ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಫ್ರಾನ್ಸ್ ರಾಜಧಾನಿಯಲ್ಲಿ ನಡೆಯುತ್ತಿರುವ ಎಐ ಆ್ಯಕ್ಷನ್ ಸಮಿಟ್ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಭಾಷಣ ಮಾಡಿ ಎಐ ಆ್ಯಪ್ಗಳಲ್ಲಿರುವ ಒಂದು ದೋಷವನ್ನು ಎತ್ತಿತೋರಿಸಿದರು. ಎಡಗೈನಲ್ಲಿ ಒಬ್ಬ ವ್ಯಕ್ತಿ ಬರೆಯುತ್ತಿರುವ ಚಿತ್ರವನ್ನು ಎಐ ಆ್ಯಪ್ಗಳು ಬಿಡಿಸಲು ಆಗುವುದಿಲ್ಲ ಎಂದು ಮೋದಿ ಹೇಳಿದರು.
‘ನೀವು ಎಐ ಆ್ಯಪ್ನಲ್ಲಿ ಮೆಡಿಕಲ್ ರಿಪೋರ್ಟ್ ಅಪ್ಲೋಡ್ ಮಾಡಿದರೆ ಅದು ಬಹಳ ಸರಳವಾಗಿ ನಿಮ್ಮ ಆರೋಗ್ಯದ ಬಗ್ಗೆ ವಿವರಣೆ ನೀಡುತ್ತದೆ. ಅದೆ ಅ್ಯಪ್ಗೆ ನೀವು ಎಡಗೈನಲ್ಲಿ ಬರೆಯುತ್ತಿರುವ ವ್ಯಕ್ತಿಯ ಚಿತ್ರ ಬಿಡಿಸಲು ಹೇಳಿದರೆ ಬಹುತೇಕ ಅದು ಬಲಗೈನಲ್ಲಿ ಬರೆಯುತ್ತಿರುವ ಚಿತ್ರ ತೋರಿಸುತ್ತದೆ. ಟ್ರೈನಿಂಗ್ ಡಾಟಾ ಈ ರೀತಿ ಮೂಡಿಸಲಾಗಿರುವುದು ಇದಕ್ಕೆ ಕಾರಣ’ ಎಂದು ಪ್ಯಾರಿಸ್ ಸಭೆಯಲ್ಲಿ ಮೋದಿ ತಿಳಿಸಿದ್ದಾರೆ.
ಇಂಟರ್ನೆಟ್ನಲ್ಲಿ ಲಕ್ಷಾಂತರ ಜನರು ಗ್ರೋಕ್, ಚ್ಯಾಟ್ಜಿಪಿಟಿ, ಜೆಮಿನಿ ಇತ್ಯಾದಿ ಎಐ ಆ್ಯಪ್ಗಳಲ್ಲಿ ಎಡಗೈನಲ್ಲಿ ವ್ಯಕ್ತಿ ಬರೆಯುತ್ತಿರುವ ಚಿತ್ರಗಳನ್ನು ಜನರೇಟ್ ಮಾಡಲು ಯತ್ನಿಸಿದ್ದಾರೆ.
- Advertisement -
