು ಪತನವಾದರೆ ಇಂಗ್ಲೆಂಡ್ ಗೆಲುವಿನತ್ತ ಹೆಜ್ಜೆ ಹಾಕಬಹುದು.
