ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ಪಾಕಿಸ್ತಾನಿ ನಟ ಫಹಾದ್ ಖಾನ್ ನಟಿಸಿರುವ ಭಾರತದ ಸಿನಿಮಾ ‘ಅಬಿರ್ ಗುಲಾಲ್’ ಸಿನಿಮಾದ ಬಿಡುಗಡೆಗೆ ಅವಕಾಶ ನೀಡುವುದಿಲ್ಲ ಎಂದು ಮಾಹಿತಿ ಮತ್ತು ಪ್ರಸಾರ ಖಾತೆ ಇಲಾಖೆ ಈಗಾಗಲೇ ಹೇಳಿದರು. ಇದು ಚಿತ್ರತಂಡಕ್ಕೆ ಭಾರಿ ದೊಡ್ಡ ಪೆಟ್ಟು ನೀಡಿದೆ. ಇದೀಗ ಈ ಸಿನಿಮಾ ಅನ್ನು ಪಾಕಿಸ್ತಾನವೂ ಸಹ ನಿಷೇಧಿಸಿದೆ!
ಪಾಕಿಸ್ತಾನದ ಸಿನಿಮಾ ವಿತರಕ ಸತೀಶ್ ಆನಂದ್ ಈ ಬಗ್ಗೆ ಮಾತನಾಡಿದ್ದು, ‘ಅಬಿರ್ ಗುಲಾಲ್’ ಸಿನಿಮಾ ಅನ್ನು ಪಾಕಿಸ್ತಾನದಲ್ಲಿ ಬಿಡುಗಡೆ ಮಾಡಲಾಗುತ್ತಿಲ್ಲ. ಆ ಸಿನಿಮಾನಲ್ಲಿ ಭಾರತದ ನಾಯಕಿ ಇದ್ದಾಳೆಂಬ ಕಾರಣಕ್ಕೆ ಸಿನಿಮಾ ಬಿಡುಗಡೆಗೆ ಅವಕಾಶ ನೀಡಲಾಗಿಲ್ಲ’ ಎಂದಿದ್ದಾರೆ. ‘ಕೆಟ್ಟ ರಿಲೀಸ್ ಟೈಮಿಂಗ್ ನಿಂದಾಗಿ ಸಿನಿಮಾದ ನಿರ್ಮಾಪಕರು, ವಿತರಕರು ಭಾರಿ ನಷ್ಟ ಅನುಭವಿಸುವಂತಾಗಿದೆ’ ಎಂದಿದ್ದಾರೆ. ಸಿನಿಮಾದಲ್ಲಿ ಪಾಕಿಸ್ತಾನಿ ನಟ ಇದ್ದಾನೆಂದು ಭಾರತದಲ್ಲಿ, ಅದೇ ಸಿನಿಮಾದಲ್ಲಿ ಭಾರತೀಯ ನಟಿ ಇದ್ದಾಳೆಂದು ಪಾಕಿಸ್ತಾನದಲ್ಲಿ ‘ಅಬಿರ್ ಗುಲಾಲ್’ ಸಿನಿಮಾಕ್ಕೆ ನಿಷೇಧ ಹೇರಲಾಗಿದೆ ಎನ್ನಲಾಗಿದೆ.
- Advertisement -
