ಮದುವೆಗೆ ಹೋದಾಗ ಅಲ್ಲಿ ಸವಿಯುವ ಕೆಲವು ಪಲ್ಯಗಳ ರುಚಿ ಮರೆಯಲಾಗದು. ಅಂಥದಲ್ಲೇ ಒಂದು ಜನಪ್ರಿಯ ಸೈಡ್ ಡಿಶ್ ಎಂದರೆ ತೊಂಡೆಕಾಯಿ ಮತ್ತು ಗೇರುಬೀಜದಿಂದ ಮಾಡುವ ಈ ವಿಶೇಷ ಪಲ್ಯ. ಸರಿಯಾದ ಮಸಾಲೆ ಮತ್ತು ತುಪ್ಪದ ಪರಿಮಳ ಈ ಪಲ್ಯಕ್ಕೆ ಮದುವೆ ಮನೆ ಸ್ಟೈಲ್ ರುಚಿ ಬರುತ್ತದೆ. ಈಗ ಅದೇ ರುಚಿಯನ್ನು ಮನೆಯಲ್ಲೇ ಸುಲಭವಾಗಿ ತಯಾರಿಸಬಹುದು. ಬಿಸಿ ಅನ್ನ, ಸಾಂಬಾರ್ ಅಥವಾ ರಸಂ ಜೊತೆ ಈ ಪಲ್ಯ ತುಂಬಾ ಚೆನ್ನಾಗಿ ಹೊಂದುತ್ತದೆ.
ಬೇಕಾಗುವ ಪದಾರ್ಥಗಳು
ತೊಂಡೆಕಾಯಿ – 250 ಗ್ರಾಂ
ಗೇರುಬೀಜ – 50 ಗ್ರಾಂ
ಈರುಳ್ಳಿ – 1
ಹಸಿಮೆಣಸಿನಕಾಯಿ – 2
ಸಾಸಿವೆ – 1/2 ಚಮಚ
ಜೀರಿಗೆ – 1/2 ಚಮಚ
ಅರಿಶಿನ – ಚಿಟಿಕೆ
ಮೆಣಸಿನಪುಡಿ – 1/2 ಚಮಚ
ತೆಂಗಿನ ತುರಿ – 2 ಚಮಚ
ಕರಿಬೇವು – ಸ್ವಲ್ಪ
ಎಣ್ಣೆ – 2 ಚಮಚ
ಉಪ್ಪು – ರುಚಿಗೆ ತಕ್ಕಷ್ಟು
ಮಾಡುವ ವಿಧಾನ
ಮೊದಲು ತೊಂಡೆಕಾಯಿಯನ್ನು ಚೆನ್ನಾಗಿ ತೊಳೆದು ಸಣ್ಣ ತುಂಡುಗಳಾಗಿ ಕತ್ತರಿಸಿಕೊಳ್ಳಿ. ಗೇರುಬೀಜವನ್ನು ಎರಡು ತುಂಡುಗಳಾಗಿ ಕತ್ತರಿಸಿ ಬಿಸಿ ಎಣ್ಣೆಯಲ್ಲಿ ಸ್ವಲ್ಪ ಹುರಿದು ತೆಗೆದು ಇಡಿ.
ಈಗ ಕಾದ ಬಾಣಲೆಗೆ ಎಣ್ಣೆ ಹಾಕಿ ಸಾಸಿವೆ ಮತ್ತು ಜೀರಿಗೆ ಹಾಕಿ. ನಂತರ ಕರಿಬೇವು, ಹಸಿಮೆಣಸಿನಕಾಯಿ ಮತ್ತು ಈರುಳ್ಳಿ ಹಾಕಿ ಚೆನ್ನಾಗಿ ಹುರಿಯಿರಿ.
ಈರುಳ್ಳಿ ಸ್ವಲ್ಪ ಬಂಗಾರದ ಬಣ್ಣ ಬಂದ ಬಳಿಕ ಕತ್ತರಿಸಿದ ತೊಂಡೆಕಾಯಿ, ಅರಿಶಿನ ಮತ್ತು ಉಪ್ಪು ಸೇರಿಸಿ ಮುಚ್ಚಿ ಬೇಯಿಸಬೇಕು. ತೊಂಡೆಕಾಯಿ ಬೇಯಿದ ನಂತರ ಮೆಣಸಿನಪುಡಿ, ತೆಂಗಿನ ತುರಿ ಮತ್ತು ಹುರಿದ ಗೇರುಬೀಜ ಸೇರಿಸಿ ಚೆನ್ನಾಗಿ ಕಲಸಿ.
