ಹೊಸದಿಗಂತ ಡಿಜಿಟಲ್ ಡೆಸ್ಕ್:
ತಮಿಳುನಾಡು ರಾಜಕೀಯ ಪ್ರವೇಶಿಸಿದ ನಟ ವಿಜಯ್ ಅವರ ಸಭಾ ಭಾಷಣದ ಕುರಿತು ಹಿರಿಯ ನಟ ಪ್ರಕಾಶ್ ರೈ ಬಹಿರಂಗವಾಗಿ ಟೀಕೆ ಮಾಡಿದ್ದರು. ವಿಜಯ್ ಅವರ ಹಳೆಯ ‘ಗಿಲ್ಲಿ’ ಚಿತ್ರದ ಪ್ರಸಿದ್ಧ ‘ಚೆಲ್ಲಂ’ ಪದವನ್ನೇ ಬಳಸಿ, ಪ್ರಕಾಶ್ ರೈ ಸಾಮಾಜಿಕ ಜಾಲತಾಣದಲ್ಲಿ ಹೀಯಾಳಿಸಿ ಪೋಸ್ಟ್ ಮಾಡಿದ್ದರು.
‘ಜನ ನಾಯಗನ್’ ಸೆಟ್ನಲ್ಲಿ ಹೆದರಿದ್ದ ನಿರ್ದೇಶಕ
ಈ ಘಟನೆಯ ಮರುದಿನವೇ ಎಚ್. ವಿನೋದ್ ನಿರ್ದೇಶನದ ‘ಜನ ನಾಯಗನ್’ ಚಿತ್ರೀಕರಣದಲ್ಲಿ ವಿಜಯ್ ಹಾಗೂ ಪ್ರಕಾಶ್ ರೈ ಒಂದೇ ದೃಶ್ಯದಲ್ಲಿ ನಟಿಸಬೇಕಿತ್ತು. ಶೂಟಿಂಗ್ ಸೆಟ್ನಲ್ಲಿ ಇಬ್ಬರ ನಡುವೆ ಬಿಗುವಿನ ವಾತಾವರಣ ಅಥವಾ ಗಲಾಟೆ ಉಂಟಾಗಬಹುದು ಎಂದು ಭಾವಿಸಿ ನಿರ್ದೇಶಕ ವಿನೋದ್ ತೀವ್ರ ಆತಂಕಗೊಂಡಿದ್ದರು.
ವೃತ್ತಿಪರತೆ ಮತ್ತು ಮುಗುಳುನಗೆ
ಚಿತ್ರೀಕರಣದ ಸ್ಥಳಕ್ಕೆ ನಟರಿಬ್ಬರೂ ಆಗಮಿಸುತ್ತಿದ್ದಂತೆ ಪರಿಸ್ಥಿತಿ ಸಂಪೂರ್ಣ ಬದಲಾಯಿತು. ಪ್ರಕಾಶ್ ರೈ ಮತ್ತು ವಿಜಯ್ ಯಾವುದೇ ಮನಸ್ತಾಪವಿಲ್ಲದೆ ಪರಸ್ಪರ ಹಸನ್ಮುಖಿಯಾಗಿ ಶುಭಾಶಯ ವಿನಿಮಯ ಮಾಡಿಕೊಂಡರು. ‘ಚೆಲ್ಲಂ’ ಎಂದು ಪ್ರೀತಿಯಿಂದಲೇ ಮಾತನಾಡಿಸುತ್ತಾ, ತಮಾಷೆ ಮಾಡುತ್ತಾ ಯಾವುದೇ ಹಿಂಜರಿಕೆಯಿಲ್ಲದೆ ಶೂಟಿಂಗ್ನಲ್ಲಿ ಭಾಗವಹಿಸಿದರು.
ಸಿನಿಮಾ ಹಾಗೂ ರಾಜಕೀಯ ಭಿನ್ನ
ರಾಜಕೀಯ ಸಿದ್ಧಾಂತಗಳು ಏನೇ ಇದ್ದರೂ ವೃತ್ತಿಪರ ಸಿನಿಮಾ ಸಂಬಂಧಕ್ಕೆ ಅದು ಅಡ್ಡಿಯಾಗುವುದಿಲ್ಲ ಎಂಬುದನ್ನು ಈ ನಟರು ನಿರೂಪಿಸಿದರು. ಇಬ್ಬರ ನಡುವಿನ ಈ ಬಾಂಧವ್ಯ ಸಿನಿಮಾ ತಂಡಕ್ಕೆ ನಿರಾಳತೆ ನೀಡಿತು.
