ಅಡುಗೆ ಮನೆ ಎಷ್ಟು ಸುಂದರವಾಗಿರುತ್ತದೆಯೋ, ಅಷ್ಟೇ ಜಾಗರೂಕತೆಯಿಂದ ಇರಬೇಕು. ಗ್ಯಾಸ್ ಸ್ಟೌವ್ ಬಳಸುವಾಗ ಸಣ್ಣ ನಿರ್ಲಕ್ಷ್ಯವೂ ದೊಡ್ಡ ಅವಘಡಕ್ಕೆ ಕಾರಣವಾಗಬಹುದು. ಸುರಕ್ಷತೆಯ ದೃಷ್ಟಿಯಿಂದ ಗ್ಯಾಸ್ ಒಲೆಯ ಪಕ್ಕದಲ್ಲಿ ಈ ಕೆಳಗಿನ ವಸ್ತುಗಳನ್ನು ಎಂದಿಗೂ ಇಡಬಾರದು:
ಪ್ಲಾಸ್ಟಿಕ್ ಡಬ್ಬಗಳು ಮತ್ತು ಸಾಮಗ್ರಿಗಳು: ಗ್ಯಾಸ್ ಒಲೆಯ ಶಾಖಕ್ಕೆ ಪ್ಲಾಸ್ಟಿಕ್ ವಸ್ತುಗಳು ಸುಲಭವಾಗಿ ಕರಗುತ್ತವೆ. ಇದರಿಂದ ವಿಷಕಾರಿ ಅನಿಲ ಬಿಡುಗಡೆಯಾಗುವುದಲ್ಲದೆ, ಬೆಂಕಿ ಹೊತ್ತಿಕೊಳ್ಳುವ ಅಪಾಯವಿರುತ್ತದೆ.
ಅಡುಗೆ ಎಣ್ಣೆ: ಒಲೆಯ ತೀರಾ ಹತ್ತಿರ ಎಣ್ಣೆಯ ಬಾಟಲಿ ಅಥವಾ ಪ್ಯಾಕೆಟ್ಗಳನ್ನು ಇಡಬೇಡಿ. ಅತಿಯಾದ ಶಾಖಕ್ಕೆ ಎಣ್ಣೆ ಬೇಗನೆ ಕಾಯ್ದು, ಸಣ್ಣ ಕಿಡಿ ಬಿದ್ದರೂ ದೊಡ್ಡ ಮಟ್ಟದಲ್ಲಿ ಬೆಂಕಿ ವ್ಯಾಪಿಸಬಹುದು.
ಮೊಬೈಲ್ ಫೋನ್ಗಳು ಮತ್ತು ಎಲೆಕ್ಟ್ರಾನಿಕ್ಸ್: ಅಡುಗೆ ಮಾಡುವಾಗ ಗ್ಯಾಸ್ ಪಕ್ಕದಲ್ಲಿ ಮೊಬೈಲ್ ಇಡುವ ಅಭ್ಯಾಸ ನಿಮಗಿದ್ದರೆ ಇಂದೇ ಬದಲಾಯಿಸಿಕೊಳ್ಳಿ. ಸ್ಟೌವ್ ಶಾಖಕ್ಕೆ ಮೊಬೈಲ್ ಬ್ಯಾಟರಿ ಬಿಸಿಯಾಗಿ ಸ್ಫೋಟಗೊಳ್ಳುವ ಸಾಧ್ಯತೆ ಇರುತ್ತದೆ.
ಸ್ಯಾನಿಟೈಸರ್ ಮತ್ತು ಸ್ಪ್ರೇಗಳು: ಹ್ಯಾಂಡ್ ಸ್ಯಾನಿಟೈಸರ್, ಬಾಡಿ ಸ್ಪ್ರೇ ಅಥವಾ ಕೀಟನಾಶಕ ಸ್ಪ್ರೇಗಳಲ್ಲಿ ಆಲ್ಕೋಹಾಲ್ ಅಂಶ ಇರುತ್ತದೆ. ಇವು ಅತಿ ಶೀಘ್ರವಾಗಿ ಬೆಂಕಿ ಇಟ್ಟುಕೊಳ್ಳುವ ಗುಣ ಹೊಂದಿದ್ದು, ಒಲೆಯ ಪಕ್ಕ ಇಡುವುದು ತೀರಾ ಅಪಾಯಕಾರಿ.
ಬಟ್ಟೆಗಳು ಮತ್ತು ಪೇಪರ್: ಅಡುಗೆ ಮನೆ ಒರೆಸುವ ಬಟ್ಟೆಗಳು, ಕೈಗವಸುಗಳು ಅಥವಾ ಪೇಪರ್ ಟವೆಲ್ಗಳನ್ನು ಒಲೆಯ ಪಕ್ಕದಲ್ಲಿ ಇಡಬೇಡಿ. ಗಾಳಿಗೆ ಇವು ಒಲೆಯ ಮೇಲಕ್ಕೆ ಬಿದ್ದರೆ ತಕ್ಷಣವೇ ಬೆಂಕಿ ಹೊತ್ತಿಕೊಳ್ಳುತ್ತದೆ.
ನೆನಪಿರಲಿ, ಅಡುಗೆ ಮನೆಯ ಸುರಕ್ಷತೆ ನಿಮ್ಮ ಕೈಯಲ್ಲಿದೆ. ಗ್ಯಾಸ್ ಸ್ಟೌವ್ ಸುತ್ತಲೂ ಕನಿಷ್ಠ ಒಂದು ಅಡಿಯಷ್ಟು ಜಾಗವನ್ನು ಯಾವಾಗಲೂ ಖಾಲಿ ಮತ್ತು ಸ್ವಚ್ಛವಾಗಿಡಿ.
