ಇತ್ತೀಚಿನ ಆಧುನಿಕ ಜೀವನಶೈಲಿಯಲ್ಲಿ ವಯಸ್ಸಿನ ಭೇದವಿಲ್ಲದೆ ಅನೇಕರನ್ನು ಕಾಡುತ್ತಿರುವ ಸಾಮಾನ್ಯ ಸೌಂದರ್ಯ ಸಮಸ್ಯೆ ಎಂದರೆ ಕಣ್ಣಿನ ಕೆಳಗಿನ ಕಪ್ಪು ವರ್ತುಲಗಳು ಅಥವಾ ಡಾರ್ಕ್ ಸರ್ಕಲ್ಸ್. ಇದು ಮುಖದ ಒಟ್ಟಾರೆ ಕಾಂತಿಯನ್ನು ಕುಂದಿಸುವುದಲ್ಲದೆ, ನೀವು ಸದಾ ಸುಸ್ತಾಗಿರುವಂತೆ ಮತ್ತು ವಯಸ್ಸಾದವರಂತೆ ಕಾಣುವಂತೆ ಮಾಡುತ್ತದೆ. ಮಾರುಕಟ್ಟೆಯಲ್ಲಿ ಸಿಗುವ ದುಬಾರಿ ಕೆಮಿಕಲ್ ಕ್ರೀಮ್ಗಳಿಗಿಂತ, ಅಡುಗೆಮನೆಯಲ್ಲಿ ಸಿಗುವ ನೈಸರ್ಗಿಕ ಪದಾರ್ಥಗಳನ್ನು ಬಳಸಿಕೊಂಡು ಕಣ್ಣಿನ ಕೆಳಗಿನ ಕಪ್ಪು ಕಲೆಗಳನ್ನು ಶಾಶ್ವತವಾಗಿ ನಿವಾರಿಸಬಹುದು.
ಕಪ್ಪು ವರ್ತುಲಗಳ ನಿವಾರಣೆಗೆ 5 ಪ್ರಮುಖ ಮನೆಮದ್ದುಗಳು
ಆಲೂಗಡ್ಡೆ ರಸದ ಅದ್ಭುತ ಚಮತ್ಕಾರ
ಆಲೂಗಡ್ಡೆಯಲ್ಲಿ ನೈಸರ್ಗಿಕ ಬ್ಲೀಚಿಂಗ್ ಗುಣಗಳಿವೆ. ಇದು ಕಣ್ಣಿನ ಸುತ್ತಲಿನ ಕಪ್ಪು ಕಲೆಗಳನ್ನು ತಿಳಿಗೊಳಿಸಲು ಸಹಾಯ ಮಾಡುತ್ತದೆ. ಹಸಿ ಆಲೂಗಡ್ಡೆಯನ್ನು ತುರಿದು ಅದರ ರಸವನ್ನು ತೆಗೆದುಕೊಂಡು. ಹತ್ತಿ ಉಂಡೆಯನ್ನು ಈ ರಸದಲ್ಲಿ ಅದ್ದಿ ಕಣ್ಣುಗಳ ಮೇಲೆ 10–15 ನಿಮಿಷಗಳ ಕಾಲ ಇರಿಸಿ, ನಂತರ ತಣ್ಣೀರಿನಿಂದ ತೊಳೆಯಬೇಕು.
ಸೌತೆಕಾಯಿ ಸ್ಲೈಸ್ಗಳ ತಂಪು
ಸೌತೆಕಾಯಿಯು ಕಣ್ಣುಗಳಿಗೆ ತಂಪನ್ನು ನೀಡುವುದಲ್ಲದೆ ಚರ್ಮದ ಕಾಂತಿಯನ್ನು ಹೆಚ್ಚಿಸುತ್ತದೆ. ಸೌತೆಕಾಯಿಯನ್ನು ದಪ್ಪಗೆ ದುಂಡಾಗಿ ಕತ್ತರಿಸಿ, 10 ನಿಮಿಷಗಳ ಕಾಲ ಫ್ರಿಡ್ಜ್ನಲ್ಲಿ ಇಟ್ಟು. ನಂತರ ಆ ತಣ್ಣನೆಯ ಸೌತೆಕಾಯಿ ಚೂರುಗಳನ್ನು ಕಣ್ಣುಗಳ ಮೇಲೆ ಇಟ್ಟುಕೊಂಡು ವಿಶ್ರಾಂತಿ ಪಡೆಯಬೇಕು.
ಗ್ರೀನ್ ಟೀ ಬ್ಯಾಗ್ಗಳ ಮರುಬಳಕೆ
ಗ್ರೀನ್ ಟೀಯಲ್ಲಿರುವ ಆಂಟಿ-ಆಕ್ಸಿಡೆಂಟ್ಗಳು ಮತ್ತು ಕೆಫೀನ್ ಅಂಶವು ಕಣ್ಣಿನ ಕೆಳಗಿನ ಕಪ್ಪು ಕಲೆ ಹಾಗೂ ಊತವನ್ನು ಕಡಿಮೆ ಮಾಡುತ್ತದೆ. ಬಳಸಿದ ಗ್ರೀನ್ ಟೀ ಬ್ಯಾಗ್ಗಳನ್ನು ಫ್ರಿಡ್ಜ್ನಲ್ಲಿಟ್ಟು ತಂಪು ಮಾಡಿಕೊಂಡು. ದಿನಕ್ಕೆ ಒಮ್ಮೆ 10 ನಿಮಿಷಗಳ ಕಾಲ ಇವುಗಳನ್ನು ಕಣ್ಣಿನ ಮೇಲಿಟ್ಟುಕೊಳ್ಳಬೇಕು.
ಬಾದಾಮಿ ಎಣ್ಣೆ ಮತ್ತು ವಿಟಮಿನ್ ಇ
ಬಾದಾಮಿ ಎಣ್ಣೆಯು ಕಣ್ಣಿನ ಸುತ್ತಲಿನ ಸೂಕ್ಷ್ಮ ಚರ್ಮವನ್ನು ಮೃದುಗೊಳಿಸುತ್ತದೆ ಮತ್ತು ಕಪ್ಪು ವರ್ತುಲಗಳನ್ನು ತಿಳಿಯಾಗಿಸುತ್ತದೆ. ರಾತ್ರಿ ಮಲಗುವ ಮುನ್ನ ಕೆಲವು ಹನಿ ಬಾದಾಮಿ ಎಣ್ಣೆಯನ್ನು ಕಣ್ಣಿನ ಸುತ್ತ ಹಚ್ಚಿ, ಕಿರುಬೆರಳಿನಿಂದ ಹಗುರವಾಗಿ ಮಸಾಜ್ ಮಾಡಿ. ರಾತ್ರಿಯಿಡೀ ಹಾಗೇ ಬಿಟ್ಟು ಬೆಳಿಗ್ಗೆ ತೊಳೆಯಬೇಕು.
ರೋಸ್ ವಾಟರ್ನ ನೈಸರ್ಗಿಕ ಟೋನರ್
ರೋಸ್ ವಾಟರ್ ಚರ್ಮವನ್ನು ಪುನಶ್ಚೇತನಗೊಳಿಸುತ್ತದೆ ಮತ್ತು ಕಣ್ಣಿನ ದಣಿವನ್ನು ನಿವಾರಿಸುತ್ತದೆ. ಹತ್ತಿಯ ಪ್ಯಾಡ್ಗಳನ್ನು ರೋಸ್ ವಾಟರ್ನಲ್ಲಿ ನೆನೆಸಿ ಕಣ್ಣುಗಳ ಮೇಲೆ 15 ನಿಮಿಷಗಳ ಕಾಲ ಇರಿಸಿ. ಇದನ್ನು ಪ್ರತಿದಿನ ಮಾಡುವುದರಿಂದ ತ್ವರಿತ ಬದಲಾವಣೆ ಕಾಣಬಹುದು.
