ನಮ್ಮಲ್ಲಿ ಹಲವರು “ಮುಖದಲ್ಲಿ ಕಳೆ ಕಡಿಮೆಯಾಗಿದೆ”, “ಚರ್ಮ ಸಡಿಲವಾಗಿದೆ” ಅಂತ ಹೇಳುತ್ತಿರ್ತಾರೆ. ಆದರೆ ಅದರ ಹಿಂದೆ ಇರುವ ಪ್ರಮುಖ ಕಾರಣ ಕೊಲಾಜಿನ್ ಕಡಿಮೆಯಾಗೋದು. ಕೊಲಾಜಿನ್ ಅಂದ್ರೆ ನಮ್ಮ ಚರ್ಮಕ್ಕೆ ಗಟ್ಟಿತನ, ಲವಚಿಕತೆ ಮತ್ತು ಯೌವನದ ಲುಕ್ ಕೊಡುವ ಪ್ರಮುಖ ಪ್ರೋಟೀನ್. ವಯಸ್ಸು ಹೆಚ್ಚಾದಂತೆ ದೇಹದಲ್ಲಿ ಇದರ ಪ್ರಮಾಣ ನಿಧಾನವಾಗಿ ಕಡಿಮೆಯಾಗುತ್ತ ಹೋಗುತ್ತದೆ. ಅದಕ್ಕೇ ಕೆಲವರಿಗೆ ಬೇಗನೇ ಸುಕ್ಕುಗಳು ಕಾಣಿಸಿಕೊಳ್ಳುತ್ತವೆ.
ಆದ್ರೆ ಇದಕ್ಕೆ ದೊಡ್ಡ ಔಷಧಿ ಬೇಕಾಗಿಲ್ಲ. ನಮ್ಮ ದೈನಂದಿನ ಆಹಾರದಲ್ಲೇ ಕೊಲಾಜಿನ್ ಉತ್ಪತ್ತಿಗೆ ಸಹಾಯ ಮಾಡುವ ಹಲವಾರು ಪದಾರ್ಥಗಳಿವೆ. ನಿಂಬೆ, ಕಿತ್ತಳೆ, ಪೇರಳೆ ಹಣ್ಣಿನಂಥ ವಿಟಮಿನ್ C ಇರುವ ಹಣ್ಣುಗಳು ದೇಹದಲ್ಲಿ ಕೊಲಾಜಿನ್ ನಿರ್ಮಾಣಕ್ಕೆ ಸಹಾಯ ಮಾಡುತ್ತವೆ. ಅದೇ ರೀತಿ ಬಾದಾಮಿ, ಕಡಲೆಕಾಯಿ, ಬೀಜಗಳು ಮತ್ತು ಹಸಿರು ತರಕಾರಿಗಳು ಕೂಡ ಚರ್ಮದ ಆರೋಗ್ಯಕ್ಕೆ ತುಂಬಾ ಉಪಯುಕ್ತ.
ಇದನ್ನೂ ಓದಿ:
ಮುಖಕ್ಕೆ ಎಷ್ಟು ಕ್ರೀಮ್ ಹಚ್ಚಿದರೂ ಒಳಗಿನಿಂದ ದೇಹಕ್ಕೆ ಪೋಷಕಾಂಶ ಸಿಗದಿದ್ದರೆ ಯೌವನ ಹೆಚ್ಚು ದಿನ ಉಳಿಯೋದಿಲ್ಲ. ಆದ್ದರಿಂದ ಸರಿಯಾದ ಆಹಾರ, ನೀರು ಮತ್ತು ಆರೋಗ್ಯಕರ ಜೀವನಶೈಲಿ ಇವೆಲ್ಲ ಸೇರಿ ಚರ್ಮದ ನೈಸರ್ಗಿಕ ಹೊಳಪನ್ನು ಕಾಪಾಡುತ್ತವೆ. ಯೌವನ ಉಳಿಸಿಕೊಳ್ಳೋದು ದೊಡ್ಡ ವಿಷಯ ಅಲ್ಲ, ಸರಿಯಾದ ಆಹಾರವೇ ಅದರ ಮೊದಲ ಹೆಜ್ಜೆ.
