ವರ್ಕ್ಔಟ್ ಶುರು ಮಾಡಿದಾಗ ಮೊದಲ 10 ನಿಮಿಷದಲ್ಲೇ ಸಾಕು ಅನಿಸಿಬಿಡುತ್ತೆ. ದೇಹಕ್ಕಿಂತ ಮನಸ್ಸೇ ಬೇಗ ಆಯಾಸಗೊಳ್ಳುತ್ತದೆ. ಆದರೆ ಕೆಲವು ಸರಳ ಅಭ್ಯಾಸಗಳನ್ನು ಅಳವಡಿಸಿಕೊಂಡರೆ, ವರ್ಕ್ಔಟ್ ವೇಳೆ ಆಯಾಸ ಕಡಿಮೆ ಆಗಿ ಎನರ್ಜಿ ಹೆಚ್ಚಾಗುತ್ತದೆ.
*ಸರಿಯಾದ ವಾರ್ಮ್ ಅಪ್ ಮಾಡಲೇಬೇಕು: ವರ್ಕ್ಔಟ್ಗೆ ಮುನ್ನ 5-10 ನಿಮಿಷ ವಾರ್ಮ್ ಅಪ್ ಮಾಡಿದರೆ ದೇಹ ತಕ್ಷಣ ಆಕ್ಟಿವ್ ಆಗುತ್ತದೆ. ಇದು ಮಾಂಸಪೇಶಿಗಳಿಗೆ ರಕ್ತ ಪ್ರವಾಹ ಹೆಚ್ಚಿಸಿ ಆಯಾಸವನ್ನು ಕಡಿಮೆ ಮಾಡುತ್ತದೆ.
*ನೀರು ಕುಡಿಯುವುದನ್ನು ಮರೆಯಬೇಡಿ: ಡಿಹೈಡ್ರೇಷನ್ ಆಯಾಸದ ಮುಖ್ಯ ಕಾರಣ. ವರ್ಕ್ಔಟ್ ಮುನ್ನ ಮತ್ತು ಮಧ್ಯದಲ್ಲಿ ಸ್ವಲ್ಪ ಸ್ವಲ್ಪವಾಗಿ ನೀರು ಕುಡಿಯುವುದರಿಂದ ಎನರ್ಜಿ ಲೆವೆಲ್ ಕಾಪಾಡಿಕೊಳ್ಳಬಹುದು.
*ಲೈಟ್ ಫುಡ್ ತಿನ್ನಿ: ಖಾಲಿ ಹೊಟ್ಟೆಯಲ್ಲಿ ವರ್ಕ್ಔಟ್ ಮಾಡಿದರೆ ಬೇಗ ಆಯಾಸವಾಗುತ್ತದೆ. ಹೀಗಾಗಿ ಮೊದಲು ಬಾಳೆಹಣ್ಣು ಅಥವಾ ಲೈಟ್ ಸ್ನಾಕ್ ತೆಗೆದುಕೊಳ್ಳುವುದು ಉತ್ತಮ.
ಇದನ್ನೂ ಓದಿ:
*ಬ್ರೇಕ್ ತೆಗೆದುಕೊಳ್ಳಿ: ನಿರಂತರವಾಗಿ ವ್ಯಾಯಾಮ ಮಾಡುವುದಕ್ಕಿಂತ ಮಧ್ಯೆ ಸ್ವಲ್ಪ ವಿಶ್ರಾಂತಿ ತೆಗೆದುಕೊಳ್ಳುವುದು ದೇಹಕ್ಕೆ ಸಹಾಯ ಮಾಡುತ್ತದೆ. ಇದರಿಂದ ಸ್ಟಾಮಿನಾ ಹೆಚ್ಚುತ್ತದೆ.
*ಉಸಿರಾಟದ ಮೇಲೆ ಗಮನ ಕೊಡಿ: ಸರಿಯಾದ ಉಸಿರಾಟ ಕ್ರಮ ಪಾಲಿಸಿದರೆ ದೇಹಕ್ಕೆ ಹೆಚ್ಚು ಆಮ್ಲಜನಕ ಸಿಗುತ್ತದೆ. ಇದರಿಂದ ಆಯಾಸ ಕಡಿಮೆ ಆಗಿ ಹೆಚ್ಚು ಸಮಯ ವ್ಯಾಯಾಮ ಮಾಡಬಹುದು.
*ಮನಸ್ಸನ್ನು ಪ್ರೇರೇಪಿಸಿ: ಮ್ಯೂಸಿಕ್ ಕೇಳುತ್ತಾ ಅಥವಾ ಗುರಿ ಇಟ್ಟುಕೊಂಡು ವರ್ಕ್ಔಟ್ ಮಾಡಿದರೆ ಆಯಾಸ ಅನ್ನಿಸುವುದು ಕಡಿಮೆ. ಮನಸ್ಸು ಖುಷಿಯಾಗಿದ್ದರೆ ದೇಹವೂ ಸಹಕರಿಸುತ್ತದೆ.
ಸಣ್ಣ ಬದಲಾವಣೆಗಳು ನಿಮ್ಮ ಫಿಟ್ನೆಸ್ ಪ್ರಯಾಣವನ್ನು ಸುಲಭವಾಗಿಸುತ್ತವೆ. ಪ್ರತಿದಿನ consistency ಇರೋದಷ್ಟೇ ಮುಖ್ಯ!
