ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಫೆಬ್ರವರಿ 13 ಬಂದರೆ ಜಗತ್ತು “ವಿಶ್ವ ರೇಡಿಯೋ ದಿನ”ವನ್ನು ನೆನಪಿಸಿಕೊಳ್ಳುತ್ತದೆ. ಡಿಜಿಟಲ್ ಯುಗದಲ್ಲೂ ತನ್ನ ಪ್ರಭಾವ ಕಳೆದುಕೊಳ್ಳದ ಅಪರೂಪದ ಮಾಧ್ಯಮವೇ ರೇಡಿಯೋ. ಈ ದಿನವನ್ನು UNESCO 2012ರಲ್ಲಿ ಅಧಿಕೃತವಾಗಿ ಘೋಷಿಸಿತು. ಮಾಹಿತಿ, ಶಿಕ್ಷಣ ಮತ್ತು ಮನರಂಜನೆಯನ್ನು ಕಡಿಮೆ ವೆಚ್ಚದಲ್ಲಿ ಜನರಿಗೆ ತಲುಪಿಸುವ ಅತ್ಯಂತ ವಿಶ್ವಾಸಾರ್ಹ ಮಾಧ್ಯಮವೆಂದರೆ ರೇಡಿಯೋ ಎಂದು ವಿಶ್ವ ಸಂಸ್ಥೆ ಗುರುತಿಸಿದೆ.
ಫೆಬ್ರವರಿ 13 ಅಮೆರಿಕದ ರೇಡಿಯೋ ಇತಿಹಾಸದಲ್ಲಿ ಸ್ಮರಣೀಯ ದಿನ. 1946 ರಲ್ಲಿ, ಅಮೆರಿಕದಿಂದ ಮೊದಲ ರೇಡಿಯೋ ಪ್ರಸಾರ ನಡೆಯಿತು. ಅದರ ನಂತರ, ವಿಶ್ವಸಂಸ್ಥೆಯು ರೇಡಿಯೊದಲ್ಲಿಯೂ ಕಾರ್ಯನಿರ್ವಹಿಸಲು ಪ್ರಾರಂಭಿಸಿತು. ಅದಕ್ಕಾಗಿಯೇ ಈ ದಿನವನ್ನು ಆಚರಿಸಲು ಫೆಬ್ರವರಿ 13 ನ್ನು ಆಯ್ಕೆ ಮಾಡಲಾಯಿತು.
ರೇಡಿಯೋದ ಇತಿಹಾಸ ಶತಮಾನಕ್ಕೂ ಹೆಚ್ಚು ಹಳೆಯದು. ಯುದ್ಧದ ಸಮಯಗಳಲ್ಲಿ ಜನರಿಗೆ ತಾಜಾ ಸುದ್ದಿಗಳನ್ನು ನೀಡಿದ್ದು ಇದೆ ರೇಡಿಯೋ. ಪ್ರಕೃತಿ ವಿಕೋಪಗಳ ವೇಳೆ ಸಹಾಯ ಮಾಹಿತಿ ತಲುಪಿಸಿದದ್ದು ಕೂಡ ಇದೇ ಸಾಧನ. ವಿದ್ಯುತ್ ಅಥವಾ ಇಂಟರ್ನೆಟ್ ಸೌಲಭ್ಯ ಇಲ್ಲದ ದೂರದ ಗ್ರಾಮಗಳಿಗೂ ರೇಡಿಯೋ ಧ್ವನಿ ಸುಲಭವಾಗಿ ತಲುಪುತ್ತದೆ. ಅದರಿಂದಲೇ ಇದು ಜನಸಾಮಾನ್ಯರ ಸ್ನೇಹಿತ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಇದನ್ನೂ ಓದಿ:
ಇಂದಿನ ಪಾಡ್ಕಾಸ್ಟ್ಗಳು, ಎಫ್ಎಂ ಚಾನೆಲ್ಗಳು ಮತ್ತು ಆನ್ಲೈನ್ ಸ್ಟ್ರೀಮಿಂಗ್ ಕೂಡ ರೇಡಿಯೋದ ಆಧುನಿಕ ರೂಪಗಳೇ. ತಂತ್ರಜ್ಞಾನ ಬದಲಾಗಿದ್ದರೂ, ಧ್ವನಿಯ ಶಕ್ತಿ ಬದಲಾಗಿಲ್ಲ. ವಿಶ್ವ ರೇಡಿಯೋ ದಿನ ನಮಗೆ ನೆನಪಿಸುವುದು ಏನೆಂದರೆ ಒಂದು ಸರಳ ಧ್ವನಿ ಜಗತ್ತನ್ನೇ ಸಂಪರ್ಕಿಸಬಲ್ಲದು.
