Good Food | ಬೆಳಗ್ಗೆ ಬೆಳಗ್ಗೆ ಜಿಮ್ ಹೋಗಿ ಬಂದ್ಮೇಲೆ ನಿಮ್ಮ ಬ್ರೇಕ್ ಫಾಸ್ಟ್ ನಲ್ಲಿ ಈ ಆಹಾರಗಳು ಇರಲಿ
ಬೆಳಗ್ಗೆ ಜಿಮ್ಗೆ ಹೋಗಿ ವ್ಯಾಯಾಮ ಮಾಡಿದ ನಂತರ ದೇಹಕ್ಕೆ ಸರಿಯಾದ ಆಹಾರ ಕೊಡುವುದು ಬಹಳ ಮುಖ್ಯ. ವ್ಯಾಯಾಮದ ನಂತರ ಸ್ನಾಯುಗಳು ದಣಿದಿರುತ್ತವೆ, ಶಕ್ತಿ ಕಡಿಮೆಯಾಗಿರುತ್ತದೆ. ಈ ಸಮಯದಲ್ಲಿ ಸರಿಯಾದ ಬ್ರೇಕ್ಫಾಸ್ಟ್ ತೆಗೆದುಕೊಂಡರೆ ದೇಹ ಪುನಃ ಚುರುಕಾಗುತ್ತದೆ ಮತ್ತು ತೂಕ ನಿಯಂತ್ರಣಕ್ಕೂ ಸಹಾಯವಾಗುತ್ತದೆ.
ಮೊದಲು ಪ್ರೋಟೀನ್ ಇರುವ ಆಹಾರವನ್ನು ಸೇರಿಸಬೇಕು. ಹುರಿದ ಕಡಲೆ, ಹುರಿದ ಕಡಲೆಬೇಳೆ, ಮೊಟ್ಟೆ, ಚಿಕನ್, ಪನೀರ್, ಸೋಯಾ ಚುಂಕ್ಸ್, ಮೂಂಗ್ ಸ್ಪ್ರೌಟ್ಸ್ ತಿನ್ನುವುದು ಉತ್ತಮ. ಇದು ಸ್ನಾಯುಗಳ ಪುನರ್ ನಿರ್ಮಾಣಕ್ಕೆ ಸಹಾಯಕ.
ಅದರ ಜೊತೆಗೆ ಕಾರ್ಬೋಹೈಡ್ರೇಟ್ ಕೂಡ ಅಗತ್ಯ. ಹೀಗಾಗಿ ಸ್ವಲ್ಪ ಪ್ರಮಾಣದ ಓಟ್ಸ್, ರಾಗಿ ಮುದ್ದೆ ಅಥವಾ ಗೋಧಿ ಹಿಟ್ಟಿನ ತಿಂಡಿ, ಅಥವಾ ಅಕ್ಕಿಯಿಂದ ಮಾಡಿದ ತಿಂಡಿ ತಿಂದರೆ ದೇಹಕ್ಕೆ ಬೇಕಾದ ಶಕ್ತಿ ಸಿಗುತ್ತದೆ. ಇವು ನಿಧಾನವಾಗಿ ಜೀರ್ಣವಾಗುತ್ತವೆ, ಹೀಗಾಗಿ ಹೆಚ್ಚು ಹೊತ್ತಿಗೆ ಹೊಟ್ಟೆ ತುಂಬಿರುವ ಅನುಭವ ಕೊಡುತ್ತವೆ.
ಇದನ್ನೂ ಓದಿ:
ಹಣ್ಣುಗಳನ್ನು ಮಿಸ್ ಮಾಡಬೇಡಿ. ಬಾಳೆಹಣ್ಣು, ಸೇಬು ಅಥವಾ ಪಪ್ಪಾಯಿ ತಿಂದರೆ ದೇಹಕ್ಕೆ ನೈಸರ್ಗಿಕ ಸಕ್ಕರೆ ಮತ್ತು ವಿಟಮಿನ್ ಸಿಗುತ್ತದೆ. ವ್ಯಾಯಾಮದ ನಂತರ ತಕ್ಷಣ ಶಕ್ತಿ ಹೆಚ್ಚಿಸಲು ಇದು ಸಹಕಾರಿ.
ಡೈರಿ ಪದಾರ್ಥಗಳಲ್ಲಿ ಮೊಸರು ಅಥವಾ ಹಾಲು ಕೂಡ ಒಳ್ಳೆಯ ಆಯ್ಕೆ. ಇದು ದೇಹವನ್ನು ತಂಪಾಗಿಡುವುದರ ಜೊತೆಗೆ ಜೀರ್ಣಕ್ರಿಯೆಗೂ ಸಹಾಯ ಮಾಡುತ್ತದೆ.
ಕೊನೆಗೆ, ಸಾಕಷ್ಟು ನೀರು ಕುಡಿಯುವುದು ಮುಖ್ಯ. ವ್ಯಾಯಾಮದ ವೇಳೆ ಕಳೆದುಕೊಂಡ ನೀರನ್ನು ಮರಳಿ ಪಡೆಯಲು ಇದು ಅಗತ್ಯ. ಸರಿಯಾದ ಬ್ರೇಕ್ಫಾಸ್ಟ್ ತೆಗೆದುಕೊಂಡರೆ ನಿಮ್ಮ ಫಿಟ್ನೆಸ್ ಪ್ರಯಾಣ ಇನ್ನಷ್ಟು ಸುಲಭವಾಗುತ್ತದೆ.
