ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಉಸ್ತಾದ್ ಭಗತ್ ಸಿಂಗ್ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ನಿರೀಕ್ಷಿತ ಕಲೆಕ್ಷನ್ ಮಾಡದೇ ಹಿನ್ನಡೆ ಅನುಭವಿಸುತ್ತಿದೆ. ನಟ ಪವನ್ ಕಲ್ಯಾಣ್ ಅಭಿನಯದ ಈ ಸಿನಿಮಾ ಮೊದಲ ದಿನ ಉತ್ತಮ ಆರಂಭ ಪಡೆದರೂ, ನಂತರದ ದಿನಗಳಲ್ಲಿ ಗಳಿಕೆ ಕುಸಿತ ಕಂಡಿದೆ.
ಚಿತ್ರ ಮೊದಲ ದಿನವೇ ಸುಮಾರು 34 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು. ಆದರೆ ನಂತರದ ದಿನಗಳಲ್ಲಿ ಆದಾಯ ನಿರಂತರವಾಗಿ ಇಳಿಕೆಯಾಗಿದ್ದು, ಎರಡನೇ ಮತ್ತು ಮೂರನೇ ದಿನದಲ್ಲಿ ಸಿಂಗಲ್ ಡಿಜಿಟ್ ಗಳಿಕೆಗೆ ಸೀಮಿತವಾಗಿದೆ. ನಾಲ್ಕು ದಿನಗಳಲ್ಲಿ ಒಟ್ಟು 60 ಕೋಟಿ ರೂಪಾಯಿ ದಾಟಲು ಕೂಡ ಸಾಧ್ಯವಾಗಿಲ್ಲ ಎನ್ನಲಾಗಿದೆ.
ಇದನ್ನೂ ಓದಿ:
ಇದೇ ಸಮಯದಲ್ಲಿ ಬಿಡುಗಡೆಯಾದ ಧುರಂಧರ್ 2 ಸಿನಿಮಾ ದೇಶದಾದ್ಯಂತ ಉತ್ತಮ ಪ್ರತಿಕ್ರಿಯೆ ಪಡೆದು ಪ್ರಭಾವ ಬೀರುತ್ತಿದೆ. ಈ ಚಿತ್ರದ ಸ್ಪರ್ಧೆಯಿಂದ ‘ಉಸ್ತಾದ್ ಭಗತ್ ಸಿಂಗ್’ಗೆ ಹೊಡೆತ ಬಿದ್ದಿದೆ ಎನ್ನಲಾಗಿದೆ.
ಚಿತ್ರದ ಶೋಗಳ ಸಂಖ್ಯೆಯೂ ದಿನದಿಂದ ದಿನಕ್ಕೆ ಕಡಿಮೆಯಾಗುತ್ತಿದ್ದು, ಮೊದಲ ದಿನ 4,600ಕ್ಕೂ ಹೆಚ್ಚು ಶೋಗಳಿದ್ದರೆ, ನಾಲ್ಕನೇ ದಿನಕ್ಕೆ ಇದು ಸುಮಾರು 3,200ಕ್ಕೆ ಇಳಿದಿದೆ.
ಈ ಹಿಂದೆ ಬಿಡುಗಡೆಯಾಗಿ ವಿಫಲವಾದ ಹರಿ ಹರ ವೀರ ಮಲ್ಲು ಚಿತ್ರಕ್ಕಿಂತಲೂ ಈ ಚಿತ್ರದ ಸ್ಥಿತಿ ಹೀನಾಯವಾಗಿದೆ ಎಂದು ಹೇಳಲಾಗುತ್ತಿದೆ.
