ಹೊಸದಿಗಂತ ಡಿಜಿಟಲ್ ಡೆಸ್ಕ್:
ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ದಕ್ಷಿಣ ಭಾರತದ ಚಿತ್ರರಂಗದ ಅತ್ಯಂತ ಜನಪ್ರಿಯ ಜೋಡಿಯಾಗಿದೆ. ಮೇ 9 ರಂದು ವಿಜಯ್ ಅವರ 37ನೇ ಹುಟ್ಟುಹಬ್ಬದ ಸಂದರ್ಭದಲ್ಲಿ ರಶ್ಮಿಕಾ ಮಂದಣ್ಣ, ವಿಜಯ್ನನ್ನು ಅತ್ಯಂತ ಪ್ರೀತಿಯಿಂದ “ನನ್ನ ಗಂಡ” ಎಂದು ಸಂಬೋಧಿಸಿ, ತಮ್ಮ ದಿನವಿಡೀ ಆಚರಣೆಯ ಅಪರೂಪದ ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ವಿಜಯ್ಗೆ ಈ ವರ್ಷದ ಹುಟ್ಟುಹಬ್ಬ ಸ್ವಲ್ಪ ವಿಶೇಷವಾಗಿದೆ. ಈ ಸಂಭ್ರಮದಲ್ಲಿ, ವಿಜಯ್ ತಂದೆ ಮತ್ತು ರಶ್ಮಿಕಾ ಸಹೋದರಿ ಶಿಮ್ಮು ಭಾಗವಹಿಸಿದ್ದರು.
ಬಳಿಕ ದಂಪತಿಗಳು ತಮ್ಮ ಹೈದರಾಬಾದ್ ನಿವಾಸದ ಬಾಲ್ಕನಿಯಲ್ಲಿ ಹೊರಗೆ ನಿಂತು ಅಭಿಮಾನಿಗಳತ್ತ ಕೈ ಬೀಸಿದರು.ನಂತರ ವಿಜಯ್ ದೇವರಕೊಂಡ ತಮ್ಮ ಅಭಿಮಾನಿಗಳೊಂದಿಗೆ ಕೇಕ್ ಕತ್ತರಿಸಿ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುವ ಮೂಲಕ ಅವರೊಂದಿಗೆ ಸಮಯ ಕೆಳೆದಿದ್ದಾರೆ.
ಈ ಸಂತೋಷದ ನಡುವೆಯೇ, ಈ ದಂಪತಿ ಮುಂಬರುವ ಬಿಗ್ ಬಜೆಟ್ ಚಿತ್ರ ‘ರಣಬಾಲಿ’ ಮೂಲಕ ಮತ್ತೊಮ್ಮೆ ಬೆಳ್ಳಿ ಪರದೆಯ ಮೇಲೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ರಾಹುಲ್ ಸಂಕೃತ್ಯನ್ ನಿರ್ದೇಶನದ ಈ ಆಕ್ಷನ್ ಡ್ರಾಮಾ ಸಿನಿಮಾದಲ್ಲಿ ವಿಜಯ್ ದೇವರಕೊಂಡ ಭೀಕರ ಸ್ವಾತಂತ್ರ್ಯ ಹೋರಾಟಗಾರನಾಗಿ ನಟಿಸಿದ್ದು, ಈ ಚಿತ್ರವು ಇದೇ ವರ್ಷ ಸೆಪ್ಟೆಂಬರ್ 11ರಂದು ತೆರೆಕಾಣಲು ಸಿದ್ಧವಾಗಿದೆ.
