ಮದುವೆ ಎನ್ನುವುದು ಜೀವನದ ಅತ್ಯಂತ ಮಹತ್ವದ ತಿರುವಿನ ಘಟ್ಟ. ಈ ಸಂಬಂಧ, ಜೀವನ ಸಂಗಾತಿಯನ್ನು ಆಯ್ಕೆ ಮಾಡುವ ಸಂದರ್ಭದಲ್ಲಿ ಹಲವು ವಿಷಯಗಳನ್ನು ಗಮನಿಸುವುದು ಅತ್ಯವಶ್ಯಕ. ಜೀವನದ ಸುಖ-ದುಃಖಗಳಲ್ಲಿ ನಿಮ್ಮೊಂದಿಗೆ ನಿಂತು ಬೆಂಬಲ ನೀಡುವ, ನಿಮ್ಮ ಆಸೆ-ಅಕಾಂಕ್ಷೆಗಳಿಗೆ ಪ್ರಾಮಾಣಿಕವಾಗಿ ಬೆಂಬಲವಾಗುವ ವ್ಯಕ್ತಿಯನ್ನು ಆಯ್ಕೆ ಮಾಡುವುದು ಜೀವನ ಸುಖಕರವಾಗಲು ಸಹಾಯಕ.
ಮೊದಲು, ಸಂಗಾತಿ ನಿಮ್ಮನ್ನು ಖುಷಿಯಾಗಿ ನೋಡಿಕೊಳ್ಳಲು ಸಿದ್ಧನಾಗಿರುವುದೇ ಎಂಬುದನ್ನು ಪರಿಶೀಲಿಸಬೇಕು. ಸ್ನೇಹ ಅಥವಾ ಪ್ರೇಮ ಸಂಬಂಧದಲ್ಲಿಯೂ ಸಹ ಬದುಕುವ ಶೈಲಿ ವೈವಾಹಿಕ ಜೀವನದಲ್ಲಿ ಬದಲಾಗುತ್ತದೆ. ಹೀಗಾಗಿ, ಜೀವನದ ಹೊಣೆಗಾರಿಕೆಗಳ ನಡುವೆ ನಿಮ್ಮನ್ನು ಸಂತೋಷದಿಂದ ನೋಡಿಕೊಳ್ಳುವ ವ್ಯಕ್ತಿಯೇ ಯೋಗ್ಯ.
ನಂಬಿಕೆ ಮತ್ತು ಪ್ರಾಮಾಣಿಕತೆಯೂ ಅತ್ಯಂತ ಪ್ರಮುಖ. ವೈವಾಹಿಕ ಜೀವನದಲ್ಲಿ ಪರಸ್ಪರ ನಂಬಿಕೆ ಇರಬೇಕೆಂದರೆ, ಸಂಗಾತಿಯು ನಂಬಿಕೆಗೆ ಅರ್ಹವೋ, ಪ್ರಾಮಾಣಿಕನೋ ಎಂಬುದನ್ನು ಮೊದಲೇ ಖಚಿತಪಡಿಸಿಕೊಳ್ಳಬೇಕು. ಪ್ರಾಮಾಣಿಕ ವ್ಯಕ್ತಿಯೊಂದಿಗೆ ದಾಂಪತ್ಯ ಜೀವನವು ಸ್ಥಿರವಾಗಿರುತ್ತದೆ.
ಮತ್ತೊಂದು ಮುಖ್ಯ ಗುಣವೆಂದರೆ ಬೆಂಬಲ. ಜೀವನದಲ್ಲಿ ಪ್ರತಿಯೊಬ್ಬರಿಗೂ ನೆರವು, ಸಹಕಾರ ಬೇಕಾಗುತ್ತದೆ. ಸಣ್ಣ ವಿಷಯಗಳಲ್ಲಿಯೂ ಸಹ ಸಂಗಾತಿಯು ಬೆಂಬಲ ನೀಡುತ್ತಾರೆಯೇ ಎಂಬುದನ್ನು ಗಮನಿಸುವುದು ಮುಖ್ಯ.
ಇಬ್ಬರ ಜೀವನ ಗುರಿಗಳು, ಆಕಾಂಕ್ಷೆಗಳು ಒಂದೇ ಆಗಿದ್ದರೆ ದಾಂಪತ್ಯ ಜೀವನದಲ್ಲಿ ವೈಮನಸ್ಸು ಕಡಿಮೆಯಾಗುತ್ತದೆ. ಸ್ವಂತ ಮನೆ, ಉಳಿತಾಯ, ಹೂಡಿಕೆ ಇತ್ಯಾದಿ ಉದ್ದೇಶಗಳಲ್ಲಿ ಇಬ್ಬರೂ ಒಂದೇ ದೃಷ್ಟಿಕೋನ ಹೊಂದಿದರೆ, ಜೀವನ ಸಂಗಾತಿಯಾಗಿ ಆಯ್ಕೆ ಮಾಡಲು ಇದು ಉತ್ತಮ ಸೂಚನೆ.
