ಕೊಲೆಸ್ಟ್ರಾಲ್ ಎಂಬ ಪದ ಕೇಳಿದಾಗಲೆ ಅನೇಕರು ಇದೊಂದು ಅಪಾಯಕಾರಿ ಅಂಶ ಎಂದು ಭಾವಿಸುತ್ತಾರೆ. ಕನ್ನಡದಲ್ಲಿ ಬೊಜ್ಜು ಅಥವಾ ಕೊಬ್ಬು ಎಂದೂ ಕರೆಯುವ ಕೊಲೆಸ್ಟ್ರಾಲ್ ಬಗ್ಗೆ ಹಲವು ದಶಕಗಳಿಂದ ತಪ್ಪು ಕಲ್ಪನೆಗಳು ಹರಡಿಕೊಂಡಿವೆ. ಹೃದಯ ಕಾಯಿಲೆಗೆ ಇದು ನೇರ ಕಾರಣ ಎಂದು ಜನಸಾಮಾನ್ಯರಲ್ಲೊಂದು ಭಯದ ಭಾವನೆ ಬೆಳೆದಿದೆ. ಆದರೆ ವೈದ್ಯಕೀಯ ಅಧ್ಯಯನಗಳು ಹೇಳುವುದು ಬೇರೆ. ಕೊಲೆಸ್ಟ್ರಾಲ್ ನಮ್ಮ ದೇಹಕ್ಕೆ ಅಗತ್ಯವಾಗಿದ್ದು, ಹಾರ್ಮೋನ್ ಉತ್ಪಾದನೆ, ಮೆದುಳಿನ ಕಾರ್ಯಕ್ಷಮತೆ ಹಾಗೂ ವಿಟಮಿನ್-ಡಿ ಶೋಷಣೆಗೆ ಇದು ನೆರವಾಗುತ್ತದೆ. ದೇಹದಲ್ಲಿ ಒಳ್ಳೆಯ ಮತ್ತು ಕೆಟ್ಟ ಕೊಲೆಸ್ಟ್ರಾಲ್ ಎರಡೂ ಇವೆ. ಸಮತೋಲನ ತಪ್ಪಿದಾಗ ಮಾತ್ರ ಇದು ಅಪಾಯಕಾರಿ. ಆದ್ದರಿಂದ ಕೊಲೆಸ್ಟ್ರಾಲ್ ಬಗ್ಗೆ ಇರುವ ತಪ್ಪು ಕಲ್ಪನೆಗಳನ್ನು ನಿವಾರಿಸಿಕೊಳ್ಳುವುದು ಮುಖ್ಯ.
ಕೊಲೆಸ್ಟ್ರಾಲ್ ಕೆಟ್ಟದ್ದು
ಕೊಲೆಸ್ಟ್ರಾಲ್ ದೇಹಕ್ಕೆ ಅತ್ಯವಶ್ಯಕ. ಇದು ಹಾರ್ಮೋನ್, ವಿಟಮಿನ್-ಡಿ ಮತ್ತು ಮೆದುಳಿನ ಆರೋಗ್ಯಕ್ಕೆ ಸಹಕಾರಿ.
ಕೊಬ್ಬಿನ ಆಹಾರ ತಿಂದರೆ ಮಾತ್ರ ಕೊಲೆಸ್ಟ್ರಾಲ್ ಹೆಚ್ಚುತ್ತದೆ
ಆಹಾರ ಮಾತ್ರ ಕಾರಣವಲ್ಲ; ದೇಹವು ಸ್ವತಃ ಕೊಲೆಸ್ಟ್ರಾಲ್ ಉತ್ಪಾದಿಸುತ್ತದೆ. ಸಮತೋಲನ ಆಹಾರ ಮುಖ್ಯ.
ಹೆಚ್ಚಿನ ಕೊಲೆಸ್ಟ್ರಾಲ್ = ಹೃದಯದ ಅನಾರೋಗ್ಯ
ಹೃದಯ ಸಮಸ್ಯೆಗೆ ಅನುವಂಶಿಕತೆ, ಜೀವನ ಶೈಲಿ, ಉರಿಯೂತ ಮುಂತಾದ ಅಂಶಗಳೂ ಕಾರಣ.
ದಪ್ಪ ದೇಹದವರಲ್ಲೇ ಹೆಚ್ಚು ಕೊಲೆಸ್ಟ್ರಾಲ್
ಸಣ್ಣ ದೇಹದವರಲ್ಲೂ ಹೆಚ್ಚಿರಬಹುದು. ತೂಕಕ್ಕಿಂತ ತಪಾಸಣೆ ಮುಖ್ಯ.
ಮೊಟ್ಟೆಯ ಹಳದಿ ಭಾಗ ಹಾನಿಕರ
ಹಳದಿ ಭಾಗ ಪೌಷ್ಟಿಕಾಂಶಗಳಿಂದ ಕೂಡಿದ್ದು, ಒಳ್ಳೆಯ ಕೊಲೆಸ್ಟ್ರಾಲ್ ನಿರ್ಮಾಣಕ್ಕೆ ಸಹಾಯಕ.
ಕೇವಲ ಔಷಧಿಯೇ ಪರಿಹಾರ
ವ್ಯಾಯಾಮ, ಸಮತೋಲನ ಆಹಾರ, ಒತ್ತಡ ನಿಯಂತ್ರಣ ಸಹ ಮುಖ್ಯ ಮಾರ್ಗಗಳು.
ಸಸ್ಯಾಹಾರ ಕೊಲೆಸ್ಟ್ರಾಲ್ ಸಂಪೂರ್ಣ ನಾಶ ಮಾಡುತ್ತದೆ
ದೇಹಕ್ಕೆ ಒಂದು ಮಟ್ಟದ ಆರೋಗ್ಯಕರ ಬೊಜ್ಜು ಅಗತ್ಯ. ಸಮತೋಲನ ಆಹಾರವೇ ಉತ್ತಮ.
ಕೊಲೆಸ್ಟ್ರಾಲ್ ಎಂದರೆ ಅಪಾಯ ಎಂಬ ಕಲ್ಪನೆ ತಪ್ಪು. ದೇಹಕ್ಕೆ ಇದು ಅಗತ್ಯವಾದ ಅಂಶ. ಸಮತೋಲನ ಆಹಾರ, ನಿಯಮಿತ ವ್ಯಾಯಾಮ, ಒತ್ತಡ ನಿಯಂತ್ರಣ ಮತ್ತು ನಿರಂತರ ತಪಾಸಣೆಗಳ ಮೂಲಕ ಕೊಲೆಸ್ಟ್ರಾಲ್ ಮಟ್ಟವನ್ನು ಸುಲಭವಾಗಿ ನಿಯಂತ್ರಿಸಬಹುದು. ಆರೋಗ್ಯಕರ ಜೀವನ ಶೈಲಿ ನಿಮ್ಮ ಹೃದಯವನ್ನು ದೀರ್ಘಕಾಲ ಆರೋಗ್ಯಕರವಾಗಿಡುತ್ತದೆ.
