ಹೊಸದಿಗಂತ ಡಿಜಿಟಲ್ ಡೆಸ್ಕ್
ಫೆಬ್ರವರಿ 27ರಂದು ಸಂಭ್ರಮದಿಂದ ತೆರೆಗೆ ಬರಬೇಕಿದ್ದ ಧನ್ವೀರ್ ಗೌಡ ಅಭಿನಯದ ‘ಹಯಗ್ರೀವ’ ಚಿತ್ರಕ್ಕೆ ಆರಂಭದಲ್ಲೇ ವಿಘ್ನ ಎದುರಾಯಿತು. ಇಡೀ ದಿನ ಅಭಿಮಾನಿಗಳು ಕಾಯುವಂತೆ ಮಾಡಿದ ತಾಂತ್ರಿಕ ಅಥವಾ ಆಂತರಿಕ ತೊಂದರೆಗಳು ಸಂಜೆಯ ಹೊತ್ತಿಗೆ ಬಗೆಹರಿದವು.
ಈ ವಿಳಂಬದ ಬಗ್ಗೆ ಮಾತನಾಡಿದ ಧನ್ವೀರ್, ತಮ್ಮ ವಿರೋಧಿಗಳ ವಿರುದ್ಧ ನಯವಾಗಿಯೇ ಚಾಟಿ ಬೀಸಿದ್ದಾರೆ. “ನನ್ನ ಸಿನಿಮಾ ತಡೆದವರನ್ನು ನಾನು ವಿರೋಧಿಗಳು ಎನ್ನಲ್ಲ, ಅವರು ನನ್ನ ಮೇಲೆ ಅಪಾರ ಪ್ರೀತಿ ಉಳ್ಳವರು. ನನ್ನ ಮೇಲೆ ಅವರಿಗಿರುವ ಆ ಪ್ರೀತಿಯನ್ನು ತೋರಿಸಿದ್ದಾರೆ. ನಾನೂ ಕೂಡ ಪ್ರೀತಿ ತೋರಿಸುವ ಕಾಲ ಬಂದಾಗ ಆ ಭಗವಂತನೇ ಎಲ್ಲವನ್ನೂ ನೋಡ್ಕೊಳ್ತಾನೆ” ಎನ್ನುವ ಮೂಲಕ ತಮ್ಮ ಸಿನಿಮಾ ಬಿಡುಗಡೆಗೆ ತೊಂದರೆ ಕೊಟ್ಟವರಿಗೆ ಪರೋಕ್ಷವಾಗಿ ತಿರುಗೇಟು ನೀಡಿದ್ದಾರೆ.
