ಹೊಸದಿಗಂತ ಡಿಜಿಟಲ್ ಡೆಸ್ಕ್
ಆಕಾಸ ಏರ್ ಸಂಸ್ಥೆಯ ವಿಮಾನವು ಪುಣೆ-ಬೆಂಗಳೂರು ಮಾರ್ಗದಲ್ಲಿ ಶನಿವಾರ (ನ.26)ದಿಂದ ಹಾರಾಟ ಶುರು ಮಾಡಿದ್ದು, ಈ ಎರಡೂ ನಗರಗಳ ನಡುವೆ ಪ್ರತಿದಿನ ಮೂರು ವಿಮಾಗಳು ಸಂಚರಿಸುವುದಾಗಿ ಆಕಾಸ ಏರ್ ಪ್ರಕಟಿಸಿದೆ.
ಈ ಕುರಿತು ಟ್ವೀಟ್ ಮಾಡಿರುವ ಆಕಾಸ ಏರ್ ಸಂಸ್ಥೆ, ಇದೇ ಮೊದಲ ಬಾರಿಗೆ ಪುಣೆಯಿಂದ ಆಕಾಸ ಏರ್ನ ವಿಮಾನ ಟೇಕ್ ಆಫ್ ಆಗಿ ಬೆಂಗಳೂರಿಗೆ ಹೊರಟಿದೆ. ಇದು ತುಂಬ ಅದ್ಭುತ ಎನ್ನಿಸುತ್ತದೆ. ಎರಡೂ ನಗರಗಳ ನಡುವೆ ಪ್ರತಿದಿನ ಮೂರು ವಿಮಾನಗಳು ಸಂಚಾರ ಮಾಡಲಿದ್ದು, ಆಕಾಸ ಏರ್ನ ವೆಬ್ಸೈಟ್ಗೆ ಭೇಟಿಕೊಟ್ಟು, ಅಲ್ಲಿಂದಲೇ ಟಿಕೆಟ್ ಬುಕ್ ಮಾಡಬಹುದು’ ಎಂದು ತಿಳಿಸಿದೆ.
ಈಗಾಗಲೇ ಬೆಂಗಳೂರು-ಮುಂಬಯಿ ನಡುವೆ ಐದು ವಿಮಾನಗಳು ಸಂಚಾರ ಮಾಡುತ್ತಿದ್ದವು. ನವೆಂಬರ್ 26ರಿಂದ ಈ ಮಾರ್ಗಕ್ಕೆ ಮತ್ತೆರಡು ವಿಮಾನಗಳು ಸೇರ್ಪಡೆಗೊಂಡಿವೆ.
ಆಗಸ್ಟ್ 7ರಂದುಆಕಾಸ ಏರ್ ಸಂಸ್ಥೆ ಕಾರ್ಯಾರಂಭ ಮಾಡಿದ್ದು , ಮೊದಲ ವಿಮಾನ ಮುಂಬಯಿ-ಅಹ್ಮದಾಬಾದ್ ಮಾರ್ಗದಲ್ಲಿ ಹಾರಾಟ ನಡೆಸಿತ್ತು.