ಸಾಮಾನ್ಯವಾಗಿ ಎಲ್ಲರೂ ಅಧಿಕ ರಕ್ತದೊತ್ತಡದ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳುತ್ತಾರೆ, ಆದರೆ ಕಡಿಮೆ ರಕ್ತದೊತ್ತಡ ಕೂಡ ಅಷ್ಟೇ ಗಮನ ಹರಿಸಬೇಕಾದ ಆರೋಗ್ಯ ಸಮಸ್ಯೆಯಾಗಿದೆ. ದೇಹದಲ್ಲಿ ರಕ್ತದೊತ್ತಡವು ಸಾಮಾನ್ಯ ಮಟ್ಟಕ್ಕಿಂತ ಗಮನಾರ್ಹವಾಗಿ ಕಡಿಮೆಯಾದಾಗ ಮೆದುಳು ಮತ್ತು ಇತರ ಪ್ರಮುಖ ಅಂಗಗಳಿಗೆ ಸರಿಯಾಗಿ ರಕ್ತ ಪರಿಚಲನೆ ಆಗುವುದಿಲ್ಲ. ಇದರಿಂದಾಗಿ ತಲೆಸುತ್ತು, ಕಣ್ಣು ಕತ್ತಲು ಬರುವುದು, ತಲೆ ಹಗುರಾಗುವುದು ಮತ್ತು ತೀವ್ರ ನಿಶ್ಯಕ್ತಿಯಂತಹ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ.
ಹೆಚ್ಚಿನ ಸಂದರ್ಭಗಳಲ್ಲಿ, ಸರಿಯಾದ ದ್ರವಾಹಾರ ಸೇವನೆ, ಸೂಕ್ತ ಆಹಾರ ಪದ್ಧತಿ ಮತ್ತು ದೈನಂದಿನ ಜೀವನಶೈಲಿಯಲ್ಲಿ ಸಣ್ಣಪುಟ್ಟ ಬದಲಾವಣೆಗಳನ್ನು ಮಾಡಿಕೊಳ್ಳುವ ಮೂಲಕ ಕಡಿಮೆ ರಕ್ತದೊತ್ತಡವನ್ನು ಸುಲಭವಾಗಿ ನಿಯಂತ್ರಣದಲ್ಲಿಡಬಹುದು. ಲೋ ಬಿಪಿ ಸಮಸ್ಯೆಗೆ ತಕ್ಷಣದ ಪರಿಹಾರಗಳು ಮತ್ತು ಅನುಸರಿಸಬೇಕಾದ ಸರಳ ಜೀವನಶೈಲಿ ಕ್ರಮಗಳು ಇಲ್ಲಿವೆ.
ಕಡಿಮೆ ರಕ್ತದೊತ್ತಡವನ್ನು (ಹೈಪೋಟೆನ್ಷನ್) ನಿಯಂತ್ರಿಸಲು, ಸಾಕಷ್ಟು ಪ್ರಮಾಣದಲ್ಲಿ ದ್ರವಾಹಾರಗಳನ್ನು (ನೀರು ಅಥವಾ ಒಆರ್ಎಸ್) ಸೇವಿಸಬೇಕು. ವೈದ್ಯರು ಅನುಮತಿ ನೀಡಿದರೆ ಆಹಾರದಲ್ಲಿ ಸೋಡಿಯಂ (ಉಪ್ಪು) ಪ್ರಮಾಣವನ್ನು ಸ್ವಲ್ಪ ಹೆಚ್ಚಿಸಬಹುದು.
ನೀರು, ಸ್ಪೋರ್ಟ್ಸ್ ಜ್ಯೂಸ್ ಅಥವಾ ಉಪ್ಪು ಮತ್ತು ಸಕ್ಕರೆ ಬೆರೆಸಿದ ನಿಂಬೆ ಹಣ್ಣಿನ ರಸವನ್ನು ಸ್ವಲ್ಪ ಸ್ವಲ್ಪವೇ ಕುಡಿಯಬೇಕು.
ದೇಹದಲ್ಲಿ ನೀರಿನಂಶವನ್ನು ಉಳಿಸಿಕೊಳ್ಳಲು ಉಪ್ಪು ಹಾಕಿದ ಒಣಹಣ್ಣುಗಳು (Nuts), ಸೂಪ್ ಅಥವಾ ಉಪ್ಪಿನಾಂಶವಿರುವ ತಿಂಡಿಗಳನ್ನು ತಿನ್ನಬೇಕು.
ಇಂತಹ ಸಂಧರ್ಭದಲ್ಲಿ ತಕ್ಷಣವೇ ಕುಳಿತುಕೊಳ್ಳಬೇಕು ಅಥವಾ ಮಲಗಿಕೊಳ್ಳಬೇಕು ಮತ್ತು ಮೆದುಳಿಗೆ ರಕ್ತ ಪರಿಚಲನೆಯನ್ನು ನೀಡಲು ಕಾಲುಗಳನ್ನು ಸ್ವಲ್ಪ ಎತ್ತರದಲ್ಲಿಡಬೇಕು
ಒಂದು ವೇಳೆ ನಿಂತಿದ್ದರೆ, ಎರಡೂ ತೊಡೆಗಳನ್ನು ಕತ್ತರಿಯಂತೆ ಬಿಗಿಯಾಗಿ ಕ್ರಾಸ್ ಮಾಡಿ ಒತ್ತಬೇಕು, ಅಥವಾ ಒಂದು ಕಾಲನ್ನು ಕುರ್ಚಿಯ ಮೇಲಿಟ್ಟು ಮುಂದಕ್ಕೆ ಬಾಗಬೇಕು. ಇದು ಕಾಲುಗಳಿಂದ ಮೇಲ್ಭಾಗಕ್ಕೆ ರಕ್ತದ ಹರಿವನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ.
ರಕ್ತದ ಪ್ರಮಾಣವನ್ನು ಸರಿಯಾಗಿ ಕಾಯ್ದುಕೊಳ್ಳಲು ಪ್ರತಿದಿನ 8 ರಿಂದ 10 ಲೋಟ ನೀರು ಕುಡಿಯಬೇಕು.
ಹಾಸಿಗೆಯಿಂದ ಏಳುವ ಮುನ್ನ ಕೆಲವು ಕ್ಷಣಗಳ ಕಾಲ ಹಾಸಿಗೆಯ ತುದಿಯಲ್ಲಿ ಕಾಲುಗಳನ್ನು ಕೆಳಗೆ ಹಾಕಿ ಕುಳಿತುಕೊಂಡು, ನಂತರ ನಿಧಾನವಾಗಿ ಎದ್ದು ನಿಲ್ಲಬೇಕು.
ಕಾರ್ಬೋಹೈಡ್ರೇಟ್ ಹೆಚ್ಚಿರುವ ಊಟವು ರಕ್ತದೊತ್ತಡವನ್ನು ಇದ್ದಕ್ಕಿದ್ದಂತೆ ಕುಸಿಯುವಂತೆ ಮಾಡುತ್ತದೆ. ಆದ್ದರಿಂದ ದಿನವಿಡೀ ಸಣ್ಣ ಪ್ರಮಾಣದ, ಸಮತೋಲಿತ ಆಹಾರವನ್ನು ಸೇವಿಸಬೇಕು.
ಕಾಲುಗಳಲ್ಲಿ ರಕ್ತವು ಒಂದೇ ಕಡೆ ಸಂಗ್ರಹವಾಗುವುದನ್ನು ತಡೆಯಲು ಬಿಗಿಯಾದ ಸಪೋರ್ಟಿವ್ ಸಾಕ್ಸ್ಗಳನ್ನು ಧರಿಸಬೇಕು.
